Хуули дабталга 32:21 - Библи

²¹ Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!

Хуули дабталга 32:21 ပူးပေါင်းရင်းမြစ်များ

3 Хаан түрэнүүд 14:22

Иудын улад зон Эзэндэ таагүй хэрэгүүдые эрхилжэ, эсэгэнэрэйнгээ нүгэл бүри арьбадхан, Эзэниие уурлуулба.

3 Хаан түрэнүүд 14:9

Шамһаа урид байгааша зонһоо ши бүри муу хэрэгүүдые эрхилжэ, ондоо бурхад, шудхамал шүтөөнүүдые бүтээжэ, Минии уур хүргэбэш, Намһаа буруу харабаш.

3 Хаан түрэнүүд 16:13

Баһашаагай, Элаа хүбүүнэйнь хэһэн нүгэлэй, Израилиин уладые нүгэлдэ оруулһанайнь түлөө, онгонуудаараа Израилиин Эзэн Бурханиие уурлуулһанайнь түлөө эдэ бүгэдэ тохёолдоо.

3 Хаан түрэнүүд 16:26

Набаадай хүбүүн Еробоһаамай жэшээ даган, тэрэ Израилиин уладые нүгэлдэ оруулжа, онгонуудые бүтээжэ, Израилиин Эзэн Бурханиие уурлуулаа.

4 Хаан түрэнүүд 17:11

Эзэн обоонуудай тахилнуудта үргэлнүүдээ шатаадаг арадуудай газарнуудые израильшуудта үгэхэ гэжэ тэндэхи уул хүнүүдые газар дайда дээрэһээнь намнаһан байгаа.

4 Хаан түрэнүүд 17:15

Израильшууд Тэрэнэй хуулинуудые, үбгэ эсэгэнэртэйнь баталһан үнэн сэхэ байха тухай хэлсээе, тэдээндэ захиһан захяае мартажа, оршон тойронхи арадуудые һажаалдажа, онгон бурхадтань шүтэн мүргэдэг болобо. Эзэн тэдэниие бү һажаалдагты, тэдээнһээ жэшээ бү абагты гэжэ израильшуудта хэлэһэн байгаа.

4 Хаан түрэнүүд 21:6

Тэрэ хүбүүгээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

4 Хаан түрэнүүд 22:17

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй».

Псалманууд 31:6

Тиимэһээ үнэн шударга хүн бүхэн Танда гай тодхорой үедэ зальбараг лэ, тиигэбэл, ехэ уһанай үер тэдэндэ хүрэхэгүйл.

Исай 65:3

Теэд тэдэ Минии хараһаар байтар Намайе доромжолон, тахилтай ой модон соо үргэл үргэн, хирпиисэнүүд дээрэ уталга ууюулан байна.

Ерэмияа 10:8

Модон шүтөөнүүд юундэ һургаха юм? Тэдэ бултадаа тэнэг, мунхаг.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Ерэмияа 7:18

Үхибүүдынь түлеэ суглуулжа, эсэгэнэрынь гал носоожо, эхэнэрнүүдынь Тэнгэриин хатанда бообо хэхын тула талха зуурана. Намайе гомдоохын тула тэдэ ондоо бурхадта сэржэм үргэнэ.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Иона 2:8

Үхэхэ туйлдаа хүрэжэ байхадаа, Таниие – Эзэнээ дурсааб, Танда, нангин Ордондотнай минии гуйлта хүрөөл.

Хэрэгүүд 11:15

Минии хөөрэжэ эхилхэтэй сасуу бидэндэ урдань буудагтал тон адляар тэдээндэ Арюун Һүлдэ буугаа.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Римэйхиндэ 10:19

Израилиин арад ойлгоо гү, али үгы гү гэжэ би дахин асуунаб. Моисей өөрөө энээндэ Эзэнэй нэрэһээ харюу үгөө: «Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб».

Римэйхиндэ 9:25

Тон тиигэжэл Эзэн Һошээгэй ном соо хэлэнэ: «Минии арад бэшэшье һаань, Би тэдэниие Өөрын арад болгохоб. Дурагүй байһан яһатандаа Би хайра дуратай болохоб».

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?

Хуули дабталга 32:16

Эгээлэ бурхадта тэдэнэр мүргэжэ, Эзэнэй уур хүдэлгөө. Жэгшүүрилтэ муухай юумэ тэдэнэр хэжэ, Тэрэниие сухалдуулаа.

Хуули дабталга 32:17

Тэдэ Бурхадта бэшэ, альбан шүдхэрнүүдтэ үргэл хэдэг байгаа. Хажуудахи арадһаа халан абаһан, үбгэ эсэгэнэрэйнгээшье мэдэхэгүй ондоо шэнэ бурхадта тэдэнэр үргэл хэжэ эхилээ.

1 Хаан түрэнүүд 12:21

Хэрэггүй, туһа хүргэхэгүй, абархагүй дэмы юумые бү дахагты.