Хуули дабталга 32:30 - Библи

³⁰ Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Хуули дабталга 32:30 ပူးပေါင်းရင်းမြစ်များ

3 Хаан түрэнүүд 14:16

Еробоһаамай нүгэлэй түлөө, Израилиин уладые нүгэлдэ оруулһанайнь түлөө Эзэн Израилиие орхихо, – гэжэ хэлэбэ.

4 Хаан түрэнүүд 7:5

Харанхы болохолоор, тэдэнэр араамшуудай сэрэгэй хүреэндэ ошобо. Тэдэнэй тэрэ хүреэндэ дүтэлхэдэ, тэндэ хэншье үгы байба.

1 Угай бэшэг 12:14

Тэдэнэр Гаадай хүбүүдэй таһардаһад, сэрэгэй толгойлогшонууд байгаа: багашуулынь зуунай, ехэшүүлынь мянганай дарганууд.

2 Угай бэшэг 24:24

Араамай сэрэгэй үсөөншье һаань, угаа ехэ сэрэгтэй Иудые Эзэн тэдээнэй диилэхыень зүбшөөгөө бшуу. Юуб гэхэдэ, тэдэ үбгэ эсэгэнэрэйнгээ Эзэн Бурханиие орхёо. Ёһаашые тэдэ шархатуулаа.

Иоов 11:10

Хэрбээ Тэрэ шамайе хорижо шиидхэхэ гэбэлнь хэн зогсоожо шадахаб?

Иоов 16:11

Өөрыень сэгнэдэггүй зоной гарта Эзэн намайе оруулжа, гэнтэ бахалуурдан абажа, бүхы бэеым нюхажа хаяад, бай болгобо.

Псалманууд 31:8

«Би шинии ябаха ёһотой замые заажа үгэхэб, һургахаб, зүблэл үгэхэб, хойноһоош хаража ябахаб.

Псалманууд 44:12

Шинии гоо һайханда хаан татагдаха, тэрэ шинии эзэн мүн, тиимэһээ тэрээндэ һүгэдэн байгаарай.

Исай 30:17

Дайсанай нэгэ сэрэгшые харахадаа, танай мянган сэрэгшэд зугадан тэрьедэхэл. Табаншье сэрэгшэ таанарые һүрдөөхэ. Гүбээгэй оройдо ори ганса тугһаа бэшэ ондоо юумэн үлэхэгүй.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Исай 52:3

Эзэн иигэжэ айладажа байна: Богоол байдалда ороходотнай ямаршье мүнгэн таанадай түлөө түлэгдөөгүй бэлэй. Таанадые сүлөөлхэдэ тон тиимээр ямаршье мүнгэн түлэгдэхэгүй.

Левит 26:7

Дайсадаа намнахат, тэдэ һэлмээр сабшуулжа, урдатнай унаха.

Левит 26:8

Таанадай табан хүн зуун дайсаниие зугадуулха, зуун хүн түмэн зониие намнаха, дайсадтнай һэлмээр сабшуулаад, урдатнай унаха.

Матвей 18:25

Үриеэ түлэхэ юумэгүй байхадань, эзэн хаан тэрэниие, тэрэнэй һамгыень, үхибүүдыень, мүн эдлэжэ байһан бүхы зөөрииень худалдаад, үриень түлүүлхые захирба.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Нүүнэй Иисүүс 23:10

Танай нэгэ хүн мянган хүниие үлдэнэ, юундэб гэхэдэ, Эзэн, танай Бурхан, Өөрөө танай түлөө дайлалдана гээ һэм.

Ударидагшад 2:14

Эзэн израильшуудта сухалдаад, тэдээндэ добтологты, тэдэнэй эд зөөрииень тоногты гэжэ оршон тойрон ажаһуудаг арадуудта зарлиглаба.

Ударидагшад 3:8

Эзэн израильшуудта сухалдаад, тэдэниие илагты гэжэ Месопотамай хаан Кушаан-Ришатааимда үршөөл хайраяа үгэбэ. Месопотамай хаан тэдэниие найман жэл соо зонхилбо.

1 Хаан түрэнүүд 2:2

Эзэндэл адли арюун хэншье байхагүй. Тэрэл ори ганса Бурхан гээшэ, манай Бурхандал адли хамгаалагша байхагүй.