Хуули дабталга 20:20 - Библи

²⁰ Эдихэ жэмэс үгэдэггүй модод гээд һайн мэдэхэ мододоо орбонгоорнь унагаажа, дайлажа байһан хото эзэлтэрээ урдаһаань бүхэлэлтэ тэрээгээр лэ хэхэдэтнай болохо.

Хуули дабталга 20:20 ပူးပေါင်းရင်းမြစ်များ

4 Хаан түрэнүүд 3:19

Таанад тэдэнэй бүхы бэхижүүлгэнүүдые, бүхы хотонуудые һандаргахат, бүхы жэмэстэ модонуудыень таһар сабшахат, тарилгын бүхы газарыень үрэжэлгүй болгожо, дээрэнь шулуунуудые хаяхат! – гэжэ хэлэбэ.

2 Угай бэшэг 26:15

Иерусалимай дархашуул годли, томо шулуу шэдэдэг оньһон түхеэрэлгэнүүдые бүтээжэ, самхагууд, углуунуудаар табиба. Хотонуудые эрхимээр аршалһан, хүсэ шадалтай болоһон Уззияа тушаа һураг суу али холуур тараа бэлэй.

Экклезиаст 9:14

Үсөөн зонтой багахан хотодо хүсэ ехэтэй хаан добтолон хүреэлөөд, ехэ хашалта хэбэ.

Исай 37:33

Ассириин хаан тушаа Эзэн айладхаба: Тэрэ энэ хото руу орохогүй, тиишэнь ном годлинуудаа харбахагүй. Хотын урдаһаа бамбай бариһан сэрэгынь ерэхэгүй, бүһэлүүр обоошье бодхоохогүй!

Ерэмияа 33:4

Би, Израилиин Эзэн Бурхан, Иерусалимай болон Иудын хаанай ордон бүһэлэгдэн, добтолгодо ороод, һандаргагдаха гээд айладханаб.

Ерэмияа 6:6

Иерусалимые бүһэлхэеэ модо отолжо, ханануудайнь дэргэдэ хашаа барихыень эдээндэ Түмэн Сэрэгтэ Эзэн захираа: «Би энэ хотодо хэһээлтэ амасуулхаб, юуб гэхэдэ, тэрээн соо дарлалта-харшалалта ходо боложо байна.

Эзэкээл 17:17

Вавилооной сэрэгэй добтолон, хото руу нэбтэрэн орохоёо, ажаһуугшадыень алахаяа далан барижа, бүһэлүүр ханануудые бодхоожо байхадань, хүсэтэй олон сэрэгтэй Египедэй фараоншье тэрээндэ туһалжа шадахагүй.

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 20:19

Эзэлхэ зорилго табижа, хотые удаан сагта бүһэлөөд байбашье һаа, алим жэмэстэ мододыень бү эбдэгты. Тэдэнэй үрэ жэмэсээр хооллоходо болохо бшуу. Оршон тойронхи байгаалиие ханха зайдан бү болгогты, юуб гэхэдэ, талын модон танһаа хоргодон хорохо хүн бэшэ ха юм даа.

Хуули дабталга 21:1

Эзэн Бурханайтнай үгэжэ байһан газар дайдада алуулһан хүн олдобол, теэд хэн тэрэниие хороогооб гэжэ мэдэхын аргагүй байгаа һаань,