Хуули дабталга 4:32 - Библи

³² Урданайнгаа үе саг һанаад үзэгты, алтан дэлхэй дээрэ хүниие Бурханай байгуулһан үдэрһөө хойшо, дэлхэйн нэгэ захаһаа нүгөө заха хүрэтэр энээндэл адли агуу хэрэг байгаа юм гү, энээндэл адли юумэн дуулдаһан гээшэ гү? Иимэ гайхамшагта хэрэг хэзээ нэгэтэ болоо һэн гү? Үгы!

Хуули дабталга 4:32 ပူးပေါင်းရင်းမြစ်များ

Эхин 1:27

Бурхан Өөртөө адли түһөөтэйгөөр хүниие бүтээгээ. Тэрэ эрэ эмэ хоёрые бүтээгээ.

2 Хаан түрэнүүд 7:23

Танай арад түмэн Израильдал адли үшөө ямар үндэһэтэн газар дээрэ байнаб? Та, Бурхан, Израилиие абаржа, Өөрын арад түмэн болгоод, Өөрынгөө нэрэ алдаршуулаа бэлэйт. Египедһээ гаргажа, ондоо арадуудһаа болон тэдэнэй бурхадһаа сүлөөлэн, арад түмэнэйнгөө түлөө Та агууехэ, һүрдэмөөр үйлэ хэрэгүүдые хээ бэлэйт.

Иоов 8:8

Эртын зоной ухаанһаа һуража, элинсэгүүдэй үзэжэ мэдэһэниие ойлгожо аба.

Псалманууд 44:1

[Дуунай бүлэгые хүтэлбэрилэгшэдэ: «Сараана» гэдэг аялга. Коорахай уг удамай ирагуу үгэнүүд, инаг дуранай дуун.]

Египедһээ гаралга 34:10

Эзэн харюу үгэбэ: – Би тантай хэлсээ баталнам. Угсаата арадайш хараһаар байтар ямаршье газарта, ямаршье арадта үзэгдөөгүй гайхамшаг үзэгдэлнүүдые харуулхам! Шамайе тойроһон зон Минии, Эзэнэй, шинии түлөө хэдэг үйлэ хэрэгүүдые хаража, һүрдэн байг лэ!

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Ёһээл 1:2

Аха захатан, энээниие соносогты. Энэ газарта оршон һуугшад, бултадаа Намайе шагнагты. Таанарай гү, али үбгэ эсэгэнэрэйтнай үедэ иимэрхүү ябадал болоо гү?

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Марк 13:27

Тиигээд Тэрэ Бурханай шэлэжэ абаһан зониие суглуулхын тула газар дэлхэйн заха хизаарһаа огторгойн заха хизаар хүрэтэр Эльгээмэлнүүдээ ябуулха.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 30:4

Тэнгэриин хирхаг хүрэтэр тараагдаһан байгаашье һаатнай, Эзэн Бурхантнай таанадые суглуулжа, тэндэһээ һөөргэнь асархал.

Хуули дабталга 32:7

Эртэ урдын саг һанаад үзэгты, үни заяанда үнгэрһэн он жэлнүүд тушаа бодомжолоод туршагты. Эсэгэнэрһээ асуун һурагты, тэдэ танда ойлгуулха, үбгэдһөө асуугаарайгты, тэдэ танда хэлэхэ.

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.

Хуули дабталга 4:7

Бидэнэй дуудаха бүхэндэ Эзэн Бурхамнай маанадые анхарна. Бурханта дүтэ, хайра үршөөлтэй үшөө иимэ агууехэ үндэһэ яһатан бии юм аал?