Хуули дабталга 2:37 - Библи

³⁷ Гансал Аммооной уг изагуурай газарта дүтэлөөгүйбди – Яббоок гэжэ гол шадар дайдада, уулархаг орон нютагай хотонуудта. Эзэн Бурханайнгаа гар хүрэхэгүй гэжэ захирһан нэгэшье газар уһанда бидэ дүтэлөөгүй һэмди.

Хуули дабталга 2:37 ပူးပေါင်းရင်းမြစ်များ

Эхин 32:22

Гэбэшье тэрэл һүни Яков Лэһаа, Рахээл һамгадаа, Зилпаа, Билһаа гэдэг хоёр зараса эхэнэрнүүдээ, арбан нэгэн хүүгэдээ абаад, Яббоок голые гарасаар гаталан гараба.

Тоололго 21:24

Израильшууд хаанииень һэлмээрээ сабшажа алаад, Арноон мүрэнһөө Яббоок мүрэн хүрэтэрхи эмооршуудай бүхы газар дайдыень эзэмдээд, һайнаар бүхэлэгдэһэн хотонуудтай аммоонуудай хилэдэ хүрэбэ.

Хуули дабталга 2:19

Аммооной үри һадаһадай газарта дүтэлхэт, теэд тэдэнтэй бү муудалдагты, бү дайлалдагты, юуб гэхэдэ, Би Аммооной угай газарһаа таанадта юушье үгэхэгүйб. Тэдэнэр Лоот гэгшын уг удам болоно, тиимэһээ тэдээндэ эдлэхыень энэ газар үгэнхэйб».

Хуули дабталга 2:5

Тэдээнтэй дай бү үүдхэгты. Тэдэнэй альганайшье шэнээн газар таанадта үгэхэгүйб, Сэһиирэй хадата газарые Эсаавай уг унгида эзэмдэн ажаһуухыень үгөөб.

Хуули дабталга 2:9

Эзэн намда үгүүлбэ: «Моһаабай арад зонтой, Лоот гэгшын үри һадаһадтай бү муудалдагты, байлдаа бү үүдхэгты. Аар хотые тэдээндэ эдлэхыень үгэнхэйб, газарһаань юушье танда хүртүүлхэгүйб».

Хуули дабталга 3:16

Арноон голой нюрууда Галаадһаа Яббоок гол хүрэтэр газарые Рэүбээнэй ба Гаадай обогуудта үгөөб. Нэгэ талаһаа тус газарай хилэнь Арноон голдо туладаг, нүгөө тээһээнь Яббоок гол бэлэй. Яббоок гол хадаа Аммооной уг изагууртантай тэдэнэй хилэ болодог юм.

Нүүнэй Иисүүс 12:2

Хэшбоондо байһан, Арнооной урадхалай эрьедэхи Ароһээрһээ, дунда урадхалһаа Галаадай хахадые аммоонуудай хилэ Яббоогой урадхал хүрэтэр,

Ударидагшад 11:15

иигэжэ тэрээндэ хэлэбэ: – Израиль Моһаабай болон Аммооной газарнуудые абаагүй.

Ударидагшад 11:22

Арноонһоо Яббоок мүрэн болон сүл губиһаа Иордан мүрэн хүрэтэрхи бүхы дайдыень эзэлбэ.