Хуули дабталга 31:17 - Библи

¹⁷ Тиихэдэнь тэрэ дары Минии уур сухал бужаганажа, Би тэдэниие орхихоб, тэдээндэ туһалхаяа болихоб. Тэдэнэр һалаха тээшээ болохо, элдэб олон гай тодхор дээрэнь бууха. Тиихэдэнь тэдэ иигэжэ хэлэхэ: «Бурханаймнай маанадтай байгаагүйһөө боложо, энэ муу юумэн бидэниие дайраа бэшэ гү?»

Хуули дабталга 31:17 ပူးပေါင်းရင်းမြစ်များ

3 Хаан түрэнүүд 8:57

Эзэн Бурхамнай элинсэг хулинсагтамнай туһалан байгаа. Тэрэ маанадтайшье хамта байжа, хэзээдэшье маанадые бү орхиг лэ!

4 Хаан түрэнүүд 22:13

– Ошогты, Эзэнһээ нам тухай, арад зон тухай, бүхы иудынхид тухай һурагты. Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 21:10

Тиигээд лэ эдоомууд иудынхидһаа таһараад, мүнөө болотор мэдэлдэнь ороогүй юм. Тиихэдэ Либнаа мүн лэ Иораамай эсрэг буһалгаалба, юуб гэхэдэ, Иораам үбгэ эсэгэнэрэйнгээ Эзэн Бурханиие орхёод байгаа бшуу.

2 Угай бэшэг 24:20

Ёядаагай хүбүүн Захарияада Бурханай Һүлдэ халин оробо. Тэрэ арад зоной өөрыень харахаар добо дээрэ гараад, иигэжэ хэлэбэ: – Эзэнэй захяа заабаринуудые юундэ таанад алхан гаранат? Өөһэдтөө муу юумэ хэнэт. Таанадай Эзэниие орхиһондол, Тэрэ таанадые орхихол!

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Иоов 13:24

Юундэ өөрын нюур нюужа, намайе дайсан мэтээр үзэнэт?

Иоов 34:11

Хүн хэһэн бүхы хэрэгтээ тэнсүү харюу Тэрээнһээ абадаг.

Псалманууд 104:29

Бүхы орон нютагаар уһые шуһан болгобо, голой загаһа усадхаба.

Псалманууд 2:12

Хүбүүень таалагты! Үгы һаатнай, Тэрэ уурлажа, харгы замдаа хосорхот. Юуб гэбэл, уур хилэнгынь гэнтэ аһаха-носохо юм. Абарал бэдэрэн, Тэрээндэ хандагша хүн бүхэн юрөөлтэй!

Псалманууд 27:9

Өөрын арад түмэниие абарыт! Угһаа Танай бүгэдые үреэгыт! Тэдээндэ хонишон боложо, тэдэниие хэтэ мүнхэдөө үргэжэ ябыт!

Псалманууд 30:7

Хооһон шүтээнүүдые хүндэлдэг зониие үзэн ядадагби, би Эзэндэл этигэдэгби!

Псалманууд 44:10

Хаашуулай басагад шинии хүреэлэнгэй дунда. Баруун гар таладашни Опиирой эрхим алтаар шэмэглэгдэнхэй хатан зогсоно.

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Исай 2:6

Теэд Та, Эзэн Бурхан, Өөрынгөө арад түмэн болохо Яковай үри һадаһадые орхёот! Юуб гэхэдэ, тэдэ зүүн зүгэй заншалтай, пилиштүүд шэнги үзэлшэ мэдэлшэдтэй болонхой, хариин зонтой холилдоно.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 63:17

Оо, Эзэн, Та юундэ бидэниие Өөрын замһаа төөрюулэн, маанадые үсэд болгон, Танһаа айхагүй болгонобта? Танай богоолнуудай, Өөрын уг залгамжал – обогуудай тала харан, маанадта эрьеыт!

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 8:17

Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.

Ерэмияа 23:33

Эзэн намда иигэжэ айладхаба: – Ерэмияа, Иудын улад зон гү, али худал лүндэншэ, үгышье һаа, санаартан шамһаа «Эзэнэй айладхаһан зүйл юун бэ?» гэжэ асуужа магад. Ши тэрээндэ: «Таанад Эзэнэй хүндэ ашаан гээшэт. Тэрэ таанадые хаяхаяа байна», – гээд хэлээрэй.

Ерэмияа 23:39

Би таанадые хүндэ ашаан мэтээр үргэжэ, Өөрһөө холо хаяхаб! Танда, мүн үбгэ эсэгэнэртэтнай үгэһэн Иерусалим хотые мүн лэ хаяхаб!

Ерэмияа 33:5

Минии уур сухал дундаа усадхахаяа һанаһан зоной үхэһэн бэенүүдээр байшангуудые дүүргэһэн Вавилооной сэрэгтэй заримашуул тэмсэхэ. Хотын зоной муу муухай үйлэ хэрэгүүдһээ боложо, Би энэ хотоһоо буруу хараа бэлэйб.

Ерэмияа 36:7

Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 40:2

Тэрэ ноён намайе хажуу тээшэнь болгоод, иигэжэ хэлээ: – Эзэн Бурхантнай энэ орон нютагта гай тодхор татаха тухайгаа айладхаа бэлэй.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Һошээ 10:4

Дэмы хооһон үгэнүүдые тэдэ хэлэнэ, хэлсээ баталхадаа хуурмаг тангариг үргэнэ. Таряалангай хажуугаар бии болодог хоротой зэрлиг ургамалдал адляар зарга шүүбэри энээнэйнь түлөө бии болохо.

Һошээ 9:12

Хүүгэдээ тэдэнэй үндылгөөшье һаань, буляан абахаб! Би тэдээнһээ буруу харахаб, тиихэдэм тэдэ гай гашуудалда орохо даа!

Михей 3:4

Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.

Тоололго 14:42

Эрьеэд һөөргөө таанад бусагты! Эзэн таанадай дунда үгы байха, тиимэһээ дайсадтнай таанадые хюдахал.

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 30:18

заабол хосорхот гэжэ таанадта мүнөөдэр би соносхоноб! Иордан гол гаталан, эзэмдэхэеэ ошожо байһан газар дайдадаа таанад удаан ажаһуухагүйт.

Хуули дабталга 30:19

Мүнөө гэршэ болохыень огторгой газар хоёрые дууданаб: ами наһан ба үхэл хаталай, юрөөл ба хараал шэрээлэй нэгыень шэлэхые би мүнөөдэр таанадта дурадханаб. Өөһэдын болон үри һадаһадайнгаа амиды мэндэ ажаһуухын тула ами наһа шэлыт!

Хуули дабталга 31:18

Ондоо бурхадта мүргэһэнэйнь түлөө, хэһэн бүхы муу муухай юумэнэйнь түлөө Би тэрэ үедэ тэдээндэ туһалхаяа эрид арсахаб.

Хуули дабталга 7:21

Тэдэ арадуудһаа бү һүрдэгты, юуб гэхэдэ, Эзэн Бурхантнай – агууехэ, һүрөөтэй Бурхан. Тэрэ таанадтай хамта байна.

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!