Хуули дабталга 28:32 - Библи

³² Хүбүүд, басагадшни богоол болон ондоо арадта үгтэхэ. Үдэр бүри тэдэнэй бусахые хүлеэн хараһандаа нюдэдшни бүрүүлтэхэ, һулархаш.

Хуули дабталга 28:32 ပူးပေါင်းရင်းမြစ်များ

2 Угай бэшэг 29:9

Иигэжэ манай үбгэ эсэгэнэр байлдаануудта алуулаа, үхибүүднай, һамгаднай баряанда байһаар.

Иоов 11:20

Харин муу этэгээд тэрэ үедэ хэсүү байдалһаа гараха аргагүйгөө мэдээд, сэдьхэлээ муудажа, тэдэнэй гансал найдаха юумэн үхэлэй урда дүүрэн сээжээр ами абахань лэ үлөө.

Иоов 17:5

Олзо ашагай түлөө нүхэдтөө туһалаагүй хүнэй үри хүүгэдынь нюдэ һохор болодог гэлсэгшэ.

Иоов 31:8

минии тариһан ургасые ондоо хүн хуряан эдиг, минии бүхы таримал үндэһөөрөө үхэг. Би тиимэ гэм хээгүйб гэжэ мэдэхэ болоноб.

Псалманууд 69:3

Намайе алахаяа һанагшад бултадаа эшхэбтэр муухайда унажа, доромжолуулагдаг лэ! Намда мууе хүсэгшэд доромжолуулагдан, һөөргэлэг!

Исай 38:14

Хоолоймни арай-шамай гаража, гулабхаадал адли абяа гарган ёолооб. Эзэмни, энэ гайһаа намайе абарыт гэжэ огторгой шэртэһээр нюдэдни эсээ.

Гашуудал 1:18

Теэд Эзэн зүб шударга! Юуб гэхэдэ, би үгыень дуулаагүйб. Бүхы арад түмэн, шагнагты, зоболонгым харагты: залуу басагад, хүбүүдни баряанда туугдан ошожо байна.

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Гашуудал 4:17

Харин бидэ туһаламжа хүлеэн, дэмы нюдэеэ эсээгээбди. Маанадые абаржа шадахагүй арадые хараашалан, харуулай самхагһаа шэртэн хүлеэгөөбди.

Гашуудал 5:17

Тиимэһээ зүрхэмнай муудажа, хараамнай һуладажа байна.

Эзэкээл 24:25

Эзэн айладхаа: – Хүнэй үри Эзэкээл, алдар солынь шэмэг, нюдэнэйнь хужар, сэдьхэлэйнь сэсэг болохо нангин үргөөень Би үгы хэхэб, үхи хүүгэдыень мүн лэ усадхахаб.

Ёһээл 3:6

Таанад Иудын ба Иерусалимай хүбүүдые газар нютагһаань зайлуулхын тулада грек угсаатанда худалдаат.

Амоос 5:27

Тиимэһээ Би таанадые Дамааскһаа сааша баряанда туун абаашахаб!» – гэжэ Түмэн Сэрэгтэ Эзэн Бурхан айладана.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Тоололго 21:29

Таанадта, Моһаабай хүнүүдтэ, тодхор болохо! Таанад, Хэмоошто шүтэгшэд, хосорхот! Таанадай бурхан эрэшүүлыетнай зугадалганда, таанадай басагадые эмооршуудай хаанай мэдэлдэ үгөөл.

Хуули дабталга 28:18

үри хүүгэдтэтнай, газарай ургасада, хони малдатнай Эзэн хараал шэнгээхэ;

Хуули дабталга 28:31

Хараһаар байтаршни ондоо хүн үхэрыеш үүсэлхэ, харин ши тэрээнһээ эдихэгүйш. Элжэгыешни буляаха, шамда бусаахагүй. Хониншни дайсадта хүртэхэ, теэд шамда туһалха хүн олдохогүй.

Хуули дабталга 28:41

Хүбүүд, басагадые түрэхэш, теэд тэдэнээ гээхэш, юундэб гэхэдэ, дайсад тэдэниие олзолон баряанда абаашаха.

Хуули дабталга 28:65

Теэд тэрэ арадуудай хоорондо һанаантнай тэгшэ байхагүй, «минии» гэхэ, хүлөөшье амаруулха газар олохогүйт. Зүрхэнтнай айн һалаганан байха, нюдэдтнай шэргэхэ, сэдьхэлтнай сүхэрхэ. Эдэ бүгэдые Эзэн эльгээхэ.