13 Эзэн Бурханайнгаа урда түгэс арюун байгты.
Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.
Энэ болбол Нойн түүхэ юм. Тэрэ сагай хүн зон соо гансал Ной зүб шударга, ямаршье өө мөөгүй байгаа, Бурхантай эбтэй эетэй ажаһуугаа.
Мүнөө байһандал адляар таанад Эзэн Бурхандаа хододоо үнэн сэхэ байжа, ёһо гуримуудыень, захяа заабаринуудыень сахин байхатнай болтогой!
Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.
«Минии зараса Иоовые хараа гүш? Тэрээн шэнги гэм зэмэгүй, үнэн шударга, Бурханда һүгэдэн бэшэрдэг, бузар мууһаа зайладаг хүн дэлхэй дээрэ үгыл», – гэжэ Эзэн айладаба.
Тиимэһээ эрхим түгэс Огторгойн Эсэгэдээл адли таанадшье эрхим һайн байгты.
Би зорилго эрмэлзэлдээ хүрөөб, хэхэ ёһотой юумэеэ бүгэдыень хээб, эрхим түгэс болооб гэнэгүйб. Гэхэдээ Иисүүс Христоос намайе ямар шагналда хүртөөхөөр Өөртөө татаа һэм, тэрэ шагналыень абаха гэжэ би оролдоноб.
Оюун сэдьхэлээрээ болбосон хүн бүхэмнай иимэл һанал бодолтой байха ёһотой. Хэрбээ зариманайтнай ондоо һанал бодолтой байбал, Бурхан тэрэнииетнай эли болгожо харуулхал.
Эзэнһээ айгты, сэбэрээр, үнэн сэхээр Тэрээндэ алба хэгты. Голой саана Египедтэ танай эсэгэнэрэй алба хэһэн бурхадта бү шүтэгты, Эзэндэ алба хэгты.
Һэргэлэн байгты; үлөөшэ юумэеэ хуу барандаа хосороодүйдэнь бэхижүүлэгты, юуб гэбэл, үйлэ хэрэгүүдтнай Бурханаймни урда хүсэд дүүргэгдээгүй гэжэ Би һананаб.
