Хуули дабталга 20:18 - Библи

¹⁸ Өөһэдынгөө бурхадта һүгэдэн хэдэг жэгшүүритэй муухай юумэ тэдэнэй таанадта заахагүйн тула, тиигээд Эзэн Бурханайнгаа урда нүгэл та бүгэдын хэхэгүйн тула тэдэниие хюдагты.

Хуули дабталга 20:18 ပူးပေါင်းရင်းမြစ်များ

4 Хаан түрэнүүд 21:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Израилиин хаан Ахаабые һажаажа Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

Египедһээ гаралга 23:32

Тэдээнтэй, тэдэнэй бурхадтай хэлсээ бү баталагты.

Египедһээ гаралга 23:33

Эдэ арадууд танай газар дээрэ һууха ёһогүй – үгы гэбэл, тэдэ таанадые Минии урдаһаа нүгэл хүүлэжэ һалаха. Тэдэнэй бурхадта мүргэхэ гээшэ танай занга болохо жэшээтэй».

Египедһээ гаралга 34:12

Болгоомжотой байгты, ошоһон газартатнай һуудаг зонтой хэлсээ баталжа бү байгты – тэрэтнай танда занга болохо!

Египедһээ гаралга 34:16

Тэдэнэй басагадые хүбүүдтээ һамган болгожо абабалтнай, танай хүбүүдые забхай ябадалда оруулха.

Коринфынхидтэ 1-дэхи 15:33

Таанад бү эндүүржэ ябагты. «Муу ханинар һайн сэдьхэлтэй хүниие доройтуулдаг».

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Эфесэйхиндэ 5:11

Харанхы мунхагай үрэ дүнгэй хэрэгүүдтэ ямаршье хабаагүй байгты, тэрэ хэрэгүүдые гэрэл туяада гаргажа элирүүлжэ байгты.

Хуули дабталга 18:19

Тэрэнэй Минии нэрэһээ хэлэһэн үгэнүүдые хэн нэгэнэй дуулаагүй гээшэ һаань, Би тиимэ хүниие хэһээхэб!

Хуули дабталга 18:9

Эзэн Бурханайнгаа үгэжэ байһан газарта ерэхэдээ, тэндэхи арадуудай хэжэ байһан жэгшүүритэй муухай юумэ хэжэ бү һурагты.

Хуули дабталга 20:17

Хээт, эмоор, ханаһаан, пэриззии, хиив, евүүс гэдэг арадуудые дууһан хюдаарайгты, юуб гэхэдэ, Эзэн Бурхантнай таанадта тиигэжэ захираа бэлэй.

Хуули дабталга 20:19

Эзэлхэ зорилго табижа, хотые удаан сагта бүһэлөөд байбашье һаа, алим жэмэстэ мододыень бү эбдэгты. Тэдэнэй үрэ жэмэсээр хооллоходо болохо бшуу. Оршон тойронхи байгаалиие ханха зайдан бү болгогты, юуб гэхэдэ, талын модон танһаа хоргодон хорохо хүн бэшэ ха юм даа.

Хуули дабталга 9:5

Тэдэнэй газар дайда үнэн сэхэ байһанайтнай түлөө бэшэ, сэбэр сэхээр ажаһууһанайтнай түлөө бэшэ таанадта хүртэхэ. Тэдэ арадуудай буруу ябадалтай һэн тула, мүн танай үбгэ эсэгэнэр болохо Абраһаам, Исаак, Яков гэгшэдтэ тангариглаһан үгэеэ дүүргэхын тула Эзэн Бурхантнай тэдэниие хажууһаатнай үлдэхэл.

Фессалоникиинхидтэ 2-дохи 3:14

Энэ бэшэг соогоо захиһан үгэнүүдыемнай дуулаха дурагүй хүнүүд байжа магадгүй. Тиигэбэл таанад тэдэ хүнүүдэй эшэжэ улайхын тула тэдэниие ажаглажа байгаад, тэдэнээр харилсангүй байгаарайт.

Тимофейдэ 1-дэхи 6:5

Тиимэ хүнүүд үнэн зүбһөө холодоһон, балартаһан ухаантай хүнүүдээр дэмы заргалдажа байдаг. Тэдэнэр зөөри баялигтайл болохын тула Бурханда шүтэдэг гэжэ бододог.

Нүүнэй Иисүүс 23:13

Эзэн, танай Бурхан тэдэ арадуудые танһаа үлдэхэгүй, тэдэ танда бугуули ба губшуур болохо, танай хабһанда ташуур, нюдэндэтнай адаалхай үбһэн болохо, Эзэнэй, танай Бурханай танда үгэһэн газарһаа таанар усадхагдахат.

Ударидагшад 2:3

Мүнөө Би эндэхи уул хүнүүдые таанадһаа холодхон үлдэхэгүйб. Тэдэнэр таанадта урьха, тэдэнэй бурхад таанадта гүльмэ боложо үгэхэ гэжэ мүнөө Би таанадта хэлэнэб!»