Хуули дабталга 4:34 - Библи

³⁴ Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 4:34 ပူးပေါင်းရင်းမြစ်များ

Псалманууд 24:8

Иимэ һайн, зүб шударга юм, Эзэн! Тиимэһээ Тэрэ нүгэлтэндэ замынь заажа үгэдэг. י Ёд

Псалманууд 78:12

Эзэн, Таниие баһаһанайнь түлөө баһалтыень хүршэнэртэмнай долоо дахин үлүүгээр бусаагаарайт!

Египедһээ гаралга 1:9

Тэрэ нэгэтэ албатандаа иигэжэ хэлэбэ: – Харыт, энэ Израилиин үри һадаһад ямар олон болоо гээшэб, иигээд манһаа булюу хүсэтэй болохонь лэ.

Египедһээ гаралга 10:21

– Тэнгэри өөдэ гараа дэлгэн дэехэдэш, Египедэй газарта тэмтэржэ ябамаар шэб харанхы болохо, – гэжэ Эзэн Моисейдэ айладаба.

Египедһээ гаралга 10:7

Фараондо түшэмэлнүүдынь хандажа хэлэбэ: – Энэ хүнһөө боложо бидэ удаан зобохомнай гээшэ гү? Өөрынгөө Эзэн Бурханда үргэл хэхыень тэдэниие табиит, Египет хосоржо байна гэжэ харанагүй аалта?

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 14:30

Иигэжэ тэрэ үдэр Эзэн Израиль угсаатаниие Египет зонһоо абарһан байна. Израиль угсаатан далайн эрьедэ египет сэрэгшэдэй үхэһэн бэенүүдые хараа һэн.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Египедһээ гаралга 3:10

Иимэ ушарһаа Би шамайе фараондо эльгээхэм: Минии арадые, Израиль угсаатаниие Египедһээ гаргыш даа.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Египедһээ гаралга 7:3

Зүгөөр Би фараоной үсэд зангыень хүдэлгэхэб. Минии олон дүлгэ тэмдэг болон гайхамшаг үзэгдэлнүүдые Египет орондо үзүүлхэб.

Исай 51:9

Эзэн, һэриит, маанадта туһалыт! Хүсэ шадалаа зангидан, бидэниие абарыт! Эртэ урда сагта, урданай сагта мэтэ һэриит! Тэнгис далайн Рааһаб гэжэ амитаниие сабшан хюдаа, далайн абарга могойе таһа татаа бэлэйт.

Ерэмияа 21:5

Таанадта уурлан, хилгэнтэн, угаа ехээр дурагүйдэн, бии хүсэ шадалаараа урдаһаатнай туласалдахаб.

Ерэмияа 32:21

Дайсадай һүрдэтэр гайхамшагта үзэгдэлнүүдые харуулжа, Израилиин арад түмэнөө Египедэй газар дайдаһаа гаргаат.

Тоололго 20:16

Бидэ Эзэнһээ туһа эреэбди. Бидэнэй гуйлтые Эзэн дуулаад, бидэндэ туһалхыень Эльгээмэлээ эльгээгээ, бидэниие Тэрэ Египедһээ гаргаа. Бидэнэр эндэ, Кадээштэ, ерээд, танай газарай хилэ дээрэ тогтоод байнабди.

Хуули дабталга 1:30

Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 10:21

Тэрэ – танай алдар соло, Тэрэ – танай Бурхан. Танай түлөө агууехэ, һүрдэмөөр хэрэгүүдые хэһыень өөһэдынгөө нюдөөр хараа ха юмта.

Хуули дабталга 11:2

Һанажа байгты! Үхибүүдтнай бэшэ, таанад өөһэдөө Эзэн Бурханайнгаа хэһээлтэ мэдэһэн, хараһан байнат. Тэрэнэй һүр жабхалан, бар хүсыень, агууехэ шадалынь һанаад үзэгты.

Хуули дабталга 26:8

Бар хүсөөрөө, агууехэ шадалаараа, аймшагтай үзэгдэлнүүдээр, дүлгэ тэмдэгүүдэй, мүн гайхамшагта үзэгдэлнүүдэй аргаар Эзэн маанадые Египедһээ гаргаа.

Хуули дабталга 29:3

Ямар ехэ гай тодхор, агууехэ дүлгэ тэмдэгүүдые, гайхамшагта үзэгдэлнүүдые Тэрэнэй хэһые таанад хараа һэнта.

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.

Хуули дабталга 34:12

Израилиин арад зоной хараһаар байтар агууехэ, гайхамшагта үзэгдэлнүүдые Моисейһээ бэшэ ондоо ямаршье лүндэншэ хэзээдэшье хээгүй бэлэйл.

Хуули дабталга 5:15

Египедтэ богоол байһанаа, тэндэһээ Минии, Эзэн Бурханайшни, бар хүсөөрөө, агууехэ шадалаараа шамайе гаргаһан тухай бү марта. Тиимэһээ Би, Эзэн Бурханшни, субботые жэншэдгүй сахихыешни захирнаб.

Хуули дабталга 6:21

хүбүүндээ иигэжэ хэлээрэй: «Египедтэ фараоной богоолнууд байһан гээшэбди, теэд Эзэн тэндэһээ бар хүсөөрөө маанадые гаргаһан юм.

Хуули дабталга 7:19

Ямар ехэ гай тодхор тэдээндэ эльгээһыень таанад хараа бэлэйт. Дүлгэ тэмдэгүүдые, гайхамшагта үзэгдэлнүүдые, бар хүсөөрөө, агууехэ шадалаараа таанадые Египедһээ Эзэнэй гаргаһыень һанаа бэзэт. Таанадай мүнөө айдаг арадуудтай Эзэн Бурхантнай тон тиимэ юумэ хэхэл.

Хуули дабталга 9:29

Тииһээ тиитэрээ тэдэ – Танай арад, Танай хуби, асари ехэ хүсөөрөө, агууехэ шадалаараа тэдэниие Египедһээ гаргаат».

Нүүнэй Иисүүс 24:7

Эсэгэнэртнай Эзэндэ хандан гуйгаа. Эзэн таанарай ба Египедэй зоной хоорондо шэб харанхые табяа, тэдээн тээшэ далай урадхуулхадань, уһан тэдээниие дараа. Египедтэ юу хэһыемни танай нюдэн хараа. Тиигээд удаан элһэн губида байгаат.

Пётрой 1-дэхи хандалга 5:6

Тиимэһээ һүр хүсэтэй Бурханай урда даруухан байгты, тиигэбэлтнай, сагай ерэхэдэ, Бурхан таанадые дээшэнь үргэхэл.