Хуули дабталга 32:17 - Библи

¹⁷ Тэдэ Бурхадта бэшэ, альбан шүдхэрнүүдтэ үргэл хэдэг байгаа. Хажуудахи арадһаа халан абаһан, үбгэ эсэгэнэрэйнгээшье мэдэхэгүй ондоо шэнэ бурхадта тэдэнэр үргэл хэжэ эхилээ.

Хуули дабталга 32:17 ပူးပေါင်းရင်းမြစ်များ

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Ерэмияа 10:15

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Левит 17:7

Саашадаа Бурханда урбан, альбан шүдхэртэ һүгэдэжэ, үргэл хэхэгүйнь тула, энэ хадаа тэдэнэртэ угайнь хэтэ мүнхын захяа тогтоол болоно гээшэ.

Амоос 5:25

«Израилиин арад зон, таанар дүшэн жэлэй туршада сүл губяар нүүжэ ябахадаа, амитадые гаргаад, Намда үргэл үргэдэг байгаа аалта?!

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Хуули дабталга 13:8

тэрэнэй үгэдэ бү оро, бү шагна, нигүүлэсхы зан бү гарга, тэрэниие бү хайрла, бү аршала.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!

Тимофейдэ 1-дэхи 4:1

Һүүлшын үдэрнүүдтэ зарим хүнүүд һүзэгөө алдаха, ада шүдхэрнүүдэй альбанда орохо, шолмосой һургаалые анхарха гээд Арюун Һүлдэ элеэр хэлэнэ.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.

Ударидагшад 5:8

Хуурмаг бурхадта шүтэхэдэнь, хотын үүдэндэ дайн эхилээл. Халхабша болон жадатай хүн Израилиин дүшэ мянган сэрэгшэд соо олдоогүйл.