Хуули дабталга 28:65 - Библи

⁶⁵ Теэд тэрэ арадуудай хоорондо һанаантнай тэгшэ байхагүй, «минии» гэхэ, хүлөөшье амаруулха газар олохогүйт. Зүрхэнтнай айн һалаганан байха, нюдэдтнай шэргэхэ, сэдьхэлтнай сүхэрхэ. Эдэ бүгэдые Эзэн эльгээхэ.

Хуули дабталга 28:65 ပူးပေါင်းရင်းမြစ်များ

Эхин 8:9

Зүгөөр гулабхаа һууха хуурай газар олонгүй бусажа, Ной сонхоор гараа һарбайн, досоошонь оруулба. Газарай нюруу үшөөл уһан доро байба.

Иоов 11:20

Харин муу этэгээд тэрэ үедэ хэсүү байдалһаа гараха аргагүйгөө мэдээд, сэдьхэлээ муудажа, тэдэнэй гансал найдаха юумэн үхэлэй урда дүүрэн сээжээр ами абахань лэ үлөө.

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Исай 57:21

Нүгэл хилэнсэгтэй зондо ямаршье амар амгалан байхагүй». Иигэжэ Бурхамнай айладхажа байна.

Исай 65:14

Тэдэ баясан хүхилдэн байха, харин таанад сүхэрэн-орилон байхат.

Гашуудал 1:3

Иудын улад зон туугдан абаашагдана. Гай гасалан, хүндэ богоолшолго тэдээндэ тохёолдоо, хариин зоной дунда байрлаад, амар заяа үзэнэгүй. Дайсад Иудые хойноһоонь намнажа хүсөө, гай тодхор тэрэниие бахалуурдана!

Гашуудал 3:65

Ухааень төөрюулыт, хараалаа тэдээндэ шэнгүүлыт!

Гашуудал 5:17

Тиимэһээ зүрхэмнай муудажа, хараамнай һуладажа байна.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:36

Таанадһаа үлэһэн зоной дайсадай газарта байхадань, зүрхэ сэдьхэлдэнь аймхай зан оруулхаб. Набшаһанай һаршаганаан тэдэниие айлган намнаха. Хүнэй намнаагүй байхада, һэлмэһээ тэрьелһэн мэтээр гүйлдэн унаха.

Амоос 9:4

Дайсан тэдэниие баряанда абаашаба гэлэй, сэрэг хойноһоонь эльгээхэдэм, һэлмээр тэдэ усадхагдаха, жаргал бэшэ, гай тодхор тэдээндэ ушаруулхаяа харасаа тэдээн руу шэглүүлхэб.

Аввакуум 3:16

Тэрээн тухай дуулахадаа, досоомни доһолбо, урални шэшэрбэ, яһамни үбдэбэ, зогсоһон газартаа би һалганабаб. Теэд арад зониием сүйдхүүлһэн дээрмэшэндэ һүнэхэ сагай ерэхые би тэсэбэритэйгээр хүлеэхэ ёһотойб.

Матвей 24:8

Зүгөөр эдэ бүхэн бэрхэшээл зоболонгуудай эхииень лэ табиха.

Лука 21:26

Тиигээд гай оһол болохонь гэжэ айһан зон ухаа мэдээгээ алдаха, юундэб гэхэдэ, тэнгэриин хүсэнүүдшье тэнсүүриеэ алдаха бшуу.

Римэйхиндэ 11:10

Тэдэ хаража шадахаа болиг, нюдэниинь балартаг! Бэрхэшээл зоболонгуудта дарагдан, хэтын хэтэдэ тахииг лэ!» – гэжэ Давид бэшэнэ.

Хуули дабталга 28:66

Ами наһантнай хододоо аюулда орожо байха, үдэр, һүнигүй айжа, һалганажа, үглөө мүнөө амиды мэндэ байхаяа мэдэхэгүй ажаһуухат.