Хуули дабталга 30:6 - Библи

⁶ Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Хуули дабталга 30:6 ပူးပေါင်းရင်းမြစ်များ

Египедһээ гаралга 20:6

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 32:39

Ажамидарха сагтань ори ганса зорилго тэдээндэ заажа үгэхэб: өөһэдын болон уг удамайнгаа аша туһада тэдэ Намайе хүндэлэн байг лэ.

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Левит 18:5

Минии тогтоол болон хуулинуудаар ябагты. Тэдэниие сахижа ябаһан хүн амиды ябаха. Би Эзэнби.

Матвей 22:37

Иисүүс тэрээндэ: – Ши бүхы зүрхэ сэдьхэлээрээ, бүхы амин һүлдөөрөө, бүхы ухаан бодолоороо Эзэн Бурхандаа дуратай бай, – гэжэ харюусаба.

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Коринфынхидтэ 1-дэхи 8:3

Тиихэдэ Бурханда дуратай хүниие Бурхан мэдэхэ.

Коринфынхидтэ 2-дохи 5:17

Христоостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Хуули дабталга 10:16

Тиимэһээ энэ сагһаа хойшо Эзэнэй үгэ дууладаг бологты, саашадаа бү үсэрхэлдэгты.

Хуули дабталга 11:1

Эзэн Бурхандаа дуратай байгты, тэрэнэй захиралта, хуулинуудые, ёһо гурим, мүн захяа заабарииень хододоо сахин, дүүргэн ябагты.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Колоссынхидтэ 2:11

Христоостой нэгэдэхэдээ, таанад отолуулһан байгаат, зүгөөр хүнүүдэй отолуулдаг аргаар бэшэ, харин Христоосоор отолуулһан байгаат. Энэ отолуулга таанадые нүгэлтэ хэрэгүүдые хүүлэдэг заншалнуудһаатнай сүлөөлһэн удхатай.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Иоаннай 1-дэхи хандалга 4:7

Инаг хайрата аха дүүнэрни, бэе бэедээ дуратай байябди, юундэб гэбэл, хайра дуран Бурханһаа заяагдаһан юм. Али бүхы хайра дуратай зон Бурханһаа түрөө, Бурханиие мэдэнэ.