Хуули дабталга 28:1 - Библи

¹ Эзэн Бурханайнгаа үгэ соонь ябажа, минии мүнөөдэр таанадта хэлэһэн Тэрэнэй захяа заабарииень сахин дүүргэжэ байгаа гээшэ һаатнай, Тэрэ таанадые дэлхэйн арадуудһаа дээгүүр үргэхэ.

Хуули дабталга 28:1 ပူးပေါင်းရင်းမြစ်များ

1 Угай бэшэг 14:2

Эзэнэй өөрыень Израилиин хаан болгожо баталһые, Өөрынь арад түмэн болохо Израилиин түлөө хаан түрыень дээрэ үргэлсэһые Давид ойлгобо.

Псалманууд 106:3

Үрнэ, умара зүгүүдһээ болон далайн талаһаа Тэрэнэй суглуулһан бүхы зон иигэжэ хэлэхэл.

Псалманууд 111:10

Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.

Псалманууд 119:6

Амар амгалан байдал үзэн ядагшадай дунда удаан сагта һуунаб.

Псалманууд 148:14

Тэрэ Өөрын арадай эбэрые дээгүүр үргөө. Энэнь Тэрэнэй бүхы үнэн сэхэ зоной, Тэрээндэ ойро болохо Израилиин арад түмэнэй түлөө магтаал бэлэй. Эзэниие магтагты!

Псалманууд 91:14

Эзэнэй нангин үргөө соо һуулгагданхай, Бурханаймнай хашаа соо тэдэ сэсэглэнэ.

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Египедһээ гаралга 23:22

Тэрэнэй үгыень дуулажа, Минии айладаһан бүгэдые дүүргэбэлтнай, Би танай дайсанда дайсан, танда муу һанагшада муу һанагша болохоб.

Египедһээ гаралга 23:25

Эзэн Бурхандаа шүтэгты. Тиихэдэтнай, би эдихэ хоол, ууха уһыетнай үреэжэ, таанадые үбшэн тахалһаа зайлуулхаб.

Исай 1:19

Минии үгэ дуулабал, энэ газарай хамаг һайниие эдлэн эдин байхат.

Исай 3:10

Зүб шударга ябадалтай зон үйлэдэһэн хэрэгэйнгээ буян эдлэхэ, энэ болбол ехэ зүб гээд дэмжыт.

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 17:24

Хэрбээ амаралтын үдэр энэ хотын бартаануудаар ямаршье ашаа зөөжэ оруулангүй, ямаршье ажал хэнгүй, амаралтын үдэрые нангинаар сахин, Минии үгэнүүдые дуулабалтнай,

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Лука 11:28

– Бурханай үгэ шагнаад, тэрэниие наринаар сахидаг хүнүүд үлүү ехэ жаргалтай! – гэжэ Иисүүс харюудань хэлэбэ.

Лука 9:48

иигэжэ хэлэбэ: – Минии нэрээр энэ үхибүүе хүлеэжэ абаһан хүн Намайе хүлеэжэ абаһан болоно, Намайе хүлеэжэ абаһан хүн Намайе иишэ эльгээһэн Бурханиие хүлеэжэ абаһан болоно. Юундэб гэхэдэ, таанадай эгээн даруу номгонтнай эгээл агууехэтнай гээшэ.

Иоанн 15:14

Минии захяа заабари сахин дүүргээ һаа, таанар Минии хани нүхэд болонот.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Галадуудта 3:10

Харин Хуули сахижа аршалагдахаб гэжэ һанаһан хүн бүхэн хэһээгдэхэ. Юундэб гэхэдэ, «Хуулиин зүйл бүхэниие үргэлжэ гүйсэдхэжэ байгаагүй хүн бүхэн хэһээгдэхэ», – гэжэ Нангин Бэшэг соо хэлээтэй байдаг.

Хуули дабталга 11:13

Хэрбээ минии мүнөөдэр хэлэһэн захяа заабаринуудые шагнан сахижа, Эзэн Бурхандаа дуратай байжа, бүхы зүрхэ сэдьхэлээрээ Тэрээндэ һүгэдөө гээшэ һаатнай,

Хуули дабталга 11:27

хэрбээ таанад мүнөөдэр минии дамжуулжа байһан Эзэн Бурханайнгаа захяа заабаринуудые сахибал, үреэл хайрада хүртэхэт;

Хуули дабталга 15:5

Эзэн Бурханайнгаа үгэ дуулажа, минии мүнөөдэр дамжуулан хэлэһэн бүхы захяа заабаринуудые сахин дүүргэхэеэ оролдоо гээшэ һаатнай, эдэ бүгэдэ хүсэлдэхэ байна.

Хуули дабталга 26:18

Эзэн таанадые Өөрынь хубиин арад түмэн гээд мүнөөдэр айладхана. Өөрынь захяа заабаринуудые сахин ябаха тухай Тэрэ захирна.

Хуули дабталга 26:19

«Өөрынгөө бүрилдүүлһэн таанадые бусад арадуудһаа бүри олон болгохоб, хүндэтэй, нэрэ түрэтэй, толотомо һайханаар ажаһуухат, Минии Өөрын нангин арад болохот», – гэжэ Эзэн Бурхантнай тунхаглана.

Хуули дабталга 28:13

Сахин дүүргэжэ байхыетнай минии мүнөөдэр дамжуулан хэлэжэ байһан Эзэнэй захяа заабаринуудые дүүргэжэ байгаа һаатнай, Тэрэ таанадые дахагшад бэшэ, удамаршад болгохо, тиихэдэнь доройтонгүй, хододоо амжалтатай ябадаг байхат.