Хуули дабталга 28:15 - Библи

¹⁵ Эзэн Бурханайнгаа үгөөр байгаагүй һаа, минии мүнөөдэр дамжуулан хэлэжэ байгша Тэрэнэй захяа заабаринуудые, хуули ёһонуудые сахин дүүргээгүй һаатнай, хараалай ехэ иимэ хараалнууд бултадаа таанадта хүрэхэ:

Хуули дабталга 28:15 ပူးပေါင်းရင်းမြစ်များ

Эхин 3:14

Эзэн Бурхан могойе харааба: – Ши хэһэн энэ хэрэгэйнгээ түлөө хараалда хүртэхэшни: арьяатан, адууһа мал соо эгээл доройнь боложо, гэдэһэн дээрээ мүлхин ябахаш, хамаг наһаараа тоборог шоройгоор хооллохош.

Эхин 4:11

Одоо Би газар хүрьһэнтэйш хамта шамда хараал шэнгээхэм. Алаһан дүүгэйш шуһан энэ газарта нэбтэрэнхэй.

Эхин 4:12

Шинии хэдышье энэ газар үйлэдбэрилхэдэ, тэрэшни шамайе тэжээхэ, хооллуулхагүй. Энэ сагһаа хойшо ши орон нютаггүй зайгуул, тэнүүл болобош.

2 Угай бэшэг 12:5

Лүндэншэ Шэмаяа гэгшэ Рэхобаамда болон Шушаагһаа хорон Иерусалимда сугларагша Иудын удамаршадта ерэжэ, иигэжэ айладхаба: – Эзэн иигэжэ айладхал буулгана: Намайе орхиһонойтнай түлөө Би мүнөө таанадые Шушаагай һабарта орхихоб!

2 Угай бэшэг 34:24

Удахагүй, тон һаядаа Би энэ хотодо, тэндэхи хүнүүдтэ гай тодхор эльгээхэб. Иудын хаанда уншаһан ном соохи бэшэлгэ бүхыдөө бэелүүлэгдэхэ.

2 Угай бэшэг 7:19

Харин таанадай Намһаа буруу харан, Минии үгэһэн захяа заабаринуудые, тогтоолнуудые орхёод, ондоо бурхадта мүргэн шүтэжэ, тэдэндэ алба хэдэг болоболтнай,

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Ерэмияа 11:8

Гэбэшье тэдэ үгыем дуулабагүй, анхаралаа хандуулбагүй, хүн бүхэн үсэд, муу зантай байһан зандаал байгаа бэлэй. Хэлсээ сахин дүүргэжэ байха тухай тэдээндэ захяа һэм, теэд тэдэ дүүргэжэ байгаагүй. Ушар тиимэһээнь Би хэлсээн соо хэлэгдэһэн бүхы хэһээлтэнүүдые тэдээндэ шэглүүлээ һэм, – гэжэ айладхаба.

Ерэмияа 26:4

Зондо иигэжэ хэлэхыемни Эзэн захираа: – Минии дамжуулһан һургаал заабари сахиха ёһотойт.

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Ерэмияа 36:31

Таанадые, уг удамыетнай, түшэмэлнүүдыетнай нүгэл шэбэлһээтнай боложо хэһээхэб. Ши өөрөө, Иерусалимай болон Иудын хан түрын улад зон минии һэргылэлтэнүүдые анхараагүй. Тиимэһээ Би гай тодхор таанадта татахам».

Ерэмияа 36:7

Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 40:2

Тэрэ ноён намайе хажуу тээшэнь болгоод, иигэжэ хэлээ: – Эзэн Бурхантнай энэ орон нютагта гай тодхор татаха тухайгаа айладхаа бэлэй.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Һошээ 7:12

Ябажа эхилхэдэнь, Би тэдээндэ гүльмэ губшуур хаяжа, жэгүүртэниие тэнгэриһээ унагааһандал хүмэрюулхэб! Энээн тушаа тэдэ бултадаа дуулаа: Би тэдэниие хэһээхэб!

Малаахи 2:2

Түмэн Сэрэгтэ Эзэн айладажа байна: «Хэрбээ таанад хэлэһыем шагнахагүй, Минии нэрэ хүндэлхын тулада энээниие сэдьхэлдээ хүлеэн абахагүй һаатнай, Би хэһээлтэ буулгахаб. Минии алдар нэрэ үргөөгүй байбал, танай абаһан үреэл һөөргэ сухаряад хараал болохо. Ушарынь хадаа таанад Минии нэрэ хүндэлнэгүйт.

Галадуудта 3:10

Харин Хуули сахижа аршалагдахаб гэжэ һанаһан хүн бүхэн хэһээгдэхэ. Юундэб гэхэдэ, «Хуулиин зүйл бүхэниие үргэлжэ гүйсэдхэжэ байгаагүй хүн бүхэн хэһээгдэхэ», – гэжэ Нангин Бэшэг соо хэлээтэй байдаг.

Хуули дабталга 11:28

хэрбээ таанад Эзэн Бурханайнгаа захяа заабариие сахингүй, минии мүнөөдэр заажа байһан замһаа хотироо һаа, танигдаагүй ондоо бурхадта мүргэжэ эхилээ һаа, хараалда хүртэхэт.

Хуули дабталга 28:2

Эзэн Бурханайнгаа үгынь дуулажа байгаа һаатнай, иимэ үреэлнүүд таанадта шэнгэжэ хүсэлдэхэ:

Хуули дабталга 28:45

Эзэн Бурханайнгаа үгэ дуулаагүй, Тэрэнэй таанадта захирһан захяа заабаринуудыень, хуули ёһонуудыень сахин дүүргээгүй байһанайтнай түлөө таанадта хараал шэрээл шэнгэжэ, үхэтэртнай хойноһоотнай дахан хүрэхэл.

Хуули дабталга 29:19

Энэ хараал шэрээл дуулажа, хэн нэгэн досоогоо бардамлажа, «Һанаһаараа юумэ саашадаашье хэжэ байхаб, муу юумэн намда хүрэхэгүй» гээд һанажа болохо. Теэд иимэ хүнһөө боложо, ондоошье зон муу юумэндэ дайрагдажа магад.

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 5:1

Моисей Израилиин бүхы арад зониие дуудажа, иигэжэ тэдээндэ хэлэбэ: – Израилиин арад зон, таанадта мүнөө минии хэлэхэ бүхы хуули, ёһо гуримуудые шагнагты, сээжэлдээд, жэншэдгүй сахин ябагты.

Нүүнэй Иисүүс 23:15

Танай толгой дээрэ Эзэнэй, танай Бурханай алибаа һайн үгэ яажа бэелүүлэгдээб, тэрээн шэнгеэр Эзэн танай толгой алибаа муу үгэ бэелүүлжэ шадаха. Эзэнэй, танай Бурханай танда үгэһэн энэ һайн газарһаа үгы болотортнай усадхаха.

Нүүнэй Иисүүс 23:16

Эзэнтэй, танай Бурхантай баталһан хэлсээгээ эбдээ һаатнай, Тэрэнэй захяа заабаринуудые сахяагүй һаатнай, ондоо бурхадта алба хэжэ, тэдээндэ мүргөө һаатнай, Эзэнэй уур хилэн танай тархида шатажа, Эзэнэй танда үгэһэн энэ һайн газарһаа таанар үгы болон арилхат.

Ударидагшад 2:15

Эзэн израильшуудһаа холодобо. Тиихэдэнь израильшууд хаанашье дайлалдахадаа, ходол дайсадта диилдэдэг болобо. Хэрбэеэ оршон тойрон ажаһуудаг арадуудай хуурмаг бурхадта шүтэн мүргөө һаа, таанад ходол диилдэхэт гэжэ Эзэн уридшалан израильшуудта айладаа, тангариглаа һэн. Израильшууд олиггүй ехээр тулин зобобо.

1 Хаан түрэнүүд 4:10

Тиигээд пилиштүүд шанга тулалдажа, израильшууд диилдэжэ, хүн бүхэниинь өөрынгөө майхан руу тэрьедэн гүйбэ. Израильһаа гуша мянган ябаган сэрэг алуулһан, угаа ехэ гай тодхор болоһон байгаа.