Хуули дабталга 30:9 - Библи

⁹ Танай бүхы хэрэгүүдые Эзэн Бурхантнай угаа урагшатай болгохо, олон үхибүүдые үршөөхэ, олон түл, баян ургаса үреэн үгэхэ. Тэрэ таанадта эльгэтэй байжа, һайн юумэ таанадта хэхэдээ баярлаха. Үбгэ эсэгэнэртэтнай һайн юумэ хэхэдээ мүн лэ баясадаг бэлэй.

Хуули дабталга 30:9 ပူးပေါင်းရင်းမြစ်များ

Исай 62:4

Энээнһээ хойшо шамайе «орхигдоһон», газарыешни «Хооһон, һубай» гэжэ нэрлэхэгүй. Харин шамайе «Бурханай баяр» гэжэ, газарыешни «гэрлэһэн» гэжэ нэрлэхэ. Юуб гэхэдэ, Эзэн шамда баясана, газарыешни һамга абаһан хүндэл адли болохо.

Исай 62:5

Залуу хүнэй эдир басагантай гэрлэдэг шэнги, шамайе Бүтээгшэ шамтай гэрлэнэ. Һамга абажа байгша хүбүүнэй хадамлажа байгша басагандаа баясадаг мэтэ Бурханшни шамдаа баясана.

Исай 65:19

Иерусалимда баярлан, арад түмэндөө баясажа байхаб. Тиигээд тэндэ уйлаха, туһа эрин орилхо абяан саашадаа бэшэ дуулдахагүй.

Ерэмияа 31:27

– Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 31:28

– Зулгаажа, эбдэжэ, хүмэрюулжэ, һүйд хэжэ, мүн гай гасалан асаржа Би амар заяа үзүүлдэггүй һэм, мүнөө тарин ургуулжа, байгуулжа амар заяагүй байлгахаб.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Левит 26:4

Би таанадта саг соонь бороо оруулхаб, газар һайн ургаса үгэхэ, жэмэстэ модод һайнаар жэмэсээ үгэхэ.

Левит 26:6

Амгалан тайбан, хэншье таниие хүлгүүлхэгүй, һанаан сэдьхэл тэгшэ ажаһуухат. Аймшагтай зэрлиг амитадые газар дээрэһээтнай намнахаб. Һэлмэтэ дайсан газар дээгүүртнай ябахагүй.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Лука 15:32

Харин дүү хүбүүншни үхэһэн аад, амидыржа, үгы болоһон аад, олдожо ерээ бшуу. Тиимэһээ бидэ баярлаха, сэнгэхэ ёһотойбди».

Иоанн 15:11

Минии баяр жаргалые хубаалсахынтнай тула, энэ баяр жаргалай бүрин түгэс байхын тула Би эдэ бүгэдые хэлэнэб.

Хуули дабталга 28:4

таанадые үнэр баян болгон, газарайтнай ургаса, малайтнай түл олон болгон Эзэн юрөөхэ;

Хуули дабталга 28:63

Таанадта һайн юумэ хэжэ, таанадые олон болгон, үнэржүүлжэ байхадаа Эзэн хэды ехэ баясажа байгааб даа. Тэрээндэл адляар, таанадые үгы хэжэ, һалгаажа байхадаа Тэрэ баярлан бахархан байхал. Эзэлхэеэ зорин ошожо байһан газар дайдаһаа таанад хамагдан гаргуулхат.

Хуули дабталга 30:8

Таанад һөөргөө эрьежэ, дахин Эзэнэй үгэ дууладаг болохот, мүнөөдэр минии таанадта дамжуулан хэлэһэн Тэрэнэй бүхы захяа заабаринуудые сахин дүүргэдэг байхат.

Хуули дабталга 7:14

Бусад арадуудта орходоо үреэлтэй, буянтай байхат, таанадай дунда үри хүүгэдгүй хүн байхагүй, мал һүрэгэйтнай дунда һубай мал байхагүй.