Хуули дабталга 4:24 - Библи

²⁴ Юуб гэхэдэ, Эзэн Бурхантнай үрэбхилдэг гал дүлэн мэтэ, Тэрэ ондоо бурхадые тэсэхэгүй.

Хуули дабталга 4:24 ပူးပေါင်းရင်းမြစ်များ

4 Хаан түрэнүүд 24:20

Иерусалимай болон Иудын зоной Эзэнэй уур сухалые аргагүй ехээр хүдэлгэхэдэ, Тэрэ тэдэниие буруушаажа, тэдэнһээ буруу хараба. Цэдэкиия Вавилооной хаанай урдаһаа эсэргүүсэн бодобо.

Псалманууд 21:9

«Тэрэ Эзэндэ этигэдэг байгаа, тиимэ хадань Эзэниинь лэ абараг! Тэрээндэ Эзэн дуратай һаа, абараг!»

Египедһээ гаралга 15:7

Алдар солынтнай жабхалан эсэргүүсэгшэдэй һүр һүлдые һүнөөгөө. Урдаһаатнай бодогшод уур хилэнгэйтнай галда хагдандал шатажа һалаа.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 24:17

Уулын оройдо соробхилһон гал мэтэ Эзэнэй һүр соло Израилиин зондо үзэгдөө бэлэй.

Египедһээ гаралга 33:3

Һү тарагаар, бал тоһоор дэлбэржэ байһан тэрэ газарта ошогты! Би тантай ошохогүйб. Юуб гэхэдэ, үсэдһөөтнай хилэнлэн, таанадые усадхажа магадгүйб гэжэ һанан нарилнаб.

Египедһээ гаралга 34:14

Эзэнһээ ондоо бурханда һүгэдэхэ ёһогүйт! Юундэб гэхэдэ, Эзэнэй нэрэнь – Жүтөөрхэл! Өөрын юумэ нарин сахигша Бурхан гээшэ!

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 30:27

Аяар холоһоо Эзэнэй нэрэ дүтэлжэ байна. Уур хилэнгынь галаар бадаржа, дүлэнгынь угаа шанга. Аманиинь хилэнгээр дүүрэнхэй, хэлэниинь үрэбхидэг галдал мэтэ!

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 42:8

Би болбол Эзэн гээшэб! Иимэ нэрэтэйб! Минии алдар соло ондоо ямаршье бурханда хүртэхэ ёһогүй, Намда үргэһэн магтаалые һиилэмэл хүрэгүүд хубаалдаха эрхэгүй.

Амоос 5:6

Эзэндэ эрьегты, тиигэбэл, амиды мэндэ үлэхэт! Үгы һаатнай, Тэрэ гал дүлэн мэтэ Иосифой гэр бүлэдэ добтолхо, иигэжэ Бэт-Ээл шатажа һалаха, хэншье тэрэ галые унтараажа шадахагүй!

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Цэпаанияа 3:8

Тиимэһээ Намайе хүлеэгты! Минии ерэхэ үдэр хүрэтэр! Арадуудые суглуулжа, хан түрэнүүдые дуудажа, уур сухалаа, уур хилэнсэгэйнгээ бүхы гал дүлэн тэдээн дээрэ адхахаб! Иигэжэ Би зарга шүүбэри ябуулхаб, иигэжэ Минии уур сухалай гал дүлэндэ бүхы дэлхэй шатаха!

Тоололго 25:11

– Арад зонойш ондоо бурхадта бэшэ, харин гансал Намда шүтэдэг байхынь тула атаа жүтөөрхэлтэйгөөр Би Өөрынгөө арадта хандадагби. Санаарта Аһарооной ашань болохо, Эльазаарай хүбүүн Пинэһаас Минии жүтөөрхэлые арад зондоо мэдүүлжэ, Минии уур сухалһаа бүхы израильшуудые абарба. Тиимэһээ Би эндэ суглараад байһан таанадые хосороохогүйб,

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 32:16

Эгээлэ бурхадта тэдэнэр мүргэжэ, Эзэнэй уур хүдэлгөө. Жэгшүүрилтэ муухай юумэ тэдэнэр хэжэ, Тэрэниие сухалдуулаа.

Хуули дабталга 5:9

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, хуулияа ханалгатай сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Хуули дабталга 6:15

Ондоо бурхадта мүргөө һаатнай, Эзэн таанадта уур хилэнтэжэ, газарай хүрьһэн дээрэһээ таанадые үгы хэхэ, юуб гэбэл, Эзэн Бурхантнай ондоо бурхадые тэсэжэ байхагүй.

Хуули дабталга 9:3

Теэд мүнөө одоо мэдэжэ байгты: Эзэн Бурхантнай бүхы юумэ үрэбхилдэг гал дүлэндэл, таанадай урда ябана. Тэрэ тэдэниие хюдаха, таанадаар диилүүлхэ. Эзэнэй та бүгэдэндэ найдуулһанай ёһоор, таанад газар уһыень эзэмдэхэт, түргөөр тэдэниие һалгаахат.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.