Хуули дабталга 28:62 - Библи

⁶² Огторгойн одо мүшэд мэтэ олон бэлэйт. Теэд Эзэн Бурханайнгаа үгэ дуулаагүйт, тиимэһээ таанадай үсөөхэн лэ хүн амиды мэндэ үлэхэ.

Хуули дабталга 28:62 ပူးပေါင်းရင်းမြစ်များ

4 Хаан түрэнүүд 13:7

Ёахаазай сэрэгүүд үгы хэгдэбэ: оройдоол табин морито сэрэгшэд, арбан дайшалхы тэргэ, арба мянган ябаган сэрэгшэд үлэбэ. Араамай хаан израильшуудые үй бута сохижо, харгын тооһон мэтээр тэдэниие дэбһэжэ байба.

4 Хаан түрэнүүд 24:14

Навуходосонор тэрэнэй бүхы түшэмэлнүүдые, бүхы баяшуулые, бүхы хүнүүдые – хамтадаа арбан мянган хүнүүдые, мүн түмэршэ ба гар үзүүрэй дархашуулые Иерусалимһаа сүлэн ябуулба. Тиихэдэнь гансал үгытэйшүүл тэндэ үлэбэ.

Нэхэмьяа 7:4

Тэрэ үедэ хото үргэн, ехэшье, зүгөөр тэндэ хүн зониинь үсөөн, гэрнүүдэй диилэнхынь үшөө заһабарилагдаагүй байгаа.

Нэхэмьяа 9:23

Та тэдэнэй үри һадаһадые тэнгэриин мүшэдтэл олон болгоот. Израильшууд эндэ ерэжэ эзэмдэн һууха гэжэ тэдэнэй эсэгэнэртэ Та айладаһан байжа, үри һадаһадыень энэ нютагта асараат.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 24:6

Тиимэһээ дэлхэй Бурханай хараалда хүртэжэ, дээрэнь амидарагша улад зон нүгэлөө эдлэжэ байна. Газар дээр амидарагшад үгы болоно. Зон үсөөрһөөр үсөөрнэ.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Ерэмияа 42:2

намда ерэжэ, иигэжэ хэлэбэ: – Манай гуйһан гуйлтые дүүргыт! Манай түлөө, энэ үлөөшэ зоной түлөө Эзэн Бурхандамнай зальбарыт. Олон байһанаа үсөөн болообди, та өөрөө харана ха юмта даа.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Амоос 5:3

Эзэн Бурхан иигэжэ айладана: Израилиин ямар нэгэн хото мянган сэрэгшые байлдаанда табибал, тэрэнэй оройдоол зууниинь һөөргөө бусаха; зуун сэрэгшые байлдаанда табяа һаань, арбаниинь лэ амиды бусаха!

Марк 13:20

Хэрбээ Эзэн тэдэ аймшагтай үдэрнүүдэй тоое үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Эзэн тэдэ үдэрнүүдэй тоо үсөөрүүлхэ юм.

Хуули дабталга 1:10

Эзэн Бурхантнай та бүгэдые үнэржүүлээ, иигэжэ мүнөө болоходо таанад огторгойн одо мүшэд мэтэ угаа олон болонхойт.

Хуули дабталга 1:11

Эзэн, үбгэ эсэгэнэрэйтнай Бурхан, мүнөө байһандатнай орходоо үшөө хэдэн мянга дахин олон болгохонь. Найдуулһанайнгаа ёһоор таанадые Тэрэнэй үреэхэнь болтогой!

Хуули дабталга 10:22

Далан халуун амин үбгэ эсэгэнэртнай Египет руу ерэһэн юм. Харин мүнөө Эзэн Бурхантнай таанадые огторгойн одо мүшэд мэтээр үнэржүүлээ.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.