Хуули дабталга 32:37 - Библи

³⁷ Тиихэдэ Эзэн Өөрын улад зонһоо иигэжэ асууха: «Найдадаг бурхадтнай хаана гээшэб? Хабсагайтнай хаанаб?

Хуули дабталга 32:37 ပူးပေါင်းရင်းမြစ်များ

2 Хаан түрэнүүд 22:3

минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни. Тэрэ минии Абарагша, балмад шэрүүнһээ намайе хамгаалаа.

4 Хаан түрэнүүд 3:13

Элишаа Израилиин хаанда хандажа: – Шамда намһаа юун хэрэгтэйб? Өөрынгөө эхэ эсэгын лүндэншэдтэ ошо! – гэжэ хэлэбэ. – Тиигэжэ бү хэлыш даа. Моһаабуудай гарта үгэхэ гэжэ Эзэн бидэниие, гурбан хаашуулые эндэ асараа, – гэжэ Израилиин хаан Элишаада хэлэбэ.

Египедһээ гаралга 34:15

Тэрэ газарай зонтой хэлсээ баталжа бү байгты. Тэдэнэй бурханда үргэл хэнэбди гэжэ забхайрхада ошожо бү байгты, ошоо һаа, үргэлһөөнь эдилсэхэ болохот.

Исай 31:9

Ехэ айн-һүрдэн, тэдэнэй хэрэм бутаран унаха, ударидагшадынь зугадаха, байлдаанай тугһаа айха. Энэ болбол Иерусалимда тахилгатай, Сион дээрэ үргэлэй галтай Эзэн тунхаглаа мүн!

Ерэмияа 11:12

Тиихэдэ Иудын хан түрын болон Иерусалимай улад зон санзай урдань ууюулдаг бурхадтаа ошожо, туһа эрин дуудаха, теэд тэдэнь гай гасалангайнь үедэ оройдоошье туһалха-абархагүй.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Ерэмияа 37:19

Вавилооной хаан танда болон орон нютагтамнай добтолхогүй гэжэ хэлэдэг лүндэншэдтнай хаана гээшэб?

Ударидагшад 10:14

Таанад шэлэжэ абагша өөһэдынгөө бурхануудта ошоод, тэдээнһээ туһа эрин хашхаралдагты. Тэдэнэр таанадые харшалта болон дарлалтаһаа гаргаг лэ.