Хуули дабталга 32:39 - Библи

³⁹ Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Хуули дабталга 32:39 ပူးပေါင်းရင်းမြစ်များ

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

4 Хаан түрэнүүд 5:7

Израилиин хаан тэрэ бэшэг уншамсаараа, өөрынгөө хубсаһые таһар удар шуулаад: – Би үхүүлдэг, амидыруулдаг Бурхан гээшэ аалби? Энэ хүнэй элдиниие арилга гэжэ Араамай хаан намда бэшэнэл! Өөһэдөөшье бодоод үзэгты, өөһэдөөшье харагты! Араамай хаан намтай хэрэлдэхэ арга мэхэ гаргажа байнал! – гэжэ хэлэбэ.

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Иоов 10:13

Гэбэшье сэдьхэл соогоо далдалһан бодолыетнай би ойлгоном.

Иоов 10:7

Иихэдээ эгээлэй хүнүүдтэ адляар намда хандахадаа хамагые хаража байдаг Бурхан бэшэ болоно гүт? Буруугүй болохыем Та мэдэнэт. Танай мутарһаа хэн намайе һалгажа шадахаб? Хэншье һалгажа шадахагүй.

Иоов 5:18

Тиигэжэ үбэдхөөдэг ба шархые боожо үгэдэг. Тэрэнэй мутарһаа гэмтээд, Тэрэнэй хүсөөр эдэгэһэн мэтэ болодог.

Псалманууд 51:8

Зүб шударга зон хараад айха, наада барижа, иигэжэ хэлэхэл:

Псалманууд 68:20

Намайе яажа буруу болгон хэлэдэгые, эшхэбтэр байдалда оруулан доромжолдогые Та мэдэнэт. Минии дайсад бултадаа Танай урда.

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Египедһээ гаралга 4:7

– Дахяад гараа үбэр руугаа хэ, – гэжэ хэлэхэдэнь, гараа үбэртөө хээд, һөөргэнь абаба. Гарынь хуушан түхэлдөө оронхой, элүүр бэедэнь адли болоод байба.

Экклезиаст 3:3

ами хороон алаха саг ба анагааха саг; эбдэхэ һандаргааха саг ба бодхоон бариха саг;

Исай 19:22

Эзэн Египедэй зониие хэһээхэ, хэһээгээшье хадаа эдэгээхэ. Тэдэнэй Өөртэнь хандахада, Эзэн гуйлтыень дуулажа, эдэгээхэл.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 41:4

Хэн энээниие гүйсэдхөөб, хэн бүтээгээб? Хэн угай бэшэг-түүхэ зохёогооб? Эзэн Би эхиндэнь байгааб, эсэстэньшье Би, Эзэн, байлсахаб!

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 43:12

Юун болохоб гэжэ уридшалан айладхааб, тиигээд таанадые абарааб. Хариин ямаршье бурхан иимэ юумэ хэжэ шадахагүй. Таанад Минии гэршэнэр гээшэт.

Исай 43:13

Би болбол Бурхан гээшэб, хэзээдэшье Бурхан зандаа байхаб. Хэншье Намһаа зугадажа шадахагүй, хэншье Минии үйлэ хэрэгүүдые болюулжа шадахагүй».

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 45:5

Би болбол Эзэн гээшэб. Ондоо Бурхан байхагүй. Намайе мэдэхэгүйш, харин Би шамда хүсэ үршөөгөөб.

Исай 46:4

Үһэнэйтнай сайтар Би таанадые абажа ябахаб. Би таанадые байгуулааб, абажа ябахаб, аршалхаб, дүнгэхэб.

Исай 48:12

Эзэн иигэжэ айладана: «Намайе шагна, Яков, Минии дуудаһан Израиль! Би болбол бүгэдын эхиндэ байһан, Би эсэстэшье байхаб!

Эзэкээл 37:12

Би хүүрнүүдые нээжэ, таанадые тэндэһээ гаргажа, Израилиин орон нютаг руу абаашахаб гэжэ Намайе, Эзэн Бурханиие, айладхана гээд тэдээндэ дуулга.

Эзэкээл 37:3

Тэрэ намһаа: – Хүнэй үри Эзэкээл, эдэ яһанууд дахин амидыржа шадаха гү? – гэжэ асууба. – Эзэн Бурхан, гансал Та энээниие мэдэнэт, – гэжэ би харюусаа һэм.

Һошээ 5:14

Арсаландал адляар Би Израилиин арадта, Иудын уладта добтолон орохоб. Тэдэниие таһа татан, шэрэн абаашажа байхадам, хэншье тэдэниие Намһаа абаржа шадахагүй!

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Иоанн 8:24

«Таанар нүгэлнүүдтэйгөө үхэхэт!» гэжэ Би таанарта хэлээб. «Би байгааб, байнашьеб» гэхэдэмни үнэншөөгүй һаа, бултадаа нүгэлтэйгөө үхэхэт! – гэжэ Иисүүс харюусаба.

Хуули дабталга 32:12

Эзэн арад зоноо гансаараа хүтэлэн ябаа, ондоо бурхан тэрээнтэй байгаагүй.

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.

Еврейнүүдтэ 1:12

Ши тэдэниие хубсаһандал адли эбхэхэш, хубсаһандал мэтэ һэлгэхэш. Харин Ши Өөрөө хододоо хэбээрээ байхаш, тиин үдэрнүүдшни дууһахагүй».

Гэршэлгэ 1:11

Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.

Гэршэлгэ 2:8

Смирнын һүзэглэгшэдэй бүлгэмэй түлөөлэгшэдэ иигэжэ бэшээрэй: «Үхөөд байһанаа амидырһаниинь, Түрүүшынхи, Һүүлшынхинь гээшэб:

1 Хаан түрэнүүд 2:6

Эзэн үхүүлдэг ба амидыруулдаг. Тэрэ үхэлэй орон руу эльгээдэг ба үргэн гаргадаг.