Хуули дабталга 33:29 - Библи

²⁹ Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.

Хуули дабталга 33:29 ပူးပေါင်းရင်းမြစ်များ

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

2 Хаан түрэнүүд 22:3

минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни. Тэрэ минии Абарагша, балмад шэрүүнһээ намайе хамгаалаа.

2 Хаан түрэнүүд 22:45

Хариин зон урдаһаам билдагуушална. Дууламсаараал тэдэ захиралтым дүүргэнэ,

2 Хаан түрэнүүд 7:23

Танай арад түмэн Израильдал адли үшөө ямар үндэһэтэн газар дээрэ байнаб? Та, Бурхан, Израилиие абаржа, Өөрын арад түмэн болгоод, Өөрынгөө нэрэ алдаршуулаа бэлэйт. Египедһээ гаргажа, ондоо арадуудһаа болон тэдэнэй бурхадһаа сүлөөлэн, арад түмэнэйнгөө түлөө Та агууехэ, һүрдэмөөр үйлэ хэрэгүүдые хээ бэлэйт.

2 Угай бэшэг 31:8

Хэзэкияа түшэмэлнүүдтэеэ хамта ерэжэ, энэ обоо-хүбөөе хаража, Эзэндэ болон Тэрэнэй арад Израильда баяр баясхалан хүргэбэ.

Псалманууд 1:1

Хорото муу зоной зүбшэл дагаагүй, нүгэлтэнэй замаар ябаагүй, Бурханиие баһагшадтай хамта һуудаггүй хүн үнэн шударгал!

Псалманууд 144:15

Бүгэдын нюдэд Тан руу шэглэнхэй. Сагай ерэхэдэ хоол хүнэһынь үгэнэт. פ Пээ

Псалманууд 32:1

Зүб шударга улад зон, Эзэн тухай баясан хүхилдэн байгты! Сэхэ сэбэр зантай зоной Эзэндэ магтаал үргэхэнь угаа таатай.

Псалманууд 32:2

Ятагын ирагуу хүгжэмөөр Эзэндэ талархалаа үргэгты, арбан утаһан морин хуураар Тэрээндэ магтаал дуулагты.

Псалманууд 33:12

Үхибүүд, дүтэлэгты, намайе шагнагты, Эзэниие яажа хүндэлхэб гэжэ би таанадые һургахаб. מ Мээм

Псалманууд 33:20

Үнэн шударга хүниие олон гай тодхор амададаг, гэбэшье бүхы гай аюулһаа Эзэн тэрэниие абардаг. ש Шиин

Псалманууд 45:3

Тиимэһээ газарай хүдэлхэдэшье, далайн гүн руу хада уулануудай хэмхэржэ унахадашье айхагүйбди.

Псалманууд 66:3

Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

Псалманууд 68:34

Юуб гэбэл, Бурхан ядаржа байгаашадые дууладаг, шорондошье байгаа Өөрын зониие анхаралаараа орхихогүй.

Псалманууд 7:12

Бурхан – зүб шударга шүүгшэ, үдэр бүри Тэрэ хилэнсэгээ харуулдаг.

Псалманууд 84:11

Энэрэл хайра болон үнэн хамта уулзаха, зүб шударга болон амгалан тайбан таалалдаха.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 33:16

Тиимэ зон амар амгалан ажаһууха. Хабсагайн саана байһандал, тэдэ аюул гээшые мэдэнгүй ажамидарха, эдихэ эдеэтэй, ууха ундатай хододоо байха.

Исай 45:17

Харин Израиль Эзэнээр хэтэ мүнхэдөө абарагдаха, арад түмэниинь эшэхээр, нэрээ гутаахаар байдалда хэзээдэшье орохогүй!

Исай 58:14

таанад Намда мүргэжэ, баярта хүртэхэт. Би таанадые хада ууланууд өөдэ гаргахаб, элинсэг эсэгэтнай болохо Яковта Минии үгэһэн орон нютагаар сэдьхэлээ ханан байхат. Энэ болбол Би, Эзэн, айладхана мүн!»

Ерэмияа 12:12

Сүл губиин нюсэгэн добо толгойгоор һүйд хэгшэд ябажа байна. Бүхы орон нютаг хюдахаяа дайн дажар үүсхэхэб. Ямаршье амитанда амгалан байдал таһалдаха.

Ерэмияа 47:6

Таанад иигэжэ ёолонот: «Эзэнэй һэлмэ! Хэды болотор сабшахабши? Хуйндаа буса, амаран, номхон байгыш!»

Һошээ 13:9

Израиль, ши өөрыгөө һалгаалши даа! Намайе түшэг тулгуубарим гэжэ ойлгоогүйш.

Амоос 8:7

Яковай омогорхолоор Эзэн тангариглаа: хэрэгүүдынь хэтэ мүнхэдөө мартахагүйб!

Аввакуум 3:19

Эзэн Бурхан – минии хүсэ шадал. Тэрэ хүлыем һогооной хүл мэтэ болгожо, үндэр газарнуудаар намайе ябуулхал! Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро.

Тоололго 24:5

Яков, шинии майхангууд, Израиль, шинии байранууд ямар һайханууд бэ!

Тоололго 33:52

тэдэнэй газар дайдые буляажа абагты. Тэдэнэй бүхы һүлдэ хүрэгүүдыень, бүхы онгонуудыень дууһан үгы хэгты, обоо дээрэхи нангин газарнуудыень һандаргаагты.

Хуули дабталга 32:13

Эмээл дээрээ һуулгаһандал, Тэрэ Яковай уг удамые гүбээ газарнуудые унуулан ябуулжа, таряалангай ургасаар хооллуулаа, хабсагайһаа – зүгын бала, сахюур шулуунһаа оливын тоһо гарган тэнжээгээ.

Хуули дабталга 4:32

Урданайнгаа үе саг һанаад үзэгты, алтан дэлхэй дээрэ хүниие Бурханай байгуулһан үдэрһөө хойшо, дэлхэйн нэгэ захаһаа нүгөө заха хүрэтэр энээндэл адли агуу хэрэг байгаа юм гү, энээндэл адли юумэн дуулдаһан гээшэ гү? Иимэ гайхамшагта хэрэг хэзээ нэгэтэ болоо һэн гү? Үгы!

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Тимофейдэ 1-дэхи 4:10

Амиды Бурханда найдажа байһан хадаа бидэ тэмсэжэ, хүндэ ажал хэжэ байнабди. Ушарынь юуб гэхэдэ, амиды Бурхан бүхы хүнүүдэй, илангаяа һүзэглэгшэдэй Абарагша мүн.

Гэршэлгэ 1:16

Тэрэ хүн баруун гартаа долоон одонуудые баринхай, хоёр тээшээ хурса эритэй элдэ аманһаань бултайнхай, шарайнь шатама шанга гэрэлтэй наран шэнги байгаа.

Гэршэлгэ 19:21

Бэшэниинь сагаан мори унаад ябагшын аман соохи һэлмээр сабшуулжа алуулһан байна. Тэдэнэй мяхые бүхы шубуу шонхорнууд эдижэ садаба.

Ударидагшад 7:20

Тэдэ гурбан бүлэгэй сэрэгшэд эбэр бүреэгээ үлеэжэ байжа, иигэжэ хашхаралдабад: – Эзэнэй түлөө һэлмээрээ сабша! Гидооной түлөө һэлмээрээ сабша!