Хуули дабталга 4:15 - Библи

¹⁵ Хорээб хада дээрэһээ, гал дүлэн сооһоо Эзэнэй танда хандаһан тэрэ үдэр та бүгэдэ Өөрыень хараагүйт. Бурхан ямаршье дүрсэгүй. Энээн тушаа хододоо һанажа ябагты.

Хуули дабталга 4:15 ပူးပေါင်းရင်းမြစ်များ

3 Хаан түрэнүүд 19:12

Удаань гал дүлэн болобо. Гэбэшье гал дотор Эзэн байгаагүй. Галай удаа аалихан шэбэнээн дуулдаба.

Египедһээ гаралга 19:1

Египедһээ гараһанһаань хойшо гурбадахи һара эхилбэ. Тэдэ Синайн губида ерэжэ тогтобо.

Египедһээ гаралга 20:4

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Һургаал 4:23

Хамагай түрүүн зүрхөө хамгаала. Тэрээнһээ аминай булагууд гарадаг юм.

Һургаал 4:27

Зүүн, баруун тээшээ годиронгүй яба, хорон мууһаа зайлажа яба.

Исай 40:18

Таанад Бурханиие хэнтэй адлидхахабта? Ямар дүрсэтэй гээд яагаад зураглахабта?

Ерэмияа 17:21

Ами наһаяа аршалха гээ һаа, амаралтын үдэр ямар нэгэн ашаа үргэхэһөө, Иерусалимай бартаануудаар ямар нэгэн зүйл үргэн гаргахаһаа болгоомжологты гэжэ тэдээндэ дуулга.

Малаахи 2:15

Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Хуули дабталга 10:4

Танай сугларһан үдэр хада дээрэһээ, гал дүлэн сооһоо таанадта айладхаһан Өөрынгөө Арбан Зарлиг Тэрэ урдань бэшээтэйдэл адляар эдэ хабтаһанууд дээрэ бэшэжэ, намда үгэбэ.

Хуули дабталга 4:12

Эзэн гал дүлэн сооһоо таанадта хандан дуугараа һэн. Үгэнүүдыень дуулаат, харин дүрсыень хараагүйт, гансал абяаень дуулаа бэлэйт.

Хуули дабталга 4:14

Эзэлхэеэ ошожо ябаһан газар дайдада таанадай сахин ябаха хуули, ёһо гуримуудта та бүгэдые һургахыемни Эзэн тэрэ үедэ намда захираа бэлэй.

Хуули дабталга 4:23

Теэд болгоомжологты! Эзэн Бурхантаяа баталһан хэлсээгээ бү мартагты! Эзэн Бурханайтнай захирһанай ёһоор, ямаршье юумэ һажааһан хүрэг, дүрсэ бү дархалагты.

Хуули дабталга 4:36

Таанадые һургахын тула Тэрэ тэнгэриһээ дуугараа, Өөрынгөө агууехэ гал дүлэн газар дэлхэй дээрэ харуулаа, гал дүлэн сооһоо үгэнүүдыень шагнаат.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Хуули дабталга 5:4

Таанадтай улаан нюураараа уулзалдан, Эзэн тэрэ хада дээрэһээ, гал дүлэн сооһоо үгэ хүүр айладаһан байна.

Хуули дабталга 5:8

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Хуули дабталга 9:10

Өөрынь гараар бэшэһэн бэшэгтэй хоёр шулуун хабтаһа намда Эзэн үгөө бэлэй. Та бүгэдын сугларһан тэрэ үдэр хада дээрэһээ, гал дүлэн сооһоо Эзэнэй таанадта айладхаһан бүхы үгэнүүд тэдээн дээрэ бэшээтэй байгаа.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Нүүнэй Иисүүс 23:11

Тиимэһээ Эзэндэ, танай Бурханда али болохоор дуратай байхые оролдогты.