Хуули дабталга 3:27 - Библи

²⁷ Пиисгаа хадын оройдо гаража, хойшоо болон урагшаа, зүүн болон баруун тээшээ шэртэн хара. Бүхы юумэ гансал нюдөөрөө харахаш, юуб гэхэдэ, Иордан гол ши гаталхагүйш!

Хуули дабталга 3:27 ပူးပေါင်းရင်းမြစ်များ

Тоололго 20:12

Эзэн Моисей Аһароон хоёрто иигэжэ айладаба: – Таанад Намайе хүндэлэнгүй, бүхы израильшуудтаа Минии арюун нангиниие харуулаагүйт, Намда этигэжэ ябадагаа гэршэлээгүйт. Энэ арадта найдуулагша газараа Би үгэхэб. Теэд таанад түрэл арадаа дахуулжа, тэрэ газартамни орохогүйт!

Тоололго 23:14

Балаак тэрэниие дахуулаад, Пиисгаа хадын оройдохи харуулай газарта абаашаад, тахилай долоон шэрээ барюулба. Үргэлэй шэрээ бүхэндэ нэгэ эрэ тугал, нэгэ эрэ хони асаруулба.

Тоололго 27:12

Эзэн Моисейдэ: – Энэ Абариим хада өөдэ гара. Эдэ израильшуудта үгэхэб гэһэн газарыем эндэһээ ши хара.

Хуули дабталга 1:37

Таанадай түлөө намдашье Эзэн уурлажа, иигэжэ айладхаа: «Ши, Моисей, мүн лэ тиишээ орохогүйш.

Хуули дабталга 31:2

– Мүнөө би зуун хорин наһатайб, ябахамни хүндэ болонхой. Иорданиие ши гаталхагүйш гээд Эзэн намда айладаа.

Хуули дабталга 32:49

– Абариим хада руу ошо, Моһаабта, Ерихооной урда байдаг Нэбоо хада өөдэ гараарай, тэндэһээ Ханаһаанай орон нютаг тээшэ хара. Тэрэ газар дайдые Би Израилиин арад зондо эзэлхыень үгэнэб.

Хуули дабталга 32:52

Тиимэһээ ши Израилиин арад зондо Минии үгэжэ байһан тэрэ газар дайдые холоһоо харахаш, теэд тиишээ орожо шадахагүйш!