Хуули дабталга 28:46 - Библи

⁴⁶ Энэ хараал шэрээл хадаа таанадта мүн уг удамдатнай хэтэ мүнхын хэһээлтэ амасуулха гэһэн Бурханай дүлгэ тэмдэг, харуулһан юумэниинь болохо.

Хуули дабталга 28:46 ပူးပေါင်းရင်းမြစ်များ

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Ерэмияа 19:8

Энэ хотые угаа ехээр һандаргаахаб. Хажуугаарнь гараһан хүн бүхэн сошохо, шархануудыень хаража, сэдьхэлээ доһолхо.

Ерэмияа 25:18

Иерусалимай, Иудын хан түрын бүхы хотонуудай зондо газарыень хооһон элһэн сүл губи, үзэмжэгүй муухай, зоной хараал болгохын тула хаашуул, ноёдтойнь хамта энэ аягаһаа уулгабаб. Газарынь тон тиимэ болоол даа.

Эзэкээл 14:8

Би тиимэ хүнэй урдаһаа тулахаб! Тиигээд тэрэ зоной наадан, ябаган зугаа үгэ болохо, Минии арад түмэнэй дундаһаа үгы хэхэб. Тиихэдэм таанад Намайе Эзэн гээд мэдэхэт.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Эзэкээл 5:15

Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!

Тоололго 26:10

Тиихэдэнь Эзэн Коорахые болон тэрээнтэй үгэеэ үгэлсэгшэдые хэһээжэ, газар гантаагаад, тэдэниие амидыгаар газар доро булаа бэлэй. Тиигэжэ 250 хүн үхөө һэн. Иигэжэ тэдэ бусадта һэргылэлтэ болоо.

Коринфынхидтэ 1-дэхи 10:11

Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.

Хуули дабталга 28:37

Эзэнэй эльгээһэн тэрэ арадуудта ши шоо үзүүлжэ, ябаган зугаадань орожо, наада бариха, баһаха зүйлынь болоод байхаш.

Хуули дабталга 28:59

Эзэн таанадта, мүн уг удамдатнай аргалагдахагүй үбшэ, хэзээдэшье сарагдахагүй һүжэг үбшэ, гай тодхор эльгээхэл.

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 29:28

Уур сухалтай, хилэнсэгтэ, ехэ дураа гутаһан Эзэн тэдэниие газарһаань үлдэн гаргажа, хариин нютаг руу эльгээгээ. Мүнөө тэдэнэр тэндээ байһаар».