Хуули дабталга 4:40 - Библи

⁴⁰ Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 4:40 ပူးပေါင်းရင်းမြစ်များ

Псалманууд 105:45

тэдээнтэй хэһэн хэлсээгээ һанажа, энэрэл хайраар баян Тэрэ хайрлажа эхилдэг бэлэй.

Египедһээ гаралга 20:12

Эзэн Бурханайнгаа үршөөһэн газарта ута наһатай һуухын тулада эхэ, эсэгэеэ хүндэлжэ ябаарай.

Египедһээ гаралга 23:26

Танай орон нютагта эхэнэр дутуу түрэхэ, үри хүүгэдгүй байха ушар огтолон үгы болохо, үгтэһэн наһаяа дүүрэн наһалха арга Би танда олгохоб.

Экклезиаст 8:12

Нүгэлтэ зуу дахин нүгэл үйлэдөөшье һаа, ута наһа наһалдаг ушар байдаг, гэбэшье Бурханһаа түбэгшөөн, Тэрээндэ һүгэдэгшэнь юунһээшье үлүү гэжэ мэдэнэм.

Исай 65:20

Нарай нялханууд нарайдаа һамшахагүй, зон бултадаа наһалха наһаяа эдлэхэ. Зуу наһалаад үхэһэн хүн залуу гэжэ тоологдохо, харин энэ наһа наһалангүй урид нүгшэһэн хүндэ Минии хараал хүрөө гэжэ хэлсэгдэдэг байха.

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 35:18

Тиигээд би рэхаабуудай уг унгида Түмэн Сэрэгтэ Эзэнэй, Израилиин Бурханай, иигэжэ айладхаһые дамжуулбаб: – Үбгэ эсэгэ Ёнадаабай захиралта таанад сахин дүүргэнэт.

Ерэмияа 7:23

Гансал Минии үгэ дуулажа, Би тэдэнэй Бурхан, тэдэ Минии арад түмэн болохыень, тэдээндэ һайн байхын тула Минии захиһаар ажаһуухыень айладхан захираа һэм.

Ерэмияа 7:7

үбгэ эсэгэнэртэтнай хэтэ мүнхэдөө Минии үршөөһэн энэ газарта, энэ орон нютагта таанадые саашадаашье ажаһуухыетнай үлөөхэб.

Левит 22:31

Минии гаргаһан захяа заабари сахигты, дүүргэгты. Би Эзэн гээшэб.

Тоололго 10:29

Моисей мидиан үндэһэ яһанай болохо хадам эсэгэ Рэүһээлэй хүбүүн Хобаабта иигэжэ айладаба: – Бидэндэ үгэхэб гэжэ үбгэ эсэгэнэртэмнай үгэеэ үгэһэн Эзэнэй газар тээшэ бидэнэр ошожо ябанабди. Ши бидэнтэй ябалса, ушар юуб гэхэдэ, Эзэн израильшуудта олон һайн юумэ найдуулаа, шамдашье һайн юумэн хүртэхэ.

Иоанн 14:15

– Хэрбээ таанар Намда дуратай һаа, Минии захяа заабариие дүүргэхэт.

Хуули дабталга 11:9

Тиигэбэл, Эзэнэй танай үбгэ эсэгэнэртэ, уг удамдань үгэхөөр тангариглан найдуулһан газар дайдада, һүн далайн урдажа, зүгын балай дэлгэржэ байһан газарта, удаан сагта ажаһуухат.

Хуули дабталга 12:25

Эзэнэй захирһаар бүхы юумэ хээд байбалшни, шамда ба һүүлдэнь шинии уг удамда һайн байха. Шуһа бү эдеэрэй.

Хуули дабталга 12:28

Минии захин хэлэһэн үгэнүүдые дуулажа, сахин дүүргэгты. Эзэн Бурхандаа аятай, һайн юумэ хэжэ байбалтнай, таанадта, мүн үри һадаһандатнай хэтын хэтэдэ һайн байхал.

Хуули дабталга 22:7

Үндэгэнүүдыень, дальбараануудыень абахадашни болохо, харин эхыень таби. Иигээд байгаа һаашни, шамда һайн байха, удаан наһа наһалхаш.

Хуули дабталга 25:15

Һайн, тон зүб шулуун гиирнүүдые болон амһартануудые хэрэглэ. Тиигэбэл, Эзэн Бурханайнгаа үгэжэ байгаа газарта үни удаан ажаһуухаш.

Хуули дабталга 32:47

Юуб гэхэдэ, энэ хооһон үгэнүүд бэшэ, энэ хадаа танай ами наһан гээшэ. Энээнэй ашаар таанад ошожо ябаһан газартаа, Иорданай саана, удаан сагта ажаһуухат.

Хуули дабталга 33:25

Хотонуудынь бүхэ түмэр, зэд бартаануудтай, тэрэ хододоо хүсэ шадалтай амидарха».

Хуули дабталга 4:1

Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Хуули дабталга 4:2

Минии заабарилан захирһан үгэнүүдтэ бү нэмэгты, тэдээнһээ хороожошье бү байгты. Эзэн Бурханайтнай захяа заабаринуудые дамжуулхадамни, сахин ябагты.

Хуули дабталга 4:5

Ойлгогты, Эзэн Бурханайнгаа намда захин заабарилһан хуули, ёһо гуримуудта таанадые һурганаб. Эзэлхэ зорилготойгоор ошожо ябаһан тэрэ газартаа эдэниие сахин байгты.

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.

Хуули дабталга 5:10

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Хуули дабталга 5:16

Эзэн Бурханайнгаа үршөөһэн газарта үлзытэй һайн, ута наһатай һуухын тулада Эзэн Бурханайшни шамда захиһан ёһоор эхэ, эсэгэеэ хүндэлжэ ябаарай.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:18

Үнэн зүб, һайн хэрэгүүдые, Эзэнэй һанаанда таарама юумэ хэжэ байгты. Тиигэбэл, таанадта һайн байха, үбгэ эсэгэнэртэтнай Эзэнэй тангариглаһан тэрэ үрэжэлтэ һайхан газар нютагта ошожо, эзэмдэн ажаһуухат.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Тимофейдэ 1-дэхи 4:8

Бэеын һорилго бага зэргэ туһатай, гэхэдэ оюун ухаанай дадалга алишье сагта туһатай, ушарынь хэлэбэл, тэрэ эндэ газар дэлхэй дээрэшье, ерээдүйдэ тэнгэридэшье амидарал найдуулна.