Хуули дабталга 25:19 - Библи

¹⁹ Эзэн Бурханайтнай эзэлхыетнай танай хуби гэжэ үгэжэ байгаа газар дайдада ороходоо, оршон тойронхи дайсадһаатнай Тэрэнэй амаруулхадань, амалээг арад тухай дурсалгашье алтан дэлхэй дээрэ бү үлөөгты, бултыень хюдагты! Энээн тушаа бү мартагты!

Хуули дабталга 25:19 ပူးပေါင်းရင်းမြစ်များ

1 Угай бэшэг 4:43

Тэндэ Амалээгэй үри һадаһадһаа үлэһэн һүүлшын зониие тэдэ хюдаад, мүнөө болотор өөһэдөө тэндэ ажаһуунад.

Эстээр 3:1

Эдэ бүгэдын удаа Ахашвероош хаан Агаагай удам угсаа болохо Һаммидаатын Һамааниие бусад түшэмэл ноёдһоо үндэр албан тушаалда томилбо.

Эстээр 7:10

Иигэжэ Мордохайе алахаар бодхооһон үлгүүртэ Һамаан өөрөө үлгүүлэгдэбэ. Энээнэйл удаа одоол хаанай уур сухал номгороо бэлэй.

Египедһээ гаралга 17:14

Эзэн Моисейдэ иигэжэ зарлигтаба: – Хуйламал бэшэгтэ дурасхаал болгон бэшээд, Иисүүстэ соносхоорой: Амалээгые газарай нюрууһаа Би огтолон һалгахаб – нэрэньшье үлэхэгүй!

Египедһээ гаралга 17:16

– Энэ хадаа «Эзэнэй туг гартамнай! Эзэн амалээгтэй үеһөө үедэ дайлалдаха!» гэһэн удхатай, – гэжэ тэрэ хэлээ һэн.

Египедһээ гаралга 33:14

– Би Өөрөө тантай ябажа, шамда туһалхаб, – гэжэ Эзэн айладаба.

Хуули дабталга 12:9

Эзэн Бурханайнгаа үгэжэ байһан амгалан тайбан газарта, тэрэ хубита газартаа, арай хүрөөгүй байнат.

Хуули дабталга 21:23

һүниндөө модондо орхихо ёһогүйт. Тэрэл үдэр тэрэниие хүдөөлүүлэгты, юуб гэхэдэ, модондо үлгөөтэй хүн Бурханай урда хараалай ехэ хараалтай. Эзэн Бурханайнгаа эдлэхыетнай үгэжэ байһан газар дайда бү бузарлагты.

Хуули дабталга 26:1

Эзэн Бурханайнгаа шинии хуби гэжэ үгэжэ байһан газарта хүрэжэ, эзэмдэжэ, тэндэ ажаһуужа эхилхэдээ,

Хуули дабталга 3:18

Тэрэ үедэ би тус обогуудай зондо иигэжэ захираа бэлэйб: «Эзэн Бурхантнай энэ газарые таанадта эзэлэн һуухыетнай үгөө. Дайлалдажа шадаха зонтнай бултадаа зэбсэгжээд, Израилиин улад зоной урда байлдаанда орохо ёһотой!

Хуули дабталга 9:14

Намда һаалта бү хэ, Би тэдэниие хюдахам, алтан дэлхэй дээрэ нэрэньшье мартагдаха, харин тэдэнһээ хүсэтэй, олон тоото улад зониие шамһаа үдэн гаргахаб».

Нүүнэй Иисүүс 11:23

Тиигэжэ Эзэнэй Моисейдэ хэлэһэн ёһоор Иисүүс бүхы газар абаа, тэрээнээ Иисүүс Израилиин зондо обогууд хоорондонь хубаажа үгөө. Газар дайда дайнһаа амараа.

Нүүнэй Иисүүс 23:1

Эзэнэй Израилиие бүхы талын дайсадһаань номгодхоһон, тэнигэр болгоһон хойно олон жэл үнгэрхэдэ Иисүүс хүгшэржэ, үндэр наһатай болоо.

Нүүнэй Иисүүс 6:3

Долоон санаартан долоон бүреэ ханзын урда үргэжэ ябаг; долоодохи үдэр хотые долоо дахин тойрогты, албатан бүреэгээ үлеэг.

Нүүнэй Иисүүс 7:12

Тииһэнэй түлөө Израилиин хүбүүд дайсадайнгаа урда тэсэнгүй дайсадта нюргаа харуулаа, юуб гэхэдэ, тэдэ хараалда хүртөө; өөһэдынгөө дундаа хараалтые усадхаагүй һаатнай, таанадаар ябахагүйб.

1 Хаан түрэнүүд 14:48

Тэрэ эрэлхэг зориг гарган, амалээгүүдые усадхажа, Израилиие дээрмэдэлгэһээ абарба.

1 Хаан түрэнүүд 27:8

Давид зонтоёо хамта ябажа, гэшүүршүүдтэ, гирзиидүүдтэ болон амалээгүүдтэ добтолдог байба. Тэдэ арадууд эртэ урдаһаа Шүүр, Египедэй газар хүрэтэр ажаһуудаг һэн.