Хуули дабталга 29:22 - Библи

²² Саашанхи үетнай, танай һүүлээр ажаһууха уг удамтнай, холын газар нютагһаа ерэһэн хариин зон тэрэ газар дайдын гай тодхор, Эзэнэй тэрэ газарта дэлгэрүүлһэн зоболон хаража, иигэжэ хэлэхэ:

Хуули дабталга 29:22 ပူးပေါင်းရင်းမြစ်များ

Эхин 19:24

Гэнтэ Эзэн бусалжа байһан хүхэр огторгойн орьёлһоо аадар мэтэ Содом ба Гоморро хотонууд руу адхажа,

Ерэмияа 19:8

Энэ хотые угаа ехээр һандаргаахаб. Хажуугаарнь гараһан хүн бүхэн сошохо, шархануудыень хаража, сэдьхэлээ доһолхо.

Ерэмияа 20:16

Тэрэ хүн Эзэнэй хайра гамгүй һандаргааһан хотонуудтал адли байг лэ! Тэрэ үглөөгүүр ёолоо, үдын тэндэ – байлдаанай абяа дуулаг лэ!

Ерэмияа 49:17

Эзэн айладхана: – Эдоом угаа ехээр һандаргагдаха, хажуугаарнь гараһан хүн бүхэн сошохо, шархануудыень хаража, шоо үзэхэ.

Ерэмияа 49:18

Содом, Гоморро болон хажуудахи хотонуудайнь һандаргаһандал адляар Эдоомшье һандаргагдаха. Хэншье тэндэ хэзээдэшье ажаһуухагүй. Энэ болбол Би, Эзэн, айладхана мүн!

Ерэмияа 50:13

Минии уур хилэнсэглэхэдэ, тэндэ хэншье ажаһуухаяа болихо. Вавилоон һандаргагдажа, тэрээн дээгүүр гарагша хүн бүхэн сошон-гайхан үнгэрхэл.

Һошээ 11:8

Израиль, Би шамтай юу хэхэбиб, яагаад шамда урбахабиб? Адмаада яагаад хандаа һэнбиб, Цэбоһиимдо юу хээ һэнбиб, тон тиимээр шамтай хандаха гүб? Иимэ юумэ хэхыем сэдьхэлни тэбшээнэ, Би тэдэниие угаа ехээр хайрланаб!

Цэпаанияа 2:9

Тиимэһээ Би, Израилиин Түмэн Сэрэгтэ Эзэн Бурхан, Өөрөөрөө тангаригланаб! Содом болон Гоморродол адли Моһааб болон Аммоон һандаргагдаха! Халаахай һөөгүүдэй ургадаг газар, дабһанай нүхэ уурхай, сүл губи тэдэ хэтэдээ болохо! Арад түмэнэйм үлдөөсэ зон тэдэ газарые угай газар гэжэ олзолон абаха!»

Еврейнүүдтэ 6:8

Харин тиихэдэ хашаг болон буртаг үбһэ ургуулһан газар юундэшье хэрэггүй, Бурханай хараалда арай хүртөөгүй, галда шатаагдаха хойшолонтой байдаг.