Хуули дабталга 28:54 - Библи

^54-55 Таанадай дунда эгээл зөөлэн, һайн сэдьхэлтэйшье эрэ хүн бүһэлэгдэһэн хото соо эдихэ юумэгүй болоходоо, үхи хүүгэдээ эдижэ эхилхэ. Аха дүүдээшье, дуратай һамгандаашье, амиды мэндэ байһан үхибүүндээшье тэрэ мяханһаа хубаалдахагүй.

Хуули дабталга 28:54 ပူးပေါင်းရင်းမြစ်များ

2 Хаан түрэнүүд 12:3

Харин үгытэйнь худалдан абажа тэжээһэн нэгэ бишыхан хурьганһаа бэшэ юушьегүй һэн ха. Хурьган тэрээнэйдэ үхибүүдтэйнь хамта үдэжэ, эдиһэн юумыень эдижэ, аягаһаань уужа, үбэртэнь унтажа, юрэдөө, тэрэ хүн өөрынгөө үхиндэл адляар тэрэниие һанадаг байгаа.

Псалманууд 103:13

Дээдэ ордонһоо хада уулануудые норгонот, ажал хэрэгүүдэйтнай дүнгөөр газар дэлхэй хооллоно.

Һургаал 23:6

Муу һанаатай хүнтэй сугтаа бү зоогло, тэрэнэй амтан эдеэндэ бү обто.

Һургаал 28:22

Хомхой хобдог хүн зөөри баялиг намна намнаһаар, тэрэнэй хойноһоо ядаралай ерэхые анхаржа ойлгодоггүй.

Исай 49:15

Тиихэдэнь Эзэн иигэжэ харюусана: Эхэ хүн хүхүүлһэн хүүгэдээ мартажа шадаха гү? Түрэһэн үхибүүгээ хайрлангүй байжа шадаха гү? Мартабашье гэлэй, харин Би таанадые хэзээдэшье мартахагүйб!

Михей 7:5

Дүтын хүндөө бү этигэгты, нүхэртөө бү найдагты. Һамга, үбгэндөөшье хэлэхэеэ тэбшэгты.

Матвей 11:8

Таанар юу үзэхэеэ тиишэ ошообта? Зөөлэн хубсаһа үмдөөд ябаһан хүниие гү? Теэд зөөлэн хубсаһа үмдөөд ябадаг хүнүүд хаанай үргөөдэ ажаһуунал.

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Хуули дабталга 13:6

Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 15:9

«Долоодохи жэл, үри шэри хүлисэхэ жэл, ойртоо» гэһэн муу һанаан толгойдош орожо, үгытэй угсаатандаа шэрүүнээр хандан, тэрээндэ туһалхаяа арсахаһаа болгоомжоло. Юуб гэхэдэ, тэрэ Эзэндэ шам тухай гомдол бариха, тиихэдэнь ши зэмэтэй болохош.

Хуули дабталга 28:53

Дайсадай сэрэгээр бүһэлүүлжэ, хашуулжа харшалуулжа, Эзэн Бурханайнгаа үршөөһэн үхи хүүгэдээ эдижэ эхилхэт.