Хуули дабталга 33:26 - Библи

²⁶ Израилиин арад зон, Ешүрүүнэй Бурхандал адли ямаршье бурхан байхагүй! Тэрэ һүр жабхалантайгаар үүлэд дээрэ тэнгэреэр соёрон, танда туһалхаяа ерээ.

Хуули дабталга 33:26 ပူးပေါင်းရင်းမြစ်များ

Псалманууд 104:3

Нангин нэрыень магтан дуулагты. Эзэндэ эрмэлзэгшэ зоной зүрхэ сэдьхэл баясан байг лэ!

Псалманууд 18:10

Эзэнһээ айхань сэбэр, хэтэ мүнхэдөө оршодог. Эзэнэй зарга шүүбэринүүд үнэн, бүгэдэ зүб шударга.

Псалманууд 68:35

Тэнгэри ба газар, далай болон тэндэ амидарагша бүхэн Тэрэниие магтахань болтогой!

Псалманууд 68:4

Хашхарһаар би ехэ хүсэгүй болооб, хоолоймни хаташоо. Бурханаа хүлеэһээр нюдэдни һохор боложо байна.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 15:7

Алдар солынтнай жабхалан эсэргүүсэгшэдэй һүр һүлдые һүнөөгөө. Урдаһаатнай бодогшод уур хилэнгэйтнай галда хагдандал шатажа һалаа.

Египедһээ гаралга 8:10

Үглөөдэр гэжэ фараоной хэлэхэдэ: – Шинии хэлэгшээр лэ болохо. Манай Эзэн Бурхантай тэнсэхэ хэншье үгы гэжэ мэдэжэ абахыншни түлөө энэ хэгдэхэ.

Египедһээ гаралга 8:6

Аһарооной уһа голнууд тээшэ гараа дэлгэн дэехэдэнь, баханууд гаража, Египедые бүрхөөбэ.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 40:18

Таанад Бурханиие хэнтэй адлидхахабта? Ямар дүрсэтэй гээд яагаад зураглахабта?

Исай 40:25

Нангин Арюун Бурханиие хэнтэй адлидхахаар бэ? Хэнтэй тэнсүүлхээр бэ?

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 66:8

Хэн иимэ юумэ дуулаа, хараа юм? Нэгэ үдэр соо арад түмэн бии боложо байгаа юм аал? Үндэһэ яһатаниие түрэхэдөө, Сион удаан үбдэжэ байгаагүй.

Ерэмияа 10:6

Эзэн, Тандал адли хэншье үгыл! Та агууехэт. Танай нэрэ агууехэ ба хүсэн түгэлдэр!

Һошээ 13:9

Израиль, ши өөрыгөө һалгаалши даа! Намайе түшэг тулгуубарим гэжэ ойлгоогүйш.

Амоос 8:7

Яковай омогорхолоор Эзэн тангариглаа: хэрэгүүдынь хэтэ мүнхэдөө мартахагүйб!

Аввакуум 3:8

Моридоо унаад, абаралай тэргэнүүдтээ залараад ерэһэнтнай гол мүрэнүүдтэ сухалдаһандаа, үгышье һаа, далайда уурлаһандаа гэжэ гү?

Хуули дабталга 10:14

Эгээл үндэр огторгойнуудшье, газар дэлхэй, мүн дээрэнь байгааша бүхы юумэн Эзэн Бурханайтнай мэдэлэй юм.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Хуули дабталга 33:5

Израилиин удамаршадай, обогуудай хамта суглараад байха үедэ Хаан Ешүрүүнэй толгойлогшо болоо.

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.