Хуули дабталга 19:13 - Библи

¹³ Алуулха хүниие бү хайрлагты, өөрөө тэрэ зэмэгүй хүниие алаа ха юм. Израильһаа энэ гэм зайсуулагты, тиигэбэл, таанадта һайн байхал.

Хуули дабталга 19:13 ပူးပေါင်းရင်းမြစ်များ

Эхин 9:6

Хэрбээ хэн нэгэн хүниие алаа һаа, өөрөө алуулха. Юундэб гэхэдэ, хүн гээшэ Минии, Бурханай, түһөөгөөр бии болгогдоо.

2 Хаан түрэнүүд 14:7

Мүнөө бүхы түрэлхид минии урдаһаа тулажа, «ахаяа алаһан хүниие бидэндэ үгэ. Алаһан ахынь түлөө тэрэниие алахамнай» гэлдэнэ. Тэдэ иигэжэ минии ори гансахан ошо унтаргаажа, газар дээрэ үбгэнэймни нэрыешье, уг удамыеньшье үлөөхэгүйнь, – гэжэ тэрэ эхэнэр хэлэбэ.

2 Хаан түрэнүүд 21:1

Давидай хаан түрэеэ зонхилхо үедэнь үлэсхэлэн хооһон гурбан жэл хойно хойноһоо тохёолдобо. Тиихэдэнь Давид Эзэнһээ ушар шалтагааниинь һурагшалба. Эзэн иигэжэ айладхаба: – Саул болон тэрэнэй гэр бүлэ зоной шуһа урдахуулһандаа зэмэтэй. Тэрэ Гибэһооной хүнүүдые алаа.

2 Хаан түрэнүүд 21:14

Иигээд тэдэ Саул болон тэрэнэй хүбүүн Ёнатаанай яһа Бэньямиин нютагай Цэлаада, Кииш эсэгынь булаша бунханда хүдөөлүүлбэ. Бүхы юумэн хаанай захирһанай ёһоор бүтээгдэбэ. Энээнэй удаа энэ орон нютаг тушаа тэдэнэй зальбарал гуйлта Бурханда хүрөө һэн.

3 Хаан түрэнүүд 2:31

Хаан тэрээндэ: – Хэлэһэнэйнь ёһоор хэ, тэрэниие алажа, хүдөөлүүлэ. Ёһаабай гэмгүй зониие алаһанай түлөө би, мүн Давидай бэшэшье үри һадаһад иигэжэ гэм зэмэгүй болохобди.

Эзэкээл 16:5

Эдэ бүгэдын нэгыеньшье хэншье хээгүй, шамайе хайрлаагүй. Харин ши хээрэ тала руу хаягдаа бэлэйш. Юуб гэхэдэ, түрэһэн үдэрһөө эхилэн ши хэндэшье хэрэггүй болоо бэлэйш.

Левит 24:17

Хэн хүниие аланаб, тэрэ усадхагдаха ёһотой.

Левит 24:21

Хэн үхэр мал алааб, тэрэнэй түлөө түлэхэ ёһотой. Харин хүниие алаһан хүн үхэлдэ хүртэхэ ёһотой.

Тоололго 35:31

Үнэхөөрөө тэрэнэй алууршан байбал, тэрээндэ толгойн сааза хүртүүлэгты. Алууршын ами наһанай түлөө эдилгэ мүнгэ абажа болохогүй.

Хуули дабталга 13:8

тэрэнэй үгэдэ бү оро, бү шагна, нигүүлэсхы зан бү гарга, тэрэниие бү хайрла, бү аршала.

Хуули дабталга 19:12

хотын аха захатан хойноһоонь эльгээжэ, тэрэниие асаруулха ёһотой. Удаань үһөөгөө абажа алахыень алуулһан хүнэй дүтын түрэлдэ тэрэ хүниие дамжуулха болоно.

Хуули дабталга 19:21

Зэмэтэй хүниие хайрлажа бү байгты. Эндэ иимэ заяг заршам баримталагдаха ёһотой: ами наһыень хорообол, өөрынгөө ами наһаар түлэг, нюдэнэй түлөө нюдөөр, шүдэнэй түлөө шүдөөр, гарай түлөө гараар, хүлэй түлөө хүлөөр.

Хуули дабталга 21:9

Иигэжэ таанад гэм зэмэгүй хүнэй шуһа урдахуулһанһаа гэмээ арюудхахат. Энэ болбол Эзэндэ таатай.

Хуули дабталга 25:12

тэрэнэй гарые таһа сабшагты, бү хайрлагты.

Хуули дабталга 7:16

Эзэн Бурханайнгаа танай мэдэлдэ үгэһэн бүхы арадуудые усадхахат, тэдэниие бү хайрлагты, тэдэнэй бурхадта бү зальбарагты, юуб гэхэдэ, энэ хадаа таанадта табиһан урьха гээшэл.

Хуули дабталга 7:2

танай мэдэлдэ тэдэниие Эзэнэй үгэхэдэнь, һамна бута сохихот. Тэдэниие үгы хэгты, тэдээнтэй хэлсээ баталжа бү байгты, бү хайрлагты.