Хуули дабталга 4:27 - Библи

²⁷ Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Хуули дабталга 4:27 ပူးပေါင်းရင်းမြစ်များ

Эхин 11:4

Хоорондоо тэдэ дахин хэлсэбэ: – Газар дэлхэйгээр таража бутархагүйн тула бидэ асари хүсэтэй, алдар солотой, һүр ехэтэй улас түрэ болохо ёһотойбди. Тиимэһээ тэнгэри тулама үндэр самхаг, бата найдамтай хэрэмтэй хото бария.

Эхин 34:30

Энээнэй удаа Яков Симеон Левий хоёрто иигэжэ хэлээ: – Таанар намда гай тодхор асарбат! Энэ нютагай яһатан, ханаһаан, пэриззии обог зон бултадаа бидэндэ хоролхохо. Бидэ үсөөмди. Хэрбээ тэдэнэй хамта бидэнэй урдаһаа дайлаа һаань, бидэ бултадаа усадхагдахабди!

Нэхэмьяа 1:3

Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Псалманууд 106:27

Тэдэ архиншадал эрьелдэн, найгалзан байгаа, бүхы сэсэн мэргэн тэдээндэ хэрэгтэй бэшэ.

Псалманууд 44:11

Шагнаарай, охин, харан, анхаралтай соносоорой, өөрын арад түмэниие болон эсэгынгээ гэрые мартаарай.

Псалманууд 44:12

Шинии гоо һайханда хаан татагдаха, тэрэ шинии эзэн мүн, тиимэһээ тэрээндэ һүгэдэн байгаарай.

Исай 17:6

Нэгэ хэдыл зон амиды мэндэ үлэхэ. Оливын модо сохиходо, эгээл дээдэ мүшэрэйнь оройдо хоёр-гурбан жэмэсэй үлэдэгтэл гү, али доодо һайн мүшэрнүүдтэнь нэгэ хэдыл жэмэсэй үлэдэгтэл адли Израиль болоод байха. Энэ болбол Би, Израилиин Бурхан, айладхана мүн!»

Ерэмияа 16:13

Тиимэһээ Би таанарые энэ нютагһаа өөһэдынтнай болон үбгэ эсэгэнэрэйтнайшье танихагүй газар руу шэдэн үлдэхэб. Тэндэ ондоо бурхадта үдэр, һүнигүй алба хэдэг байхат. Би таанадые хайрлахагүйб гэжэ Эзэн айладхана, – гээд хэлэхэш.

Эзэкээл 11:16

Эдээндэ Минии иигэжэ айладаһые дуулга: «Би тэдэниие ондоо арадууд руу абаашан, ондоо орон нютагуудаар тараагаашье һаа, ошоһон газарнуудтань Би Өөрөө түр зуура тэдэнэй Һүмэ болооб».

Эзэкээл 12:15

Иигэжэ Минии тэдэниие үндэһэ яһатадай дундуур, ондоо улас түрэнүүдээр тараахада, тэдэ Намайе Эзэн гээд мэдэдэг болохо.

Эзэкээл 20:23

Иигээд элһэн сүл губида ондоо шахаа тангариг үргэбэб, үндэһэ яһатадай дундуур тэдэниие тараан сасахаб гэжэ тангариглаа бэлэйб.

Эзэкээл 22:15

Таанадые үндэһэ яһатадай дундуур сасан тараахаб, ондоо газар нютагуудаар хиидхүүлэн байхаб. Тиигээд бузарлаха ябадалнуудыетнай болюулхаб.

Эзэкээл 32:26

Мээшэх болон Тубаалай сэрэгшэдэй хүүрнүүд мүн лэ тэндэ юм. Буян бурхангүй тэдэнэр бусад зониие ехэ айлган һүрдөөн байгаа, удаань булта дайн дажарта алуулаа.

Даниил 9:7

Эзэн, Та зүбта, харин бидэ мүнөө эшхэбтэр байдалда оронхой, нэрээ хухаранхай байнабди – Иудын, Иерусалимай болон Израилиин хан түрын бүхы улад зон: Танһаа буруу харахадамнай холо, ойрошье орон нютагуудаар Танай сасааша хүнүүд.

Һошээ 9:17

Минии Бурхан тэдээнһээ буруу хараха, юуб гэхэдэ, тэдэ үгыень дуулаагүй. Тиигээд тэдэ ондоо арадуудай дунда тэнэжэ-түгэншэлжэ ябаха.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.

Хуули дабталга 29:28

Уур сухалтай, хилэнсэгтэ, ехэ дураа гутаһан Эзэн тэдэниие газарһаань үлдэн гаргажа, хариин нютаг руу эльгээгээ. Мүнөө тэдэнэр тэндээ байһаар».

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.