Хуули дабталга 31:3 - Библи

³ Эзэн Бурхантнай урдатнай Өөрөө гол гаталан, таанадые хүтэлэн ябаха. Тэрэ арадуудые таанадай түлөө үгы хэхэ, тиигээд газар, уһыень эзэмдэхэт. Эзэнэй айладаһанай ёһоор, таанадые Иисүүс хүтэлхэ.

Хуули дабталга 31:3 ပူးပေါင်းရင်းမြစ်များ

Эхин 48:21

Һүүлээрнь Израиль Иосифто хэлэбэ: – Абашни удахагүй хада гэртээ харихань. Харин Бурхан таанадтай хамта байжа, үбгэ эсэгэнэрэйтнай нютаглан байһан Ханаһаан орон таанадые бусаан абаашаха.

Хэрэгүүд 7:45

Нүүнэй хүбүүн Иисүүсэй хүтэлбэри доро манай үбгэ эсэгэнэр энэ майханиие Бурханай намнажа гаргаһан ондоо үндэһэ яһатанай газарта асараа бэлэй. Энэ майхан Давид хаанай үдэрнүүд хүрэтэр тэрэл газартаа байгаа.

Хуули дабталга 1:30

Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 3:28

Иисүүстэ һургаал заабари хэлэ, тэрэниие зоригжуула, һүр һүлдыень үргэ, юуб гэхэдэ, тэрэл энэ арадые дахуулан, Иордан гол гаталха, шинии хужарлаха газарые улад зондо тэрэл хубаарилан үгэхэ».

Хуули дабталга 31:14

Эзэн Моисейдэ хандаба: – Зай, нүгшэхэ сагшни дүтэлбэ. Иисүүсые дууда. Тиигээд майхан һүмэ руу ерэгты, Би тэрээндэ захяа заабари айладхахаб. Моисей Иисүүс хоёр ерэжэ, майхан һүмэ руу оробо.

Хуули дабталга 31:23

Удаань Эзэн Нүүнэй хүбүүн Иисүүстэ захирба: – Хатуу шанга, эрэлхэг зоригтой бай, юуб гэхэдэ, Израилиин арад түмэниие Минии тангариглан найдуулһан газарта хүтэлэн абаашахаш. Би шамтай суг байхаб.

Хуули дабталга 31:4

Эмоор арадуудай хаашуул болохо Сиһоон ба Оог гэгшэдтэ юу хээ һэм, тон тиимэ юумэ Эзэн тэдэ арадуудта хэхэ.

Хуули дабталга 34:9

Нүүнэй хүбүүн Иисүүстэ сэсэн мэргэнэй һүр һүнэһэн шэнгэн халин оробо. Ушар юуб гэхэдэ, Моисей толгой дээрэнь гараа табижа, өөрынгөө орондо тэрэниие томилһон байгаа. Израилиин улад зон Иисүүсэй үгэ дууладаг, Эзэнэй Моисейдэ захин заабарилһан бүхы юумые сахин дүүргэдэг болоо һэн.

Хуули дабталга 7:1

Эзэмдэхэеэ зорижо ябаһан газартатнай Эзэн Бурханайтнай таанадые асархадань, олон арад түмэниие – хээт, гиргааш, эмоор, ханаһаан, пэриззии, хиив, евүүс – танһаа олон, хүсэтэй долоон арадые хажууһаатнай үлдэхэдэнь,

Хуули дабталга 9:3

Теэд мүнөө одоо мэдэжэ байгты: Эзэн Бурхантнай бүхы юумэ үрэбхилдэг гал дүлэндэл, таанадай урда ябана. Тэрэ тэдэниие хюдаха, таанадаар диилүүлхэ. Эзэнэй та бүгэдэндэ найдуулһанай ёһоор, таанад газар уһыень эзэмдэхэт, түргөөр тэдэниие һалгаахат.

Еврейнүүдтэ 4:8

Хэрбээ Бурханай найдуулһан амаралтые Нүүнэй хүбүүн Иисүүсэй үгэбэл, Бурхан тэрэнэй һүүлдэ ондоо үдэр тухай хэлэхэгүй һэн.

Нүүнэй Иисүүс 1:2

– Минии богоол Моисей үхэбэ; ши бодоод, энэ Иорданиие гатала, ши, энэ бүхы улад Израилиин хүбүүдтэ Минии үгэһэн газарта ошогты.

Нүүнэй Иисүүс 11:15

Эзэнэй Өөрынгөө богоол Моисейдэ захирһанай ёһоор Моисей Иисүүстэ захяа, Иисүүс хэлэһыень хуу дүүргээ: Эзэнэй Моисейдэ захирһанһаа нэгэш үгэ хазагайруулаагүй.

Нүүнэй Иисүүс 3:7

Тиихэдэнь Эзэн Иисүүстэ иигэжэ айладаба: – Израилиин бүхы хүбүүдэй урда шамайе энэ үдэр алдаршуулан магтажа эхилхэб. Тиихэдэм Намайе Моисейтэй ябаһандал шамтай ябахань гэжэ тэдэ ойлгохо.

Нүүнэй Иисүүс 4:14

Тэрэ үдэр Эзэн бүхы Израилиин хараһаар байтар Иисүүсые алдаршуулаа; бүхы наһан соонь Моисейһээ айһандал адли булта тэрээнһээ айдаг болоо.