Хуули дабталга 30:8 - Библи

⁸ Таанад һөөргөө эрьежэ, дахин Эзэнэй үгэ дууладаг болохот, мүнөөдэр минии таанадта дамжуулан хэлэһэн Тэрэнэй бүхы захяа заабаринуудые сахин дүүргэдэг байхат.

Хуули дабталга 30:8 ပူးပေါင်းရင်းမြစ်များ

Һургаал 16:1

Хүсэл бодол хүндэ хабаатай, гэбэшье хэлэнэй харюу Эзэнһээ ерэдэг юм.

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 36:3

Иудын хан түрын улад зон Минии тэдээндэ татахаяа байһан гай тодхор тухай дуулажа, муу муухай харгы замһаа эрьехэ аалам. Тиигээ һаань, Би тэдэнэй нүгэл шэбэлые арюудхан хүлисэхэб.

Эзэкээл 36:27

Өөрын һүнэһэ таанад руу оруулжа, таанадые Өөрын хуули, зарлигуудые сахигшад болгохоб.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Эфесэйхиндэ 2:16

Христоос хэрээһэн дээрэ үхэхэдөө, тэдэнэй үһөө хиһаае усадхаад, нэгэ бэе соо хоёр арадые эблүүлээд, тэдэниие һөөргэнь Бурханда асараа.

Хуули дабталга 30:2

Хэрбээ таанадай мүн үри һадаһадайтнай Эзэн Бурхандаа эрьежэ, бүхы зүрхэ сэдьхэлээрээ хойноһоонь дахажа, үгыень дуулабал,

Хуули дабталга 30:7

Тэрэ эдэ бүхы хараал шэрээлнүүдые дайсадтатнай һөөргэн эрьюулэн эльгээхэ, юуб гэхэдэ, тэдэнэр таанадые үзэн ядадаг, намнадаг бшуу.

Хуули дабталга 30:9

Танай бүхы хэрэгүүдые Эзэн Бурхантнай угаа урагшатай болгохо, олон үхибүүдые үршөөхэ, олон түл, баян ургаса үреэн үгэхэ. Тэрэ таанадта эльгэтэй байжа, һайн юумэ таанадта хэхэдээ баярлаха. Үбгэ эсэгэнэртэтнай һайн юумэ хэхэдээ мүн лэ баясадаг бэлэй.

Филиппынхидтэ 2:13

Ушарынь гэхэдэ, Бурхан Өөрөө сэдьхэлдэтнай хүсэлнүүдые бадараадаг, хэхэ ёһотой юумэеэ хэжэ байха тээшэ таанадые хүтэлдэг.