Хуули дабталга 5:14 - Библи

¹⁴ Харин долоодохи үдэр – суббото, тэрэ Намда зорюулһан үдэр. Энэ үдэр ямаршье ажал бү хэ, өөрөөшье, хүбүүн, басаганши, богоол шэбэгшэдшни, сар, элжэгэншни, бүхы мал адагуусаншни, хотодош байрлаһан ерүүл хүншье – юрэдөө, бултадаа ямаршье ажал хэхэ ёһогүй. Шамдал адли, богоолнуудшни амарха ёһотой.

Хуули дабталга 5:14 ပူးပေါင်းရင်းမြစ်များ

Эхин 2:2

Долоодохи үдэр болоходо, Бурхан ажалаа дүүргэжэ, хэжэ байгаа бүхы ажалнуудһаа долоодохи үдэртөө Тэрэ амарба ха.

Нэхэмьяа 13:15

Субботын үдэр Иудада ажаһуугшад тусхай амһарта соо уһан үзэм низалан дарадаг, үзэмэй дараһан архи, уһан үзэм, алим жэмэсүүдые, элдэб ашаануудые элжэгээр зөөдэг байна гэжэ тэрэ үедэ мэдэжэ абабаб. Субботын үдэр энэ бүгэдые Иерусалим руу тэдэнэр асарна. Тэрэ үдэр тэдэнэрэй наймаагаа эрхилжэ байхадань, би энэ үдэрһөө хойшо иимэ ябадал хэхэ ёһогүйт гэжэ тэдэнэртэ хэлэбэб.

Нэхэмьяа 13:16

Тиирһээ уг гарбалтай хүнүүд элдэб ашаа, загаһа субботын үдэр Иудада, Иерусалимда ажаһуугшадта худалдадаг байгаа.

Нэхэмьяа 13:21

зүгөөр би тэдэнэртэ уридшалан мэдээсээд, иигэжэ дуулгааб: – Таанар хотын ханын дэргэдэ яахадаа хононобта? Хэрбэеэ үшөө дахин дабтабалтнай, таанарта хүсэ хэрэглэхэб. Тэрэ гэһэн сагһаа хойшо субботын үдэрнүүдтэ тэдэнэр үзэгдэхэеэ болёо һэн.

Нэхэмьяа 5:5

Бидэ нэгэ яһатан, нэгэ мяха шуһатайлди, манай үхибүүд тэдэнэйхи мэтэл. Зүгөөр бидэ хүбүүд болон басагадаа богоол болгохо болонобди, манай басагадай зариманиинь хүсөөр зарагдажа байна. Манай таряалан, сэсэрлиг ондоо зоной мэдэлдэ, бидэ ямаршье шадалгүйбди.

Египедһээ гаралга 23:12

Зургаан үдэр ажалаа хээд лэ, долоодохи үдэртэнь амардаг бай. Сар, элжэгэншни бэеэ тэниилгэг, богоолшни болон ерүүл зарасашни амяа абажа, һэгээ орог.

Левит 23:3

Зургаан үдэртэ ажалаа хээд, долоодохи үдэртөө – субботодо амарха ёһотой, нангин суглаа хэхэ хэрэгтэй. Хаанашье ажаһуугаа хадаа таанад ямаршье юумэ хэхэгүйт, энэ суббото хадаа Эзэнэй.

Марк 2:27

Түгэсхэлдэнь Иисүүс тэдэ фарисейнүүдтэ иигэжэ хэлэбэ: – Хүн гээшэмнай субботын тулада бэшэ, харин суббото хүнэй туһада зохёогдоо юм.

Лука 23:56

Тиигээд тэдэнэр гэртээ харижа, элдэб янзын хангалтай ургамалай тоһо бэлдэбэ. Теэд субботодо тэдэнэр Хуулида заагдаһан ёһоор амарба.

Хуули дабталга 5:13

Зургаан үдэрэй туршада ажаллажа, алибаа хэрэгээ бүтээжэ бай.

Еврейнүүдтэ 4:4

Нангин Бэшэг соо долоодохи үдэр тухай иигэжэ бэшээтэй: «Хэжэ байгаа ажалаа Бурхан долоодохи үдэртөө дүүргэжэ, хэжэ байгаа бүхы ажалнуудһаа долоодохи үдэртөө Бурхан амарба».