Хуули дабталга 31:13 - Библи

¹³ Юумэ мэдэхэгүй тэдэнэй үхи хүүгэд һургаал шагнажа, Эзэн Бурханаа хүндэлжэ һураха. Иорданиие гаталан, эзэлхэеэ ошожо байһан газар дайдадаа ажаһууха бүхы сагтаа тэдэнэр Эзэниие хүндэлдэг байхал.

Хуули дабталга 31:13 ပူးပေါင်းရင်းမြစ်များ

Һургаал 22:6

Эдир залууе замайнь эхиндэ зүб ябахыень һурга, үтэлхэдөөшье тэрэ харгыһаа хадуурхагүй.

Левит 23:43

Танай уг удамууд мэдэхэ ёһотой: Би израильшуудые Египедэй газарһаа гаргахадаа, бургааһаар, үбһөөр хэһэн майхан соо байрлуулаа бэлэйб. Би Эзэн Бурхантнай гээшэб.

Хаггай 1:12

Шалтиээлэй хүбүүн Зэрубабээл, Ёцадаагай хүбүүн Иисүүс болон бусад арад түмэн Хаггай лүндэншые Эзэн Бурханаар эльгээгдэһэн мүн гэжэ мэдэржэ, Эзэн Бурханайнгаа Хаггай лүндэншөөр дамжуулһан үгэ дуулаба. Тиигээд тэдэ Эзэнһээ айжа, Тэрэниие хүндэлжэ эхилбэ.

Эфесэйхиндэ 6:4

Аба эжынэрынь, үхибүүдээ уурлуулан урмыень бү хухалагты, зүгөөр Эзэн тухай заажа, заабаришалжа, тэдэнээ хүмүүжүүлжэ байгты.

Хуули дабталга 11:2

Һанажа байгты! Үхибүүдтнай бэшэ, таанад өөһэдөө Эзэн Бурханайнгаа хэһээлтэ мэдэһэн, хараһан байнат. Тэрэнэй һүр жабхалан, бар хүсыень, агууехэ шадалынь һанаад үзэгты.

Хуули дабталга 31:12

Бүхы арад зониие – эрэшүүл, эхэнэрнүүдые, үхи хүүгэдые, танай хотонуудта ажаһуудаг ерүүл зониие бултыень суглуулагты. Тэдэнэр шагнажа, Эзэн Бурханаа хүндэлжэ, һургаалайнь бүхы үгэнүүдые сахин дүүргэжэ һураха.

Хуули дабталга 31:14

Эзэн Моисейдэ хандаба: – Зай, нүгшэхэ сагшни дүтэлбэ. Иисүүсые дууда. Тиигээд майхан һүмэ руу ерэгты, Би тэрээндэ захяа заабари айладхахаб. Моисей Иисүүс хоёр ерэжэ, майхан һүмэ руу оробо.

Хуули дабталга 32:47

Юуб гэхэдэ, энэ хооһон үгэнүүд бэшэ, энэ хадаа танай ами наһан гээшэ. Энээнэй ашаар таанад ошожо ябаһан газартаа, Иорданай саана, удаан сагта ажаһуухат.

Хуули дабталга 6:7

Үхи хүүгэдтээ энээн тушаа хододоо һануулжа, хэлэжэ байгты. Өөрынгөө гэртэшье һуухадаа, аян замдашье ябахадаа, амаржа байхадаашье, ажал хэжэшье байхадаа энээн тухай хэлэжэ байгты.