Хуули дабталга 24:17 - Библи

¹⁷ Ерүүл хүниие, үншэн хэнзые гажа буруу бү шүүбэрилэ. Зээлеэр абаһан юумэнэйнь түлөө барюулга болгон бэлбэһэн эхэнэрэй хубсаһа бү аба.

Хуули дабталга 24:17 ပူးပေါင်းရင်းမြစ်များ

Иоов 22:6

Зээли абаха гэһэн хүнһөө барисаагаар мүнгэ эдижэ, хүнүүдые нюсэгэлдэг бэлэйш.

Иоов 24:3

Үншэн хүүгэдэй ганса элжэгые хайрлаха сэдьхэлгүй буляан абаашана. Бэлбэһэн эхэнэрэй зээли гуйхада, ганса үнеэень барисаанда абана.

Египедһээ гаралга 22:20

Мал амитантай хурисагшын ами хороохо ёһотой.

Египедһээ гаралга 23:2

Буруу хэрэгтэ олониие даган дууряажа бү яба. Олоной дуратайшье һаань, зарга шүүбэриин газарта үнэн зүбые гажаажа бү бай.

Египедһээ гаралга 23:6

Уг аймагайнгаа үгытэй хүнэй зарга шиидхэхэдээ, үнэн шударга байха хэрэгтэй.

Египедһээ гаралга 23:9

Ерүүл зониие бү харшала. Ерүүл зоной байдал өөһэдөө мэдэнэ ха юмта – Египедтэ байһанаа бү мартагты.

Һургаал 31:5

Тэдэ уужа һогтоод, хуули тогтоолнуудаа мартажа, зобоһон зоной эрхэ ашаг ула дороо гэшхэжэ магадгүй.

Экклезиаст 5:8

Хаанай хананхалан оролдодог орон нютагынь урдал хуу байдаг.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 3:15

Ямар эрхэтэй аад, арад түмэниием дарланабта, үгытэй ядуу зониие юундэ баһанабта? Энэ болбол Би, Түмэн Сэрэгтэ Эзэн Бурхан, айладажа байнаб!»

Исай 33:15

Зүб шударга ябажа, үнэн сэхые хэлэгшэд, дарлалта доро байһан зонһоо мэхээр эдилгэ абахаһаа зайсагшад, улаан шуһа урдахуулхаяа гү, али үшөөшье ондоо муу хэрэг хэхэеэ байгааша зонһоо холодон ябаашад амиды мэндэ үлэхэл.

Ерэмияа 22:3

– Би, Эзэн, үнэн зүбөөр хэрэгүүдые шиидхэхыетнай захирнаб. Хүн зониие дарлагшадһаань аршалагты. Ерүүл хүндэ, үншэн хэнзэдэ, мүн бэлбэһэн эхэнэртэ муугаар бү хандагты, бү харшалагты. Энэ нангин газарта гэм зэмэгүй зониие алажа бү байгты.

Ерэмияа 5:28

Тэдэ таргалаа, тоһо өөхөөр ялаганаа. Элдэб муу хэрэгүүдые үйлэдэнэ, буруу шүүбэрилнэ, үншэн хэнзын хэрэгһээ баяжана, ядуу зоной эрхэшье хамгаалнагүй.

Эзэкээл 22:29

Баяшуул арад зониие мүлжэнэ, үгытэйшүүлые, ядуу байдалтай зониие дарлана, ерүүл хүниие худалаар харшална.

Эзэкээл 22:7

Эхэ, эсэгэеэ хүндэлнэгүйт, ерүүл зониие дарланат, үншэн хэнзые, бэлбэһэн эхэнэрнүүдые харшалнат.

Левит 19:33

Танай газарта ерэһэн уладые бү газаалагты.

Михей 7:3

Муу муухай хэрэгүүдые хэхэдээ гарнуудынь һурамхи. Дарга эдилгэ абана, шүүгшэ хахуули абажа шүүбэри хэнэ. Хүндэтэй зон зоргоороо хэхэ юумэеэ хэжэ, хэрэг муудхаана.

Захарияа 7:10

Бэлбэһэн болон үншэдые, ерүүл хүниие болон ядуушуулые бү дарлагты. Зүрхэ сэдьхэлдээ нэгэ нэгэндээ муу юумэ түсэблэжэ болохогүй.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Лука 3:14

– Харин бидэ юу хэхэ ёһотой болонобибди? – гэжэ сэрэгшэд мүн лэ асууба. – Хүн зоной юумэ бү дээрмэдэгты, бү буляагты, салин хүлһөөрөөл ажамидарагты! – гэжэ Иоанн харюусаба.

Хуули дабталга 1:17

Нюур илгаруулжа бү байгты, шадалтай, шадалгүйшье зониие адли анхаран шагнагты. Хэнһээшье бү айгты, юуб гэхэдэ, шүүбэрилхэ гээшэ Бурханай хэрэг. Өөһэдөө шиидхэжэ шадахагүй хэсүү хэрэгээ намда даалгагты, би тэрэниие шиидхэхэб».

Хуули дабталга 16:19

Тэдэ хуули гурим хазагайруулха, нюур илгажа байха ёһогүй. Эдилгэ бү аба, юуб гэхэдэ, эдилгэ хадаа сэсэн хүниие һохор болгодог, үнэн шударга хүниие худалша болгодог.

Хуули дабталга 24:13

тэрэл үдэшэндөө бусаагаарай, тиихэдэшни тэрэ унтаха хубсаһатай боложо, шамайе үреэхэл. Эзэн Бурхантнай зүб, һайн хэрэг хээ гэжэ шамайе тоолохо.

Хуули дабталга 24:18

Египедтэ богоол байһанаа, Эзэн Бурханайтнай тэндэһээ таанадые гаргажа сүлөөлһыень бү мартагты. Тиимэһээ би таанадта эдэ бүгэдые үгытэй зоной аша туһада хэхыетнай захирнаб.

Хуули дабталга 24:6

Урьһаар хэн нэгэндэ юумэ үгэһэнэй түлөө орондонь барюулга гэжэ хэншье тэрэнэй шулуун тээрмэ абаха ёһогүй. Юуб гэхэдэ, ами наһаяа залгадаг бүхы эдеэ хоолыень тэрэ хуряан абаһандал болоно ха юм.

Хуули дабталга 27:19

«Ерүүл зоной, үншэн хэнзын, үбгэеэ гээһэн эхэнэрэй эрхэнүүдые эбдэһэн хүн хараалай ехэ хараал шэнгээхэ!» Бүхы арад зон харюусаха: «Болтогой!»

Яковай хандалга 2:6

Харин таанар үгытэй хүниие гомдохообот! Тиихэдээ таанадые баяшуул лэ хашажа мүрдэжэ, зарга шүүбэридэ оруулдаг бэшэ аал?