Хуули дабталга 28:49 - Библи

⁴⁹ Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Хуули дабталга 28:49 ပူးပေါင်းရင်းမြစ်များ

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

Псалманууд 81:5

Харин тэдэ ойлгоогүй, мэдэрээгүй! Харанхыда ябана! Дэлхэйн һуури хүдэлбэ!

Һургаал 30:19

Эдэ хадаа тэнгэридэ ниидэһэн бүргэдэй зам, хабсагай дээрэ муралзаһан могойн зам, далайн дунда онгосын зам ба басагантай ханилһан эрын зам болоно.

Исай 33:19

Таанадай ойлгохогүй хэлэтэй, ехэрхүү бардам зантай хариин зониие бэшэ харахагүйт.

Исай 39:3

Лүндэншэ Исай Хэзэкияада ерэжэ асууба: – Эдэ зон хаанаһаа зорижо ерээб? Юун гэжэ хэлэнэб? – Тэдэ алас холын Вавилоон оронһоо ерээ, – гэжэ Хэзэкияа харюусаба.

Исай 7:18

Тэрэ сагай тохёолдоходо, Нилэй эгээл холо углуу тохойһоо аляаһад мэтэ ниидэн ерэхыень Египедэй сэрэгтэ, зүгы мэтэ бөөгнэрэн ерэхыень Ассириин сэрэгтэ Эзэн эшхэрэн, дохёо тэмдэг үгэхэ.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 48:40

Эзэнэй айладхаһанай ёһоор, ондоо арад түмэн Моһаабта даляа дэбиһэн бүргэд мэтээр добтолон орохо.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Эзэкээл 11:9

Хотоһоо таанадые гаргажа, хариин зоной мэдэлдэ үгэхэб, таанадые алаха тухай шиидхэбэри гарган шүүбэрилхэб!

Эзэкээл 17:12

– Һургаалта үгын далда удхые ойлгоо гүт гэжэ Израилиин тэрэ үсэд зонһоо асуу. Вавилооной хаан Иерусалим руу ерэжэ, Иудын хааниие түшэмэл ноёдтойнь хамта баряад, Вавилоон руу туун абаашаа гэжэ тэдээндэ дуулга.

Эзэкээл 17:3

Минии, Эзэн Бурханай, айладхаһые тэдэнэй ойлгохоор хөөрөөрэй. Зай, мантан далинуудтай, үнгэтэ үдэнүүдтэй угаа томо бүргэд нэгэтэ Ливаан руу ниидэбэ. Хуша модоной орой тэрэ хухалаад,

Эзэкээл 3:6

Үгыень ойлгомоор бэшэ, хэсүү хэлэтэй, шинии мэдэхэгүй хэлэтэй арад түмэндэ эльгээгээшье һаам, тэдэ шамайе дуулаха бэлэйл.

Даниил 7:4

Түрүүшын амитан бүргэдтэл адли далитай, гэбэшье түхэлөөрөө арсаланда адли. Хараһаар байтарни, далинуудынь хуулагдан абтаба. Тиигээд тэрэ үргэгдөөд, хүндэл адли хүл дээрээ табигдаба, хүнэй ухаан бодол тэрээндэ үгтэбэ.

Даниил 9:26

Жаран хоёр долоон хоногой үнгэрхэдэ, шэлэгдэһэн удамарша алуулагдаха, хэншье тэрээнтэй үлэхэгүй. Удаань хариин удамарша сэрэгээрээ үер мэтэ ерэжэ, хото болон нангин үргөөе һандарган һүйдхэхэ, дайн дажарай дүүрэтэр гай һандарал үргэлжэлхэ.

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Тоололго 24:24

Онгосонууд Киттиимһээ ерэхэ. Одоол тиихэдэнь Ассири болон Ээбэр диилдэжэ, булта хосорхо!

Матвей 24:28

Үхэһэн бэеын хэбтэһэн газарта бүргэд шубууд сугларха.

Коринфынхидтэ 1-дэхи 14:21

«Танигдахагүй хэлэнүүд дээрэ шулганаһан хариин зоноор дамжуулан Би арад зондоо хэлэхэб, теэд тиихэдэмнишье тэдэ Намайе дуулахагүйл гэжэ Эзэн хэлэнэ», – гээд Нангин Бэшэг соо бэшээтэй байдаг.