Хуули дабталга 4:29 - Библи

^29-30 Гай тодхорой таанадые нэгэ хэды болоод дайража эхилхэдэ, зобохо зүдэрхэ үедөө Эзэн Бурхандаа эрьехэт. Тиихэдээ Тэрэниие бэдэрээ һаа, бүхы зүрхэ сэдьхэлээрээ шүтэн бэдэрбэл, олохот, Тэрэнэй үгэ соо байхат.

Хуули дабталга 4:29 ပူးပေါင်းရင်းမြစ်များ

4 Хаан түрэнүүд 10:31

Теэд Еһүү үнэн зүрхэнһөө Израилиин Бурханай, Эзэнэй нангин хуулинуудые сахибагүй. Тэрэ Израильда нүгэл хэһэн Еробоһаамай үйлэдэһэн нүгэлнүүдһээ арсабагүй.

4 Хаан түрэнүүд 23:3

Хаан табсан дээрэ зогсоод, Эзэниие дахан ябаха, энэ ном соо бэшээтэй хэлсээнэй үгэнүүдые бэелүүлхын тула һургаал заабаринуудынь, захиралтануудынь, хуули ёһонуудынь бүхы сэдьхэлһээ, үнэнхэ зүрхэнһөө сахин байха тушаа хэлсээ баталба. Арад зон тэрэ хэлсээе тогтоон абаба.

2 Угай бэшэг 15:12

Үнэн зүрхэнһөө, бүхы сэдьхэлһээ Эзэн Бурханиие шүтэн хүндэлэн байха тухай хэлсээ тэдэ баталба.

2 Угай бэшэг 15:15

Иигэжэ Иудын улад зоной жэншэдгүй Эзэн Бурханда шүтэхэдэ, Тэрэ Өөрыгөө олгуулба. Зон үнэнхэ зүрхэнһөө Тэрээндэ тангариглажа, энээндээ ехэ баяртай байгаа. Эзэн иигэжэ тэдээндэ бүхы талаһаань энхэ тайбан байдал бэлэглээ һэн.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 15:4

Харин гай тодхорой тохёолдоходо, тэрэ Израилиин Эзэн Бурханда эрьежэ, бэдэржэ эхилхэ. Тиихэдэнь Тэрэ Өөрыгөө олгуулха.

2 Угай бэшэг 31:21

Бурханай Һүмын, мүн хуули ёһо, захяа заабаринуудые сахиха хэрэгүүдтэ тэрэ өөрын Бурхан тушаа һанан, үнэнхэ зүрхэнһөө оролдоо. Тиимэһээ тэрэ амжалта туйлаа.

Нэхэмьяа 1:9

Хэрбэеэ таанад Намда хандажа, Минии зарлиг наринаар сахин бэелүүлжэ эхилбэлтнай, тэнгэриин захадашье байбалтнай, би таанарые шэлэһэн газартаа асархаб, Минии нэрэ тэндэ мэдээжэ болохо».

Нэхэмьяа 9:27

Тиигээд Та тэдэниие дайсадайнь һабарта оруулаат, эдэнь бултыень хашажа эхилбэ. Тэдэнэр аргагүй хүндэ байдалда ороходоо, Таниие дуудажа эхилбэ, Та огторгойн уудамһаа дуулабат. Та Өөрынгөө нигүүлэсхы агуу сэдьхэлһээ тэдэнэртэ абарагшадые эльгээбэт, тэдэ дайсадһаань сүлөөлбэ.

Псалманууд 119:2

Эзэн, намайе худалша аманһаа, худал хуурмаг хэлэнһээ абарыт!

Ерэмияа 3:10

Эдэ бүгэдын удаа Иуда, Израилиин этигэл найдабаригүй эгэшэ, бүхы зүрхэ сэдьхэлээрээ Намда эрьен ерээ бэшэ, харин худал хуурмаг шэг шарай үзүүлнэ. Энэ болбол Би, Эзэн, айладхал буулгана мүн!

Ерэмияа 51:50

Эзэн Вавилоондо байһан Өөрынгөө арад түмэндэ иигэжэ айладхана: – Таанад абарагдаат! Мүнөө тиигээд ябагты! Хүлеэжэ бү байгты! Гэрһээ холошье байгаа хадаа Нам, өөрынгөө Эзэн, тушаа һанагты, Иерусалим һанаан бодолдотнай орог лэ.

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Ёһээл 2:12

Эзэн айладхажа байна. «Мүнөө нүгэлтэ таанадай уйлаха саг ерээ. Масаг барижа, уйлажа, гашуудажа, бүхы зүрхэ сэдьхэлээрээ Нам тээшэ эрьегты.

Амоос 5:4

Эзэн израильшуудта иигэжэ айладана: Нам руу эрьебэл, амиды мэндэ үлэхэт!

Хуули дабталга 10:12

Зай, Израилиин арад зон, Эзэн Бурхантнай таанадта гансал эрилтэтэй: Тэрэниие хүндэлэгты, Тэрэнэй зааһан замаар хододоо ябагты, Тэрээндэ дуратай байгты, үнэнхэ зүрхэнһөө Эзэн Бурхандаа һүгэдэгты.

Хуули дабталга 11:13

Хэрбээ минии мүнөөдэр хэлэһэн захяа заабаринуудые шагнан сахижа, Эзэн Бурхандаа дуратай байжа, бүхы зүрхэ сэдьхэлээрээ Тэрээндэ һүгэдөө гээшэ һаатнай,

Хуули дабталга 26:16

Эзэн Бурхантнай эдэ бүхы хуули, ёһо гуримуудые дүүргэхыешни мүнөөдэр шамда захирна. Бүхы зүрхэ сэдьхэлээрээ эрмэлзэн, тэдэниие дүүргээрэй.

Хуули дабталга 30:10

Эзэн Бурханайнгаа үгэ дуулажа, һургаалай энэ ном соо бэшэгдэһэн Тэрэнэй захяа заабаринуудые, хуули ёһонуудые сахин дүүргэгты. Бүхы зүрхэ сэдьхэлээрээ Эзэн Бурхандаа этигэн эрьегты.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Нүүнэй Иисүүс 22:5

Гансал Эзэнэй богоол Моисейн танда захиһан захяа хуулиие жэншэдгүй сахихые оролдогты: Эзэндэ, танай Бурханда дуратай байгты, Тэрээнэй замаар ябагты, Тэрээнэй захяае хадагалжа ябагты, Тэрээндэ няалдажа, бүхы зүрхөөрөө, бүхы сэдьхэлээрээ алба хэгты.

1 Хаан түрэнүүд 7:3

Самуил Израилиин бүхы арад зондо иигэжэ хэлэбэ: – Хэрбээ таанад бүхы ухаан бодолоороо Эзэндэ эрьен хандажа байгаа һаа, өөһэд хоорондоһоо хариин бурхадай болон Аштаартуудай дүрсэнүүдые зайлуулагты, үнэнхэ зүрхэнһөө бэеэ Эзэндэ зорюулагты, гансал Тэрээндэ мүргэгты. Тиихэдэ Эзэн таанадые пилиштүүдэй һабарһаа абарха.