Хуули дабталга 31:9 - Библи

⁹ Моисей Бурханай һургаал заабари бэшэжэ, Эзэнтэй баталһан хэлсээнэй ханза абаад ябадаг Левиин обогой санаартадта, мүн Израилиин бүхы аха захатанда тэрэниие үгэбэ.

Хуули дабталга 31:9 ပူးပေါင်းရင်းမြစ်များ

3 Хаан түрэнүүд 8:3

Израилиин бүхы ахамадуудай суглархада, санаартан хэлсээнэй ханза үргэжэ,

4 Хаан түрэнүүд 17:37

Тэрэнэй таанадта бэшэһэн хуулинуудые, захиралтые, Һургаалнуудые болон ёһо заншалнуудые сахигты, ходол тэдэнииень бэелүүлэгты.

1 Угай бэшэг 15:2

Давид иигэжэ хэлэбэ: – Левидүүдһээ бэшэ хэншье Бурханай ханза зөөхэ ёһогүй; юуб гэхэдэ, Эзэн бултан сооһоо тэдэниие шэлэжэ, Өөртэнь хэтын хэтэдэ алба хэхыень уялгалаа.

Нэхэмьяа 8:2

Эзраа санаартан Хуулита хуйламал бэшэг долоодохи һарын түрүүшын үдэр суглаанда хабаадаһан, ойлгохо шадалтай эрэшүүлэй болон эхэнэрнүүдэй үзэмжэдэ гаргаба.

Нэхэмьяа 8:3

Уһашанай үүдэнэй урдахи талмай дээрэ сугларһан ойлгохо шадалтай эрэшүүлэй, эхэнэрнүүдэй урда Эзраа үүр сайхаһаа эхилээд, үдэ болотор хуйламал бэшэг уншаба. Арад зон шэхээ табин шагнаба.

Египедһээ гаралга 24:4

Моисей Эзэнэй бүхы үгэнүүдые бэшэжэ абаба. Үглөөдэрынь хадын хормойдо үргэлэй шэрээ түхеэржэ, Израилиин уг аймагуудай тоогоор арбан хоёр нангин шулуу зэргэлүүлэн табиба.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 4:4

«Минии зараса Моисейн Һургаал һанагты. Хорээб хада дээрэ Минии тэрээндэ тушааһан тогтоол, зарлигуудые һанагты. Энэ хадаа бүхы Израильда хэгдэһэн хэрээ захяа гээшэ.

Тоололго 33:2

Моисей Эзэнэй зарлигаар тэдэнэй гаталһан аян замыень бэшээ юм. Тиихэдээ тэдэнэй хэдыдэ, хэзээ ямар газар дайдада тогтон байрлаһан, хэдыдэ, хэзээ ямар газар дайда тээшэ ошоһон тухай тобшо богонихоноор иигэжэ бэшэһэн байна:

Тоололго 4:15

Отог хүреэнэйнгээ аян замда түхеэржэ бэлэн болотор, Аһароон ба тэрэнэй хүбүүд майхан һүмэеэ, тэрэнэйнгээ бүхы хэрэгсэлнүүдые орёожо бэлдэг. Багсалжа бэлэн болоходонь, тэдэнииень абажа ябахаяа, Кэһаадай гэр бүлынхид тэдээндэ дүтэлэг. Зүгөөр тэдэнэр үхэхэгүй гээ һаа, майхан һүмын нангин юумэнүүдтэ гар бү хүрэг.

Тоололго 4:5

Отог омогойнгоо хотон хүреэнүүдэй аян замда мордохо болоходонь, Аһароон ба тэрэнэй хүбүүд майхан һүмэ соо орожо, халхабша хүшэгыень абаад, тэрээгээрээ хэлсээнэй ханзаяа хушаг.

Тоололго 4:6

Тиигээд булгайр арһаар ханзаяа хушаад, үргэлжэдөө сэнхир хүхэ үнгэтэй нэмэргээр нэмэрээд, һургааг-харбиинхануудые табиг.

Марк 12:19

– Багша аа, үхибүүгүй ахынгаа наһанһаа нүгшэхэдэ, тэрэнэй дүүнь бэлбэһэн эхэнэртэйнь һууха ёһотой, тиигээд тэдэнһээ гараһан үхибүүн нүгшэһэн ахынь үхибүүн гэжэ тоологдохо зэргэтэй гэжэ Моисей манда бэшэһэн байдаг.

Лука 20:28

– Багша аа, үхибүүгүй ахынгаа наһанһаа нүгшэхэдэ, тэрэнэй дүүнь бэлбэһэн эхэнэртэйнь һууха ёһотой, тиигээд тэдэнһээ гараһан үхибүүн нүгшэһэн ахынь үхибүүн гэжэ тоологдохо зэргэтэй гэжэ Моисей манда бэшэһэн байдаг.

Иоанн 1:17

Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Иоанн 1:45

Филипп гээшэнь Натанаилые бэдэржэ олоод, тэрээндэ: – Моисейн Хуули дотор, мүн лүндэншэдэй бэшэгүүд соо дурдагдаһан Хүниие олообди. Энэ хадаа Назарет хотын Иосифой хүбүүн Иисүүс гээшэ, – гэбэ.

Иоанн 5:46

Хэрбээ таанар Моисейн үгэдэ үнэншөө һаа, Миниишье үгэдэ үнэншэхэ ёһотой байгаалта, юундэб гэбэл, Нам тухай Моисей бэшээ юм.

Хуули дабталга 10:8

Тэрэ үедэ Эзэн Левиин обогой зониие бусадһаа тусгаар илгажа, Өөрынгөө хэлсээнэй ханза абан ябахыень даалгаба. Тэдэнэр Эзэнэй урда зогсодог, санаартанай уялга дүүргэдэг, Тэрэнэй нэрээр зониие үреэдэг болобо. Мүнөөшье болотор тэдэ энэ ажалаа хэһээр.

Хуули дабталга 17:18

Хаан шэрээдэ залархадаа, левит санаартадта хадагалагдадаг номһоо һургаал тэрэ өөртөө буулгажа бэшэг.

Хуули дабталга 31:28

Минии урда обогуудайнгаа ахамадуудые, хинадаг дарганарые суглуулагты. Тэдээндэ сэхэ өөһэдтэнь эдэ үгэнүүдые хэлэхэб, тэдэнэй урда гэршэ болгон огторгой газар хоёрые дуудахаб.

Хуули дабталга 33:10

Тэдэнэр Яковые ёһо гуримуудтатнай һургана, Израилиин уладта һургаалыетнай дамжуулна, Танай урда хүжэ санзай ууюулна, үргэлэй шэрээ дээрэтнай түгэс шатаалта үргэл үргэнэ.

Нүүнэй Иисүүс 3:3

– Танай Бурхан болохо Эзэнэй хэлсээнэй ханза, тэрээниие үргөөд ябаһан шажанай албатан левидүүдые харахадаа, байраһаа хүдэлжэ, хойноһоонь ябагты.

Нүүнэй Иисүүс 6:12

Эзэнэй хэлсээнэй ханзын урда долоон бүреэ үргэжэ ябаһан долоон санаартад бүреэгээ үлеэжэ ябаа; зэбсэгтэн урдань ябаа, арадань ябаашад бүреэгээ үлеэн, Эзэнэй хэлсээнэй ханзын хойноһоо ябаа.