Хуули дабталга 24:15 - Библи

¹⁵ Наранай орохын урда тээ үдэрэйнь түлбэриие үгэдэг бай, юуб гэхэдэ, тэрэ үгытэй, тиигээд энэ мүнгэ ехэ хүлеэнэ. Түлөөгүй һаашни, тэрэ Эзэндэ шам тухай гомдол бариха, тиигээд ши нүгэлтэй болохош.

Хуули дабталга 24:15 ပူးပေါင်းရင်းမြစ်များ

Иоов 31:13

Хэрбээ ажалшадтаа үнэн шударга буса байгаа һаам, зарасын гомдолоо мэдүүлхэдэнь, хэрэглэнгүй байгаа һаам,

Иоов 31:38

Минии гэм зэмэ тухай газар орилхоор, бураздаагайнь гомдохоор

Иоов 34:28

ядуу зондо дээрэлхүүгээр хандахадань, ядуушуулай орилоон Тэрээндэ дуулдадаг.

Иоов 35:9

Зобожо дарлагдаһан хүнүүд уйлан ёоложо, хархис этэгээдүүдэй һабарһаа гараха гэжэ тэгүүлбэшье, тэдэниие Бүтээгшэ хэсүү үедэ туһалжа шадаха гү гэжэ ойлгодоггүй. Хүнүүдые бүтээхэдээ, арьяатан амитантай, жэгүүртэн шубуунтай жэшэмээр бэшэ ехэ ухаа үгэһэниинь ушартай гэжэ ухаалдидаггүй.

Иоов 7:2

Зараса богоол бүхэли үдэртөө ойгоштороо халуун наранда хүдэлхэдөө, оройн һүүдэр тухай уйдан бододог. Хүндэ ажалаа арайшье дүүргээд, хүлһэеэ горидон хүлеэдэг.

Псалманууд 24:4

Гараха замаа намда мэдүүлыт, Эзэн! Өөрын харгынуудые намда заажа үгыт. ה Һээ

Псалманууд 25:1

[Давидай зохёоһон.] Эзэн, үнэн сэхээр ябаалби, зарга хэрэгыем зүб шиидхыт. Хайшаашье гуйбангүйгөөр Тандал найданаб.

Псалманууд 86:4

Намайе мэдэдэг зоной дунда Рааһаб болон Вавилоон, тиихэдэ Пилишт, Тиир, Эфиопи Нам тушаа мэдэнхэй, «Тэрэ тэндэ түрэһэн» гэлдэнэ гэжэ дуулгахаб.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 22:13

Өөрын гэр байрые үнэн сэхээр бэшэ, дээдэ таһалгануудаа үнэн зүбөөр бэшэ баридаг хэн нэгэнтэй, зондо салин хүлһыень үгэнгүй ажал хүүлэдэг хэн нэгэнтэй гай гасалан тохёолдог!

Левит 19:13

Хажуудахи хүнөө бү гомодхоо, юумэ бү тоно. Зараһан хүнэйнгөө түлбэри үглөөдэр болотор бү удааруула.

Левит 25:35

Хэрбээ аха дүүнэршни үгырөөд, шамда ерээ һаань, туһа хүргэ, ондоо тээһээ ерэһэншье байг, хүдөө ажаһуудагшье байг, шамтай сугтаа байг.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Матвей 20:8

Үдэшэ болоходо, үзэмэй сэсэрлигэй эзэн эрхилэгшэдээ хандажа: «Ши хүдэлмэришэдые дуудажа, һүүлдэ ажаллахаяа гараһан хүнүүдһээ эхилээд, түрүүшээр гараһан хүнүүдээр түгэсэн, ажалайнь хүлһэ түлэ», – гэбэ.

Марк 10:19

Ши захяа заабаринуудые мэдэнэ ха юмши. «Бү ала, ханидаа бү урба, хулгай бү хэ, бусад тухай худал юумэ бү хэлэ, хүниие мэхэлжэ, юумыень бү аба. Эхэ эсэгэеэ хүндэлэ».

Хуули дабталга 15:9

«Долоодохи жэл, үри шэри хүлисэхэ жэл, ойртоо» гэһэн муу һанаан толгойдош орожо, үгытэй угсаатандаа шэрүүнээр хандан, тэрээндэ туһалхаяа арсахаһаа болгоомжоло. Юуб гэхэдэ, тэрэ Эзэндэ шам тухай гомдол бариха, тиихэдэнь ши зэмэтэй болохош.

Тимофейдэ 1-дэхи 5:18

«Таряа тээрмэдэжэ байһан сарай эдихэдэнь һаалта бү хэ», «Хүдэлмэришэн шагналаа абаха эрхэтэй» гэжэ Нангин Бэшэг соо бэшээтэй байдаг.

Яковай хандалга 5:4

Таряалан дээрэтнай ажаллаһан хүдэлмэришэдтэ хүлһыень түлэхэеэ таанад арсабат, харин мүнөө тэдэнэй түлэгдөөгүй салингынь таанадые зэмэлэн хашхарна. Һүр жабхаланта Эзэн ургасыетнай хадаһан хүдэлмэришэдэй гэгэхые дуулаа.