Хуули дабталга 32:11 - Библи

¹¹ Бүргэд шубуунай дальбараануудаа ниидэжэ һургахын тула уурхайһаа түлхин гаргажа, дээгүүрнь элин ниидэжэ, даляа дэбин, тэдэнээ дүнгэн байһандал, Эзэн Израилиие унахаһаань һэргылэн аршалаа.

Хуули дабталга 32:11 ပူးပေါင်းရင်းမြစ်များ

Эхин 1:2

газар дэлхэйн үшөө мүндэлөөдүйдэ, оёоргүй гүнзэгы уһан дээгүүр – харанхы, гансал Бурханай һүлдын уһан дээгүүр элин байхада,

Псалманууд 18:10

Эзэнһээ айхань сэбэр, хэтэ мүнхэдөө оршодог. Эзэнэй зарга шүүбэринүүд үнэн, бүгэдэ зүб шударга.

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Исай 31:5

Дальбараануудаа хамгаалан, уурхай дээрээ элин-халин байдаг шубуундал, Би, Түмэн Сэрэгтэ Эзэн, Иерусалимые бүглэхэб, аршалхаб, хайрлахаб, абархаб.

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Исай 46:4

Үһэнэйтнай сайтар Би таанадые абажа ябахаб. Би таанадые байгуулааб, абажа ябахаб, аршалхаб, дүнгэхэб.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 13:11

Хүнэй бэлхүүһэндэ бүһын няалдадаг шэнгеэр, Би Израилиин болон Иудын хан түрын улад зониие Өөртөө дүтэ няалдуулан байлгахаа һанаа һэм. Минии нэрые хүндэлхэ, магтаал, алдар соло түхөөхэ арад болгохоо һанаа һэм. Теэд тэдэ Минии үгэ дуулаагүй.

Һошээ 11:3

Би Израилиин арад түмэниие Өөрын гар дээрэ абаад, хүлдэ оруулан һургаа бэлэйб. Теэд тэдэ Намайе арагалжа байна гэжэ ойлгоогүй.

Хуули дабталга 33:12

Бэньямиинэй обог тушаа тэрэ иигэжэ хэлэбэ: «Эзэнэй дуратай эдэ зон хажуудань һанаа амар ажаһууна, Бурхан тэдэниие хододоо аршална, Бурханай дэбисхэрэй дунда тэдэ хашалгүй байна».

Еврейнүүдтэ 11:3

Һүзэг этигэлээрээ бидэ Бурханай үгөөр замбуулин зохёон бүтээгдээ гэжэ мэдэрнэбди, тиимэһээл нюдэндэмнай харагдадаг юумэнүүд харагдадаггүй юумэнүүдһээ бии болоо юм.

Гэршэлгэ 12:14

Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Гэршэлгэ 12:4

Тэрэнь одо мүшэдэй гурбанай нэгэ хубиие һүүлээрээ хамаад, тэнгэриһээ газарта хаяба. Үхибүүнэй түрэмсөөр залгижархихаяа бэлдээд, нарайлха эхэнэрэй урда луу зогсожо байба.