Хуули дабталга 32:14 - Библи

¹⁴ Тэдэнэй үнеэнүүд, хонид һү, тоһо элбэг дэлбэг үгэдэг байгаа, эгээл эрхим хуса, ямаадые, үхэр мал, эрхим шэниисэ Тэрэ тэдээндэ үгөө. Үзэмэй дараһан архишье байгаа.

Хуули дабталга 32:14 ပူးပေါင်းရင်းမြစ်များ

Эхин 18:8

Бэлэн болоходонь, Абраһаам шара тоһо, һү, буруунай мяха айлшадтаа бариба. Тэдэнэй эдеэ хоол бариха үедэ өөрөө модоной һүүдэртэ зогсобо.

Эхин 49:11

Үри һадаһадшни үеһөө үедэ дэгжэн дээшэлжэ, баян бүдүүн ажаһууха. Ажаһууһан нютагайнь газар дээрэ үрэжэлтэй, эрхим шанартай, үрэ жэмэсээр элбэг-дэлбэг үзэмэй модоной модод ургажа, унажа ябаһан унаагаа ургаһан модондо уяжа, элжэгэнииньшье хүрэтэр тэрэ элбэг-дэлбэг жэмэсһээ эдихэ. Уг удамшни үзэмэй дараһан архи хэхэдээ, элбэг ургаһан тэрэ жэмэсые хүлөөрөө гэшхэн шахажа, амтата һайхан хүрин шүүһээрнь хубсаһаа угаажа, дэлгэр баян амидаржа байһанаа харуулхал.

2 Хаан түрэнүүд 17:29

зүгын бала, ямаанай ба үнеэнэй һүөөр хэһэн бяслаг Давидта ба сэрэгтэнь асарба. Сэрэгшэд элһэн сүл губида гэдэһээ үлдөө, эсээ, ангаа гэжэ тэдэ мэдээд байгаа.

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Нэхэмьяа 9:26

Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Иоов 20:17

Иимэ хэрэг үйлэдэһэн хүн түргэн үхэжэ, зүгын бал, үрмэ тоһоор билтарһан элбэг амидаралые эдэлжэ шадахагүй.

Иоов 29:6

Мал адууһамни сагаан эдеэ элбэгээр хайрлажа, жэмэстэ модо хада хабсагайдашье тарихада, тоһоор билтаржа байгаа юм.

Исай 7:15

Һайе мууһаа илгаруулжа шададаг Тэрэнэй болоходо, зөөхэй, зүгын бала эдеэ хоолынь болохо.

Исай 7:22

элбэг-дэлбэг һүтэй байха, зөөхэйгөөр ядархагүй! Энэ орон нютагта үлөөшэ зон зөөхэйгөөр, зүгын балаар таһалдахагүй!

Эзэкээл 39:18

Сэрэгшэдэй болон дэлхэйн удамаршадай мяха шуһаар зоог болохо. Хони хурьгаар, ямаагаар, тарган буруун бухануудаар үргэл хэдэгтэл, Би тэдэнээр үргэл хэхэб.

Һошээ 11:4

Хүн шэнгеэр, эелдэр зөөлэнөөр тэдээнтэй хөөрэлдэжэ, амыень ангайлгажа, эдеэ хоол үгэдэг һэм.

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Тоололго 18:12

Оливын тоһоной эгээл һайниие, уһан үзэмэй эгээл һайниие, ургаса таряанай эгээл шэные – Эзэндэ тэдэнэй үргэдэг тэдэ бүхы үргэлнүүдыень эдихэ, уухыншни тула шамда үгэнэб.

Хуули дабталга 28:47

Бүхы юумэнэй танда элбэг дэлбэг байхада Эзэн Бурханаа баяртай хүхюутэйгөөр тахяагүй байһанайтнай түлөө

Гэршэлгэ 14:20

Хотын гадна оршоһон томо тогоон соо үзэмэй баглаа жэмэсүүдые низа тэһэ дэбһэбэ, тиихэдэнь тогооной халитар улаан шуһан урдажа, мориной хазаарта хүрэмөөр гурбан зуун хараа модоной зайда халин тарашаба.

Ударидагшад 5:25

Сисэраагай уһа эрихэдэнь, Яһээл тэрээндэ һү аягалаа. Сисэраагай аяга соонь сүсэгы хэжэ, тэрээндэ үгөө!