Хуули дабталга 27:15 - Библи

¹⁵ «Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Хуули дабталга 27:15 ပူးပေါင်းရင်းမြစ်များ

Эхин 31:19

Тэрэ үедэ Лаваан хонидойнгоо нооһо хайшалхаяа хүдөө ошоһон байгаа. Тиихэдэнь Рахээл эсэгынгээ майханда ороод, онгонуудыень һэмээхэн абажархиба.

Эхин 31:34

Рахээл хулгайлһан онгонуудаа тэмээнэй тохом доро табяад, өөрөө дээрэнь һуугаад байба. Лаваан майхан соо нэгжээд, юушье олобогүй.

Эхин 9:25

иигэжэ хэлэбэ: – Хаам, шинии хүбүүн Ханаһаанай уг удам хараалда хүртэбэ! Тэдэ Шээм, Яапэдай үри һадаһадай богоол болохо!

4 Хаан түрэнүүд 17:19

Теэд иудыншье зон Эзэнэй, өөрынгөө Бурханай захяа заабаринуудые сахихаяа болижо, израильшуудтал адляар тэндэхи уул арадуудай ёһо заншал ба шажан мүргэлдэ оробо…

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

1 Угай бэшэг 16:36

Израилиин Эзэн Бурхан хэтын хэтэдэ магтагдахань болтогой! Бүхы зон «Болтогой!» гэжэ хэлээ, Эзэниие магтаа.

2 Угай бэшэг 33:2

Тэрэ Эзэндэ таарамжагүй хэрэгүүдые хэбэ. Эзэнэй израильшуудта үгэһэн газар дээрэхи уул арадууд мэтээр тэрэ жэгшүүритэй муухай ябадалнуудые үйлэдэбэ.

Египедһээ гаралга 20:23

Алта мүнгөөр бурханай хүрэг дархалжа, Минии хажууда табижа бү байгты.

Египедһээ гаралга 20:4

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Египедһээ гаралга 34:17

Бурханай хүрэг хэжэ бү байгты.

Исай 44:13

Модошо дархан модон дээрэ шугам татажа, хурса хушуутай шохойгоор хүреэлэн зураад, удаань тэрэнээ зүһэн мүлижэ, һайхан бэетэй хүнэй дүрсэ хээд, мүргэлэй гэртээ табидаг.

Исай 44:17

Харин модонойнгоо үлэгдэлөөр тэрэ шүтөөн өөртөө бүтээжэ, урдань һүгэдэн унажа, мүргэдэг. Тэрэ баһа шүтөөндөө зальбаран, иигэжэ хэлэдэг: «Ши болбол минии бурхан гээшэш. Намайе абарыш!»

Исай 44:19

«Би модоной хахадые галда түлижэ, нүүрһэн дээрэнь хилээмэ баряаб, мяха шаража эдеэб. Тиигээд би үлэһэн модоор шүтөөн бүтээгээб. Тэрэ модоной тайрадаһанай урда мүргэхэ юм гүб?» гэжэ хэлэхэ ухаан, мэдэсэ, ойлгосо тэдээндэ байхагүй.

Ерэмияа 11:3

Израилиин Эзэн Бурхан иигэжэ айладхана: Хэлсээнэй үгэнүүдые сахин дүүргэдэггүй хүн бүхэн хараал шэрээл шэнгээхэ.

Ерэмияа 11:5

Тиигэбэлнь, һүн далайн, зүгын балай урдажа байһан, мүнөө тэдэнэй эзэлжэ байгаа газар нютагые үгэхэб гэжэ элинсэг хулинсагтань тангариглаһан тангаригаа бэелүүлхэ байгааб. Би харюудань: – Мүн даа, Эзэмни! – гэбэб.

Ерэмияа 23:24

Намһаа хэншье хорон хоргодон байжа шадахагүй. Намайе тэнгэри болон газарта – хаа-хаанагүй байна гээд мэдэнэ гүт?

Ерэмияа 28:6

– Һайн даа! Эзэн иигэжэ үйлэдэхэнь болтогой! Нангин үргөөгэй үнэтэ баялигуудые болон Вавилоон руу сүлэгдэһэн бүхы зониие Тэрэ һөөргэнь бусааха гэгшэ шинии үгэнүүдые Эзэн бэелүүлхэнь болтогой!

Эзэкээл 14:4

Тэдээнтэй ши хөөрэлдэжэ, Минии, Эзэн Бурханай, иимэ айладхал дуулга: «Израилиин арад зоной хэн нэгэн онгонуудта мүргэжэ, Минии урда гэм үйлэдэжэ байһан аад, лүндэншэдэ ерэжэ, Намһаа зүбшэл заабари эрибэл, ямаршье харюу дуулахагүй!

Эзэкээл 7:20

Тэдэ алта, мүнгөөрөө ехэ омогорходог, бардамладаг бэлэй. Жэгшүүрилтэ онгонуудые тэрээгээр бүтээгээ. Тиимэһээ Эзэн баялигыень өөһэдтэнь таарамжагүй жэгшүүрилтэ муухай болгобо.

Даниил 11:31

нангин үргөө руу сэрэг ябуулха. Тиихэдэнь тэрэ сэрэг нангин үргөөе бузарлаха, үдэр бүриин үргэл болюулха, хооһон болгохо.

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Левит 19:4

Онгондо бү хандагты, шудхамал бурхадые өөһэдтөө бү хэгты. Би танай Бурхан, Эзэн гээшэб.

Левит 26:1

Мүргэхэ шүтөөн, элдэб дүрсэ, шулуун баханануудые өөһэдтөө бү табигты. Мүргэжэ байхаяа зурагтай шулуу өөрынгөө газар дээрэ бү табигты. Би танай Эзэн Бурхан гээшэб.

Тоололго 5:22

Санаарта тэрэ эхэнэртэ тангариглан иигэжэ хэлэг: «Хараалай муу хараал шэнгээдэг энэ онсо тусгаар уһан бэеэршни тараг. Хэрбэеэ шинии нүгэл хэһэн байгаа һаа, умайш доошоо унажа, умайнгаа газаа хээлитэхэш». Тэрэ эхэнэр «Тиихэ болтогой!» гэжэ хэлэг.

Матвей 24:15

– Даниил лүндэншын хэлэһэнэй ёһоор, нэгэтэ нангин газарта хооһоролго һүйдхэлдэ хүргэдэг «жэрхэштэй юумэнэй» байхые үзэхэт. Эдэ мүрнүүдые уншажа байһан хүн бүхэн ушар удхыень ойлгохыень хэшээг лэ.

Матвей 6:13

Горидолго хорхойтуулгада маниие бү оруулыт даа, муу мэхэтэй шолмосһоо аршалжа байгыт даа! Хаан түрэ, хүсэ шадал, алдар соло мүнхэдөө Танай ха юм. Болтогой!

Коринфынхидтэ 1-дэхи 14:16

Хэрбээ шинии һүнэһэ һүлдөөрөө Бурханда баясхалан хүргэжэ байбалшни, хэлэһэн юумыешни ойлгохогүй байһан юрын хүн хайшан гээд шинии баясхаланда «болтогой» гэжэ хэлэхэб.

Хуули дабталга 27:14

Левидүүд шангаар хашхаран, Израилиин улад зондо иигэжэ дуулгаха:

Хуули дабталга 29:17

Модоор, шулуугаар, мүнгөөр, алтаар хэһэн жэгшүүритэй шүтөөнүүдыень хараа бэлэйт.

Хуули дабталга 4:25

Үхи хүүгэдтэй, аша гушанартай боложо, дэлхэй дээрэ удаан ажаһуугаад, удаань ёһоо алдажа, ямаршьеб юумэнэй дүрсэ хэн, шүтөөн бүтээхэдээ, Эзэн Бурханайнгаа урда муу боложо, Тэрэниие сухалдуулбал,

Хуули дабталга 5:8

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Хуули дабталга 7:25

Бурхадайнь дүрсэнүүдые галда хаяжа шатаагты! Шүтөөнүүд дээрэнь байгааша алта-мүнгые абахаяа бү һанагты, юундэб гэхэдэ, тэрэ таанадта занга болохо. Эзэн Бурхантнай шүтөөнүүдые үзэн ядадаг.

Ударидагшад 17:3

Михаа өөрынгөө эхэдэ мянга нэгэ зуун шээкэл мүнгэ бусааба. Тиихэдэнь эхэнь хүбүүндээ иигэжэ хэлэбэ: – Би энэ мүнгөө арюудхажа, хүбүүнэйнгөө түлөө Эзэндэ зорюулан үргэнэб. Энэ мүнгөөрни шабар болон шудхамал бурхануудай дүрсэнүүдые бүтээг.

Ударидагшад 17:4

Михаа өөрынгөө эхэдэ тэдэ мүнгыень бусааба. Тэрэнэй эхэ хоёр зуун шээкэл мүнгэ абаад, тэдэнээ мүнгэшэ дарханда үгэбэ. Мүнгэшэ дархан шабараар болон мүнгэ шудхажа бурхануудай дүрсэнүүдые бүтээгээд, тэдэнээ Михаагай гэр соо табиба.

1 Хаан түрэнүүд 26:19

Мүнөө минии эзэн хаан өөрынгөө богоолой хэлэхые шагнаг. Хэрбээ Эзэн таниие намда эсэргүү болгоо һаа, Тэрэ үргэл намһаа абахань болтогой! Харин тэрэ хүнүүдэй үйлэдэһэн зүйл һаа, Эзэнэй урда тэдэ хараал шэрээл шэнгээг лэ! Юуб гэхэдэ, тэдэ намайе үлдэхэдээ, Эзэнэй угай зөөриһөө минии хуби намһаа хасана бшуу, «яба, ондоо бурхадта мүргэ» гэжэ хэлэнэ.