Хуули дабталга 3:18 - Библи

¹⁸ Тэрэ үедэ би тус обогуудай зондо иигэжэ захираа бэлэйб: «Эзэн Бурхантнай энэ газарые таанадта эзэлэн һуухыетнай үгөө. Дайлалдажа шадаха зонтнай бултадаа зэбсэгжээд, Израилиин улад зоной урда байлдаанда орохо ёһотой!

Хуули дабталга 3:18 ပူးပေါင်းရင်းမြစ်များ

Эхин 15:7

Тиигээд Эзэн Бурхан Абрамда иигэжэ айладхаба: – Би болбол Эзэн гээшэб. Шамайе халдейн Үүр хотоһоо иишэнь асаржа, энэ газар нютагые эзэлэн байхыеш үгэнэб.

Тоололго 33:53

Таанад энэ газар абагты, эндэ ажаһуугты. Танай угай баялиг болгожо таанадта энэ газар үгэнэб!

Хуули дабталга 12:1

Элинсэг хулинсагайтнай Эзэн Бурханай эзэлхыетнай үгэжэ байһан тэрэ газарта заатагүй танай сахин дүүргэхэ хуули, ёһо гуримууд гэбэл, иимэ:

Хуули дабталга 15:4

Танай орон нютагта үгытэй хүн бү үзэгдэг. Эзэн Бурхан танай хуби гээд эдлэхыетнай тэрэ газар үгэнэ, таанадые үреэхэл.

Хуули дабталга 19:14

Хүршынгөө газарай хилэнүүдые бү эбдэ. Эзэн Бурханайтнай эдлэхыетнай үгэһэн газар дайдада анха түрүүн ерэхэдээ, үбгэ эсэгэнэртнай газар хубаарилаа. Шинии хуби гэжэ тэмдэглэн шулуу табяа. Тэрэ шулуу бү хүдэлгэ.

Хуули дабталга 19:2

Эзэн Бурханайнгаа үгэжэ байһан газарые гурбан хуби болгон хубаагты, тиигээд хуби бүхэнэй дунда тэрэ зоной хүрэхэдэнь бэлэн байха хото шэлэн тодорхойлогты. Хүниие хорооһон хэн нэгэн тэндэ хорохо аргатай болохо.

Хуули дабталга 19:7

Тиимэһээл гурбан хото шэлэгты гэжэ таанадта би захирна гээшэб.

Хуули дабталга 21:1

Эзэн Бурханайтнай үгэжэ байһан газар дайдада алуулһан хүн олдобол, теэд хэн тэрэниие хороогооб гэжэ мэдэхын аргагүй байгаа һаань,

Хуули дабталга 25:19

Эзэн Бурханайтнай эзэлхыетнай танай хуби гэжэ үгэжэ байгаа газар дайдада ороходоо, оршон тойронхи дайсадһаатнай Тэрэнэй амаруулхадань, амалээг арад тухай дурсалгашье алтан дэлхэй дээрэ бү үлөөгты, бултыень хюдагты! Энээн тушаа бү мартагты!

Хуули дабталга 5:31

Харин өөрөө, Моисей, удаань Намтай эндэ үлөөрэй. Би шамда бүхы захяа заабари, хуули, ёһо гурим хэлэжэ үгэхэб. Хубитань гэжэ Минии үршөөжэ байһан газарта эдэ бүгэдые сахин дүүргэжэ ябахыень тэдэниие һурга».

Хуули дабталга 6:1

Эзэмдэхэ зорилготойгоор ошожо ябаһан газартаа сахин байхыетнай Эзэн Бурхантнай таанадые иимэ захяа заабаринуудта, хуули, ёһо гуримуудта һургаха гэжэ намда захиһан байна.

Хуули дабталга 9:6

Тиимэһээ энэ һайхан газар үгэхэдөө, таанадай сэбэр сэхэ байһанай түлөө бэшэ гээд ойлгогты. Таанад, юрэдөө, үсэд лэ зон гээшэлта даа.

Нүүнэй Иисүүс 1:11

– Зоной байһан газараар ябажа, зондо зарлиг хэлэгты: харгыдаа хүнэһэ бэлдэгты гэгты, юундэб гэхэдэ, гурба хоноод, танай эсэгэнэрэй Бурхан, Эзэн танда энжэ болгожо үгэһэн газар абахаа энэ Иорданай саана ошохот гэгты.