Хуули дабталга 32:46 - Библи

⁴⁶ үшөө иигэжэ нэмэбэ: – Мүнөөдэр минии һэргылжэ хэлэһэн үгэнүүдые зүрхэ сэдьхэлдээ хадуужа абагты, энэ һургаал заабариин бүхы үгэнүүдые сахин дүүргэхыень үхи хүүгэдтээ захигты.

Хуули дабталга 32:46 ပူးပေါင်းရင်းမြစ်များ

1 Угай бэшэг 22:19

Эзэнээ, Өөрынгөө Бурханиие хүндэлхын тула өөһэдынгөө зүрхэ сэдьхэлые, ухаан бодолые сүм зорюулагты, Эзэнэй хэлсээнэй ханза, хадагалха гэр, Бурханда хабаатай хэрэгсэлнүүдые бүтээхын тула Эзэндээ зорюулһанаа бүтээхын тула эбтэйгээр ябажа, Эзэн Бурханай нангин гэр бодхоогты.

Псалманууд 78:5

Эзэн! Хэзээ болотор уурлахабта? Хэтэдээ юм гү? Уур хилэнтнай гал мэтэ хэды болотор дүрэлзэн байхаб?

Һургаал 12:28

Үнэн шударга хүнэй зам дээрэ амидарал байха, тэрэнэй замда үхэл байхагүй.

Эзэкээл 40:4

Тэрэ хүн намда иигэжэ хэлэбэ: – Хүнэй үри Эзэкээл! Минии харуулһан юумэ ехэ анхаралтайгаар харан хадуужа абаарай. Энээнэйл түлөө ши иишээ асарагдаа ха юмши. Хараһан юумэеэ бултыень Израилиин улад зондо дуулгахаш.

Эзэкээл 44:5

Эзэн намда иигэжэ айладхаба: – Хүнэй үри Эзэкээл! Анхаралтайгаар шагнан, харан байгаарай. Нангин үргөө тушаа хуули ёһо айладхахам. Ямар үүдэнүүдээрнь зоной орохонь зүбшөөгдэнэб, ямар үүдэнүүдээр орохонь хорюултайб гэжэ анхаралтайгаар шагнан байгаарай.

Амоос 5:4

Эзэн израильшуудта иигэжэ айладана: Нам руу эрьебэл, амиды мэндэ үлэхэт!

Лука 9:44

– Хэлэхэ юумыемни бүхөөр хадуужа абагты: Хүн түрэлхитэнэй Хүбүүн хүнүүдэй гарта тушаагдахань, – гэжэ Иисүүс шабинартаа хэлэбэ.

Хуули дабталга 11:18

Минии эдэ үгэнүүдые ой ухаандаа, зүрхэ сэдьхэлдээ хадуун абагты, гартаа дүлгэ тэмдэг болгон уягты, һанажа байхын тула магнай дээрэтнай тэдэ боолто болоод байг лэ.

Хуули дабталга 11:19

Тэдээн тухай хэлэжэ, үхи хүүгэдээ һургагты – гэртээшье һуухадаа, харгыдашье ябахадаа, амаржа байхадаашье, ажал хэхэдээшье.

Хуули дабталга 32:45

Израилиин бүхы зондо эдэ үгэнүүдые бултыень хэлэжэ дүүргэхэдээ, Моисей

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.