Хуули дабталга 4:19 - Библи

¹⁹ Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.

Хуули дабталга 4:19 ပူးပေါင်းရင်းမြစ်များ

Эхин 1:14

Бурхан: – Үдэр, һүниие илгаруулхын, саг болзор, уларилай шэнжэ харуулхын, хоног, жэлнүүдые хэмжүүрлэхын тулада тэнгэридэ ялагар дэнгүүд бии болохонь болтогой!

Эхин 2:1

Иигэжэ оршолон юртэмсэ болон амитай, амигүй байгаали бүтээгдэһэн гээшэ.

4 Хаан түрэнүүд 17:16

Теэд тэдэнэр Эзэнэй, өөрынгөө Бурханай бүхы зарлиг захяануудые хайхарбагүй. Тиигээд тэдэнэр өөһэдтөө тугалнуудые шудхаад, Ашэраагай модон сэргэнүүдые табяад, наран, һара болон тэнгэриин одо мүшэдтэ мүргэжэ, Баалда алба хэжэ,

4 Хаан түрэнүүд 21:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Израилиин хаан Ахаабые һажаажа Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

4 Хаан түрэнүүд 23:11

Тиигээд тэрэ Иудын хаашуулай Наранда зорюулһан моридые, дайшалхы тэргэнүүдые галдаба. Тэдэнэр Эзэнэй һүмын үргөөндэ ородог үүдэнһээ холо бэшэ байдаг заһаагаа абхуулһан Натаан-Мээлэх харуулшанай таһалгануудта дүтэшэг байгаа.

2 Угай бэшэг 33:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Псалманууд 19:3

Тэрэ шамда нангин газарһаа туһа эльгээхэнь болтогой! Сионһоо шамда түшэг тулгуубари болог лэ!

Ерэмияа 19:13

Гэрэй хушалтанууд дээрэ огторгойн мүшэдтэ уталга ууюулһан, ондоо бурхадта сэржэм үргэһэн – бүхы иимэ Иерусалимай гэр байранууд, Иудын хаашуулай гэрнүүд Тоопэт газартал бузарлагдаха».

Ерэмияа 31:35

Үдэрэй гэрэлтэ нарые, һүниин һара болон одо мүшэдые Эзэн үршөөгөө, долгидойнь шааятар далайе доһолгоогоо. Тэрэнэй нэрэ болбол Түмэн Сэрэгтэ Эзэн мүн.

Ерэмияа 33:25

Теэд Би үдэр, һүнитэй хэлсээ баталанхайб, газар дэлхэй, тэнгэри тухай хуули ёһонуудые Би зохёогооб.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Эзэкээл 18:6

Обоонуудта тахигдаһан үргэлэй хоол тэрэ баридаггүй, Израилиин онгонуудта мүргэдэггүй гэел даа. Ондоо хүнэй һамгантай унтадаггүй, һарынхияа үзэжэ байхадань һамгандаа хүрэдэггүй гэе.

Эзэкээл 8:16

Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.

Цэпаанияа 1:5

Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Матвей 5:45

Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.

Хэрэгүүд 7:42

Тиихэдэнь Бурхан тэдэниие буруу хаража, лүндэншэдэй номууд соо бэшэгдэһэн ёһоор огторгойн одо мүшэдтэ мүргэхэдэнь һаалта хээгүй: «Израилиин арад зон! Таанар дүшэн жэлэй туршада сүл губяар нүүжэ ябахадаа, амитадые гаргаад, Намда үргэл үргэдэг байгаа аалта?

Римэйхиндэ 1:25

Тэдэнэр Бурхан тухай үнэн зүбые худал хуурмагаар һэлгээ, тиигээд хэтын хэтэдэ магтаал солотой байха Бүтээгшэ Бурханда шүтэхын орондо Бурханай бүтээһэн юумэнүүдтэ шүтэнэ.

Хуули дабталга 13:10

Шулуу шэдэн тэрэниие алаарай! Юуб гэхэдэ, Египедэй газар дайдаһаа гаргаһан, богоол байдалһаашни мултаруулһан Эзэн Бурханһаашни шамайе холодуулхые тэрэ һэдээ бшуу.

Хуули дабталга 13:5

Эзэн Бурханайтнай захиһан замһаа таанадые хадууруулхаяа һанажа уряалһан, Египедэй газар дайдаһаа гаргаһан, богоол байдалһаатнай мултаруулһан Эзэн Бурхандаа урбахыетнай тухирдаг тэрэ лүндэншые гү, али зүүдэндээ юумэ харадаг хүниие хороохо хэрэгтэй. Өөһэдһөө муу юумэ зайсуулха ёһотойт.

Хуули дабталга 4:18

газараар мүлхилдэг хорхойн, уһан соогуур тамардаг загаһанай дүрсэ хэхэгүйн тула.