Хуули дабталга 28:16 - Библи

¹⁶ хото һууринуудтатнай, хүдөө таладатнайшье Эзэн хараал шэнгээхэ;

Хуули дабталга 28:16 ပူးပေါင်းရင်းမြစ်များ

Эхин 5:29

– Эзэнэй газарай хүрьһэ хараалда хүртөөһэн ушарһаа бидэ саг үргэлжэ хүндэ хүшэр ажалда ябанабди. Энэ хүбүүн ажалыемнай жааханааршье һаа, хүнгэлжэ магад, – гэжэ Лаамэх хэлээд, хүбүүндээ Ной гэжэ нэрэ үгэбэ.

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 17:12

Харин тэрэ эхэнэр: – Танай Эзэн Бурханай нэрээр тангаригланаб, намда хилээмэн үгыл. Аяга соо нэгэ адха гурил, нэгэ дуһал болохо гэхээр оливын тоһон бии. Харагты даа, би хоёр модо оложо суглуулаад, гэртээ ошожо, энээниие бэлэдхэжэ болгохоб, тиигээд хүбүүнтэеэ хамта эдеэд, удаань хоюулаа үхэхэбди, – гэбэ.

3 Хаан түрэнүүд 17:5

Тэрэ Эзэнэй үгэ дуулажа, ошожо, Иорданһаа зүүлжээ урдагша Хэриит горхоной хажууда үлэбэ.

Иоов 24:18

Тиимэ хүнүүд уһан дээрэ хөөрэһэн хөөһэн мэтэ түргэн арилха болтогой. Тэдэнэй эзэлдэг газар хараалда хүртэг. Тэдэ түргэн үхэжэ, уһан үзэмэй сэсэрлигтээ ажаллажа шадахагүй болог.

Һургаал 3:33

Эзэнэй хараал муу хүнэй гэр дээрэ буудаг, харин шударга зүб байгшын орон гэрые Тэрэ үреэдэг.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Ерэмияа 14:18

Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 44:22

Тиимэһээл Эзэн танай жэгшүүритэй муухай хэрэгүүдые тэсэжэ ядаа, тиимэһээл газартнай зэлүүд хооһон, үзэмжэгүй муухай болоо. Таанад энээниие мүнөө өөһэдөө хаража байна ха юмта даа.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 1:1

Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Гашуудал 5:10

Арһамнай зуухада шаруулһандал хара, үлэсхэлэн байдал тэрэниие харлуулаа.

Ёһээл 1:4

Төөлүүрэй үлөөһэн юумэ һүрэг таршаа шумуул эдеэ, таршаа шумуулай үлөөһэниие үтэ хорхой эдеэ.

Ёһээл 2:3

Тэдэ хойноо шатаһан газар үлөөнэ. Ерэхэһээнь урид Эдээмэй сэсэрлиг шэнги байгаа һаа, арадань хооһон губи болодог. Тэдээнһээ тэрьелхэ арга огто үгы.

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.

Малаахи 2:2

Түмэн Сэрэгтэ Эзэн айладажа байна: «Хэрбээ таанад хэлэһыем шагнахагүй, Минии нэрэ хүндэлхын тулада энээниие сэдьхэлдээ хүлеэн абахагүй һаатнай, Би хэһээлтэ буулгахаб. Минии алдар нэрэ үргөөгүй байбал, танай абаһан үреэл һөөргэ сухаряад хараал болохо. Ушарынь хадаа таанад Минии нэрэ хүндэлнэгүйт.

Малаахи 4:6

Тэрэ эсэгэнэрэй сэдьхэл хүүгэдтэнь, хүүгэдэй сэдьхэл эсэгэ тээшэнь эрьюулхэ. Үгы гэбэл, Би ерэжэ, энэ нютаг орониие хараалда хүртөөхэб».