Хуули дабталга 29:25 - Библи

²⁵ Харюунь иимэ байха: «Египедэй газар дайдаһаа гаргахадаа, Эзэнэй, өөһэдынь үбгэ эсэгэнэрэй Бурханай, тэдээнтэй баталһан хэлсээе өөһэдынь мартаһанайнь түлөө.

Хуули дабталга 29:25 ပူးပေါင်းရင်းမြစ်များ

3 Хаан түрэнүүд 9:8

Энэ мүнөө байгааша Һүмэ тухай хажуугаарнь һүүлдэнь гарагша хүн бүхэн: «Энэ газар дайдые болон энэ Һүмые Эзэн юунэйнь түлөө хэһээгээ гээшэб?» – гэжэ һүрдэн, эшхэрэн байха.

3 Хаан түрэнүүд 9:9

Тэрээндэ иимэ харюу үгэхэ: «Египедһээ гаргаһан Эзэн Бурханаа орхижо, ондоо бурхадта няалдан, шүтэн мүргэжэ, тэдээндэ алба хэдэг болоһонойнь түлөө Эзэн тэдээндэ иимэ гай гасалан эльгээгээ».

4 Хаан түрэнүүд 17:15

Израильшууд Тэрэнэй хуулинуудые, үбгэ эсэгэнэртэйнь баталһан үнэн сэхэ байха тухай хэлсээе, тэдээндэ захиһан захяае мартажа, оршон тойронхи арадуудые һажаалдажа, онгон бурхадтань шүтэн мүргэдэг болобо. Эзэн тэдэниие бү һажаалдагты, тэдээнһээ жэшээ бү абагты гэжэ израильшуудта хэлэһэн байгаа.

4 Хаан түрэнүүд 17:9

Тиимэһээ тэдэнэр Эзэндэ, өөрынгөө Бурханда үнэн сэхэ бэшэ, харин нүгэлтэ хэрэгүүдые хэдэг байба. Тэдэнэр өөһэдынгөө нютагжаһан бүхы тосхонуудай, харуулай хэрэмүүдһээ эхилжэ бэхижүүлгэтэй томо хотонууд хүрэтэрхи обоонуудта үргэлэй шэрээнүүдые бодхоон бариба,

4 Хаан түрэнүүд 22:17

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй».

2 Угай бэшэг 36:13

Навуходоносорто үнэн сэхэ байхаб гэжэ Эзэнэй нэрээр тангариглахыень Цэдэкиияые Навуходоносор хаан баадхаһан юм. Теэд Цэдэкиия тэрэнэй урдаһаа буһалгаалба. Цэдэкиия үсэрхэжэ, Израилиин Эзэн Бурханда бусахаяа арсаба.

Псалманууд 106:36

Гэдэһээ үлдэжэ ябагша зониие Тэрэ хүтэлэн тэндэ асарна, тэдэ тосхонуудые барина, тэндээ ажаһууна.

Исай 47:6

Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Исай 65:11

Харин Намайе тоонгүй, Нангин уулыем мартан, Гаад болон Мени гэдэг бурхадта зальбарагша таанадта

Ерэмияа 16:11

Тиихэдэнь ши тэдээндэ: – Элинсэг хулинсагайтнай Намайе орхиһоной түлөө гэжэ Эзэн айладхана! Тэдэ ондоо бурхадые дахажа, тэдээндэ алба хэжэ, урдань һүгэдэн мүргэжэ байгаа. Харин Намайе орхижо, Минии хуули сахяагүй гэжэ Эзэн айладхана.

Ерэмияа 22:8

Олон үндэһэ яһатан энэ хотын хажуугаар үнгэрхэдөө, юундэ Минии, Эзэнэй, энэ агууехэ хотодо иимээр хандаһые бэе бэеһээ һурагшалан ябаха.

Ерэмияа 22:9

Тиихэдэнь Намтай, өөрынгөө Бурхантай, баталһан хэлсээнһээ таанадай арсаһанай, ондоо бурхадта мүргэн, алба хэһэнэйтнай түлөө гэһэн харюу дуулдаха юм.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 50:7

Тэдэниие ологшо хэн нэгэн залгиха һанаатай бэлэй. Дайсадынь иигэжэ хэлэнэ: – Бидэ буруу бэшэбди, тэдэ Эзэнэй урда нүгэл хээ. Элинсэг хулинсагынь Эзэндэ найдадаг бэлэй, тиимэһээ тэдэ өөһэдөө Тэрээндэ үнэн сэхэ байха ёһотой байгаа.

Хуули дабталга 29:26

Израилиин улад зон танихагүй, ондоо, Эзэнэй хориһон бурхадта мүргэжэ эхилээ.

Еврейнүүдтэ 8:9

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Үбгэ эсэгэнэрынь Минии хэлсээе сахидаггүй байгаа, тиимэһээ Би тэдэниие тоохоёо болёоб.