Хуули дабталга 30:16 - Библи

¹⁶ Би таанадта мүнөөдэр юу дамжуулан захинабиб гэбэл, Эзэн Бурхандаа дуратай байхыетнай, Тэрэнэй захирһаар ажаһуухыетнай, Тэрэнэй захяа заабаринуудые, хуулинуудые, ёһо гуримуудые сахин дүүргэхыетнай. Тиигэбэл, амиды мэндэ байхат, үнэр баян болохот, эзэмдэхэеэ таанадай шэглэн ошожо байһан газарта Эзэн Бурхантнай таанадые үреэхэ юм.

Хуули дабталга 30:16 ပူးပေါင်းရင်းမြစ်များ

3 Хаан түрэнүүд 3:3

Соломоон Давид эсэгынгээ захяа заабаринуудые сахин, Эзэндэ угаа дуратай һэн. Теэд бусадтал адли тэрэшье мүргэлэй обоонууд дээрэ үргэл, уталгануудые хэдэг бэлэй.

Һургаал 3:1

Хүбүүмни! Минии һургаалые бү марта, зүрхэншни минии заабари сахиха болтогой.

Исай 1:19

Минии үгэ дуулабал, энэ газарай хамаг һайниие эдлэн эдин байхат.

Иоанн 14:21

Минии захиһан захяа заабариие хэн дүүргэнэб, тэрэ Намда дуратай гээшэ. Хэн Намда дуратайб, тэрээндэ Минии Эсэгэшье дуратай байха. Баһа Бишье тэрэ хүндэ дуратай байхаб, Би Өөрыгөө тэрээндэ үзүүлхэб.

Коринфынхидтэ 1-дэхи 7:19

Отолуулһан байна гү, али отолуулаагүй гү, ямаршье илгаагүй, гансал Бурханай захяа заабаринуудые дүүргэжэ байһаниинь шухала юм.

Хуули дабталга 30:17

Теэд таанад Эзэнһээ буруу хаража, Тэрэниие дуулаагүй гээшэ һаа, хэн нэгэнэй үгэдэ орожо, ондоо бурхадта һүгэдэн мүргэжэ байгаа гээшэ һаа,

Хуули дабталга 30:19

Мүнөө гэршэ болохыень огторгой газар хоёрые дууданаб: ами наһан ба үхэл хаталай, юрөөл ба хараал шэрээлэй нэгыень шэлэхые би мүнөөдэр таанадта дурадханаб. Өөһэдын болон үри һадаһадайнгаа амиды мэндэ ажаһуухын тула ами наһа шэлыт!

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Хуули дабталга 32:47

Юуб гэхэдэ, энэ хооһон үгэнүүд бэшэ, энэ хадаа танай ами наһан гээшэ. Энээнэй ашаар таанад ошожо ябаһан газартаа, Иорданай саана, удаан сагта ажаһуухат.

Хуули дабталга 4:1

Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Нүүнэй Иисүүс 23:11

Тиимэһээ Эзэндэ, танай Бурханда али болохоор дуратай байхые оролдогты.