Хуули дабталга 34:7 - Библи

⁷ Моисей нүгшэхэдөө зуун хори наһатай байгаа. Тэрэнэй бэе шанга зандаа, нюдэнэйнь хараса балартаагүй бэлэй.

Хуули дабталга 34:7 ပူးပေါင်းရင်းမြစ်များ

Эхин 27:1

Үбгэрхэдөө һохор болоһон Исаак нэгэтэ ууган хүбүүгээ дуудан: – Хүбүүмни! – гэхэдэнь, – Юун бэ, аба? – гэжэ Эсаав асууба.

Эхин 48:10

Үбгэ наһан боложо, Израилиин хараа муудаад, мүртэй һайнаар харадаггүй һэн. Иосиф хүбүүдээ дүтэлүүлбэ, Израиль ашанараа тэбэреэд таалаба.

Иоов 5:26

Амидаржа ханаад, наһанай туйлда ши хүрэхэш.

Египедһээ гаралга 7:7

Фараондо хандаха тэрэ үедөө Моисей наян наһатай, Аһароон наян гурбатай байгаа.

Хэрэгүүд 7:23

Моисей дүшэн наһатайдаа аха дүүнэрээ, Израилиин хүбүүдые харахаяа һанаба.

Хэрэгүүд 7:30

Дүшэн жэлэй үнгэрһэн хойно Синай хадын хаяада оршодог губида гал дүлөөр соробхилжо байһан үүргэнын һөөг сооһоо Бурханай Эльгээмэл Моисейдэ үзэгдэбэ.

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Хуули дабталга 31:2

– Мүнөө би зуун хорин наһатайб, ябахамни хүндэ болонхой. Иорданиие ши гаталхагүйш гээд Эзэн намда айладаа.

Хуули дабталга 34:8

Израилиин арад зон Моисей тушаа гушан үдэрэй туршада гашуудал дүүрэн байба. Гашуудал, голхоролой сагай дүүрэтэр тэдэнэр Моһаабай нюруу газарта байгаа бэлэй.